Roma 4:11 - Taaz Weru Witu u Nunuwu'en Tombulu

¹¹ Si Abraham é sinunat in urémo ma'éman wia si Opo Empung wo u sunat itii é meterai i ni sia niéndo-Namo ulit in zéi'kampé' sinunat. Niitumo ni sia é niéndo ama' né tou ma'éman zozo' sé tou ma'éman itii zéi'kampé' sinunat wo ni séra niéndo ulit ni Opo Empung.

Roma 4:11 Iomraidhean Croise

Matius 16:16

A mingkotla si Simon Petrus, “Ni Komo si Mesias, Oki' ni Opo Empung si menou-nou.”

Matius 8:11

Ikua-Kuma wia ni kamu: Lakez sé tou witi sendangan wo talikuzan é méyé wo kuman mahwali-wali karia ni Abraham, ni Ishak wo ni Yakub witi Kakolanoan ni Opo Empung.

Lukas 19:9

Ang kuan ni Yesus wia ni sia, “In endo kenu ni ko karia né wia um walé kenu én ipilot im witu un ukuman wana a singkéla', pahpaan ni ko kangkasii é suzu ni Abraham.

Yohanes 3:33

Séi si ma'éman an ipahkua-Na, ni sia é makaulit i si Opo Empung én ulit.

Yohanes 3:36

Séi uman si ma'éman wia si Oki', si tou itii é makailek ung katou-touan makaz ing kauré-uré. Taan séi uman si zéi'kan mahtali-talinga wia si Oki', zéi'kan makailek ung katou-touan makaz ing kauré-uré taan ukumen ni Opo Empung makaz ing kauré-uré.

Yohanes 6:35

Kuan ni Yesus wia ni séra, “Ni Aku kenumo u roti mahwéhé ung katou-touan. Séi uman si méyé wia ni Aku én zéi'mo mahpenda-pendanla u maharem. Wo séi uman si ma'éman ni Aku én zéi'mo mahpenda-pendanla u maré'o.

Yohanes 6:40

Pahpaan niiamo um paaz ni Ama'ku: Wo péléng sé tou nimilek wo sé ma'éman si Oki' é makailek ung katou-touan makaz ing kauré-uré wo ni séra én itou-Ku sumaup im witu un endo kaakazan ung kaayahan.”

Yohanes 6:47

Uli-ulit ikua-Kuma wia ni kamu: Séi uman si ma'éman, ni sia é makaanu ung katou-touan makaz ing kauré-uré.

Yohanes 8:33

A séra mingkotla, “Ni kai é suzu ni Abraham wo zozo' in esa ni kai én zéi'kampé' pinahata-atala né tou. Kura kahuman Ko mahkua i ni kamu én ipilot im witu um pahata-atan?”

Roma 10:11

Pahpaan witu um Pinantik Lenas é méipantik in téntii, “Séi uman sé ma'éman ni Sia én zéi'kan papaiza-izang.”

Roma 10:4

Si Kristus limekepo péléng am witu un ukum Torat wia ni kita. Niitumo, péléng sé tou ma'éman wia ni Sia é niéndo ulit ni Opo Empung.

Roma 10:6

Taan tumoro u niéndo ulit ni Opo Empung mengiit um pa'émanen wia ni Sia, um Pinantik Lenas éng kimua in téntii, “Tia' mahkua witu un atému: Séi si mangé witi kasendukan i mahwalimé si Kristus in tumumpamé?”

Roma 3:22

im pélén sé tou ma'éman si Yesus Kristus uman sé niéndo ulit ni Opo Empung. Si Opo Empung nimangun niitu wia péléng sé tou ma'éman pahpaan péléng sé tou é masuat uman.

Roma 3:26

In tarékan si Yesus nimaté simawel ni kita, niitumo un tumuzu'mé i si Opo Empung én zéi'kan mahsanaweka. Karia in téntu si Opo Empung mapaileké i ni Sia én ulit wo péléng sé ma'éman wia si Yesus én éndon ulit ni Opo Empung witu u sinaru-Na.

Roma 3:30

Si Opo Empung én esa uman. Sé tou Yahudi sé ma'éman si Yesus Kristus wo sé tou zéi'kan Yahudi sé ma'éman si Yesus Kristus é niéndo ulit ni Opo Empung.

Roma 4:10

Kawisa si Abraham niéndo ulit ni Opo Empung? Apa puunala ni sia i sinunat kaapa i sinunato? Ni sia é niéndo ulit puunala sia i sinunat, zéi'kan i sinunato.

Roma 9:30

Sa téntu, ung kalakoan niana péléng én téntii: Sé zéi'kan tou Yahudi zéi'kan mahtututu' i mahtata'u ung kapaaz ni Opo Empung, taan pahpaan ni séra ma'éman ni Sia, ni séra niéndo-Namo ulit.

