Roma 3:9 - Taaz Weru Witu u Nunuwu'en Tombulu

⁹ Niitumo, apa ni kita in tou Yahudi é lumé'ospé'mé sé tou zéi'kan Yahudi? Zéi'kan! Pahpaan ing kataré é méikuatamoma im péléng sé tou Yahudi wo péléng sé tou zéi'kan Yahudi éng kinawasa a singkéla'.

Roma 3:9 Iomraidhean Croise

Lukas 7:39

I niileka ni tou Farisi si kimua si Yesus a nimamuali itii, witu ung genangna ni sia é mahkua, “Sa Sia ulit nabi, tantumo éng kata'uan-Na am pemangu-mangunen ni wéwéné si timion wia ni Sia. Kata'uan-Na si wéwéné kenu ém wéwéné sangaya.”

Roma 1:18

Si Opo Empung é mapailek un upi'-Na im witi kasendukan pahpaan péléng a singkéla' wo a léwo'an né tou, a rimaung sé tou walina i mata'u an tutuzu' ulit tumoro ni Sia.

Roma 11:32

Pahpaan péléng sé tou é mémoiwaya-Na ing kinawasa un zéi'kan mahtali-talinga wo Sia toro mapailek u raraatéan-Na wia péléng sé tou.

Roma 11:7

Niitumo, kura? Sé tou Israel én zéi'kan nimakailek am penéro-néron néra. Sé nimakailek am penéro-néron néra én toyo' uman, ni séra é sé pinéléng ni Opo Empung. Sé walina sé soo wia ni Sia ém winangun-Na un até néra nimaketéh.

Roma 2:1

Niitumo, séi uman ni ko, tia' mapahsasala' sé tou walina pahpaan ni ko in esa én zéi'kan siapa un toro iwingkot ing kumua i ni ko én ulit. Karia i mapahsasala' sé tou walina, ni ko kangkasii é mapahsasala' am pahwangunennu, pahpaan ni ko si mapahsasala' sé tou walina é memangu-mangun kangkasii an téntu.

Roma 3:1

Sa téntu, apa wé un ikaawesé i nimaéndo tou Yahudi wo apa wé um wangun im pahsunaten?

Roma 3:19

Kata'uanta péléng a méipantik witu un ukum Torat é méiwéhé wia sé tou sé mahkiit un ukum Torat. Karia in téntu péléng a sumah é mapenes wo péléng sé wia ang kaayahan é maukumen ni Opo Empung.

Roma 3:5

Taan sa karia an zéi'kan ulit am pahwangunenta éng kalousna ni kita i mahilek ung kaulitan ni Opo Empung, apa un ikuata? Mahsanaweka wé si Opo Empung sa mapaileké un upi'-Na? Ni aku ing kimuama téntu mengiit ung genangku in tou uman.

Roma 6:15

Kura in tarékan? Toro wé kita mahsingkéla' pahpaan in zéi'mo pahata-atan un ukum Torat taan ung katou-touanta ém witumo ung kamang tatambér ni Opo Empung? Zéi'kan téntu!

Roma 7:14

Kata'uanta un ukum Torat itii ém wia si Roh ni Opo Empung a méyé. Taan ni aku én tou uman si mahkiit uman ung kapaaz ung kaayahan. Ni aku én tanu méiwangkéro i maéndo ata u singkéla'.

1 Korintus 10:19

Ni aku ing kimuama téntu zéi'kan i mahkukuama sé opo-opo wo a méiragés wia sé opo-opo ém wéwéhan torona. Zéi'kan!

1 Korintus 14:15

Niitumo, apa um wangunengku? Um wangunengku é si rohku i mengaléi karia u nunuwu'en un akaz uman si Roh Lenas si mata'u, ni aku kasii mengaléi karia u nunuwu'en ung kata'uangku. Ung kapaazku si rohku ing kumantar mahlooz karia u nunuwu'en un akaz uman si Roh Lenas si mata'u, ni aku kasii éng kumantar mahlooz karia u nunuwu'en ung kata'uangku.

1 Korintus 4:7

Séi si nimangun i ni kopé' si ipahpuu-puuna taan sé tou walina? Zéi'kankuaa péléng an anumu é méitambér umané ni Opo Empung wia ni ko? Kaa ko mahloo-looz an anumu, tanumokan niana péléng éng kinailekannu in esa?

Galatia 3:10

Pahpaan péléng sé tou sé mahtututu' in éndon ulit witu u sinaru ni Opo Empung karia i mahkiit un ukum Torat, ni séra é makailek un epa' ni Opo Empung. Pahpaan witu um Pinantik Lenas é méipantik téntii, “Péléng sé tou zéi'kan uli-ulit mahwangun péléng un ukum Torat, ni séra é makailek un epa' ni Opo Empung.”

Galatia 3:22

Taan witu um Pinantik Lenas méipantik, “Péléng sé tou éng kinawasamo a singkéla'.” Niitumo, un taaz ni Opo Empung un iwéhé mengiité um pa'émanen wia si Yesus Kristus én iwéhé wia ni séra sé ma'éman wia ni Sia.

Filipi 1:18

Taan iwayamola téntu, pahpaan zozo' ung kalakoana im wangun kaapa zéi'kan, si Kristus é méiwoka'moma. Tumoro niitu, ni aku é mahpaa-paaz wo zéi'kan kumana' i mahpaa-paaz.