Roma 9:33

tanu u méipantik witu um Pinantik Lenas: “Talingana ang kenu. Im witi kentur Sion, ni Aku én zimeta'momé um watu pahkasangkilan né tou, um watu tua'na um pahkazemakan néra, taan sé ma'éman wia ni Sia én zéi'kan papaiza-izang.”

Roma 9:6

Zozo' sé tou Israel é soo ma'éman si Yesus, ni aku én zéi'kan mahkukuama a méitaaz ni Opo Empung wia sé nimaopo néra én zéi'mo pahpakén; taan zéi'kan péléng sé suzu né tou Israel én tou pinéléng ni Opo Empung.

2 Korintus 1:22

Si Opo Empung si niméhé si Roh Lenas witu un atéta un tumuzu'mé i ni kai én toro makailek péléng a méitaaz-Na wia ni kai. Si Roh Lenas én tanu u meterai un tumuzu'mé i ni kita én tou-Na.

Galatia 3:22

Taan witu um Pinantik Lenas méipantik, “Péléng sé tou éng kinawasamo a singkéla'.” Niitumo, un taaz ni Opo Empung un iwéhé mengiité um pa'émanen wia si Yesus Kristus én iwéhé wia ni séra sé ma'éman wia ni Sia.

Galatia 3:29

Sa ni kamu én anu ni Kristus, ni kamu kangkasii é méikarékéno suzu ni Abraham wo ni kamu é makailek a méitaaz ni Opo Empung wia si Abraham.

Galatia 3:7

Niitumo, ileken nioula, péléng sé tou ma'éman si Opo Empung, ni séramo sé oki' ni Abraham.

Galatia 5:5

Pahpaan um pa'émanenta wia si Yesus Kristus, niitumo si Roh Lenas é mahpaayang wia ni kita. Karia in téntu, ni kita é niméré' uman in éndon ulit witu u sinaru ni Opo Empung tanu um pengento-ngento'enta karia in ezen.

Galatia 6:16

Im wia péléng sé tou sé menou-nou karia ung katou-touan weru kenu, mengalé-ngaléi uman u mahlé'o-lé'osan wo u raraatéan ni Opo Empung én iwéhémé wia ni séra wo wia sé tou Israel sé anu ni Opo Empung.

Efesus 1:13

Téntu kangkasii ni kamu é nimaéndomo tou ni Opo Empung i ni kamu timalingamola u nuwu' kaulitan um wia si Opo Empung a méyé, niitumo u Nuwu' Lé'os u nimilot ni kamu im witu un ukuman wana a singkéla'. I ni kamu nima'émanola u Nuwu' Lé'os itii, si Opo Empung é niméhémé si Roh Lenas wia ni kamu un tumuzu'mé i ni kamu én tou-Na, mengiit u mémoitaaz-Na.

Efesus 4:30

Tia'mo mahwangun un até ni Roh ni Opo Empung i rumara pahpaan si Roh ni Opo Empung si tumuzu'mé i ni kamu én anu ni Opo Empung makaz witu un endo kaakazan ung kaayahan i si Opo Empung méhé ung katou-touan makaz ing kauré-uré.

Filipi 3:9

Pahpaan ni aku ma'éman wo nimaesamo karia ni Kristus, ni aku é niéndo ulit witu u sinaru ni Opo Empung. Ni aku niéndo ulit witu u sinaru ni Opo Empung zéi'kan pahpaan i mahkiit un ukum Torat taan pahpaan ma'éman wia si Kristus. Niitumo, si Opo Empung nimangun ni aku maéndo ulit witu u sinaru-Na pahpaan ni aku ma'éman si Kristus.

Ibrani 11:7

Pahpaan i ma'éman, si Nuh nimangun u londéi totoz tua'na in tumulung ni sia wo sé sana awuna. Karia in téntu, ni sia nimapailek i ni sia én uli-ulit ma'éman wia si Opo Empung, taan sé tou walina wia ung kaayahan é simingkéla' pahpaan soo ma'éman u méikua ni Opo Empung itii. Niitumo, si Nuh éng kinua ni Opo Empung in tou ulit mengiit um pa'émanenna.

2 Petrus 1:1

Um pinantik kenu ém pinantikku, Simon Petrus, ata wo aatu ni Yesus Kristus, iwéhé wia sé mahwali-wali karia nai sé ma'émano. Ni kita nima'éman wia si Yesus Kristus pahpaan ni Sia é si Opo Empung wo si nimilot ni kita im witu un ukuman wana a singkéla' wo si zéi'kan mahsanaweka.

Wahyu 9:4

Sé koropit itii ém pinerénta in tia' mahléwo' an zukut, an tinanem kaapa ang kai wia ung kaayahan. Sé toro uman i séhézen néra é sé tou zéi'kan winéhan un tanda ni Opo Empung witu un tungtung néra.