Roma 3:4 - Taaz Weru Witu u Nunuwu'en Tombulu

⁴ Zéi'kan! Si Opo Empung é mangun péléng a méitaaz-Na zozo' péléng sé tou én tantowo. Pahpaan witu um Pinantik Lenas é méipantik: “Péléng a Nuwu'-Mu é mémoikatuzu'mé in ulit, wo sa ni Ko im pahtotozen ulit kaapa zéi'kan am pahwangunen, ni Ko é nimuntung.”

Roma 3:4 Iomraidhean Croise

Matius 11:19

In tarékan si Oki' ni Tou é niméyé, ni Sia é mahkan wo mahelep wo ni séra é mahkua, ‘Ilekena, ni Sia é sorem wo matetewelen, kakaria né menanagi am pajak wo né tou mahsingkéla'.’ Taan ung katulapan ni Opo Empung én ikatuzu'mé im wana am pahlé'osen né tou mahkiit ni Sia.”

Lukas 20:16

Ni sia é méyé wo mémunu' sé mememendu itii wo un uma tinaneman anggor itii én iwéhéna wia sé tou walina.” Timalingamé niitu a séra kumuala, “Tia'mo kahuman mamuali téntu!”

Yohanes 3:33

Séi si ma'éman an ipahkua-Na, ni sia é makaulit i si Opo Empung én ulit.

Roma 11:1

Niitumo, ni aku é meligau: Apa sé tou Israel sé pinéléng ni Opo Empung é mémoitia'-Na? Zéi'kan! Pahpaan ni aku in esa én tou Israel, suzu ni Abraham, wia sé suzu ni Benyamin a méyé.

Roma 11:11

Niitumo, ni aku é lumigau kasiima, “Apa sé tou Yahudi én ikasangkila téntu wo séra makemu?” Zéi'kan! Taan pahpaan a singkéla' néra, sé tou zéi'kan Yahudi é méipiloté im witu un ukuman wana a singkéla', i mangun sé tou Yahudi mahtéutéu pahpaan mahileka niitu.

Roma 3:31

Sa téntu, apa pahpaan um pa'émanen wia si Yesus Kristus wo kita mahzézéi' un ukum Torat? Zéi'kan! Lumouspé'tarémé niitu, ni kita éng kalousna i mahsigi' un ukum Torat.

Roma 6:15

Kura in tarékan? Toro wé kita mahsingkéla' pahpaan in zéi'mo pahata-atan un ukum Torat taan ung katou-touanta ém witumo ung kamang tatambér ni Opo Empung? Zéi'kan téntu!

Roma 6:2

Zéi'kan! A singkéla' én zéi'mo kimawasa wia ni kita, kaa kahuman kita memua-mualipé' a singkéla'?

Roma 7:13

Sa téntu, apa am wangun itii é mahalimé um patéan wia ni aku? Zéi'kan téntu! U singkéla' u nimahalimé um patéan itii. Um wangun itii pinakémé u singkéla' i mahalimé um patéan wia ni aku, wo totoz ing kaile-ilekan u singkéla' é léwo'an. Niitumo, pahpaan am perénta witu ung kitap Torat itii ikatuzu'mé u singkéla' itii én totoz léwo'.

Roma 7:7

Sa téntu, apapé' un ikuakuma? Singkéla' wé un ukum Torat? Zéi'kan! Taan pahpaan un ukum Torat itii ni aku toro mata'u u singkéla'. Pahpaan ni aku kangkasii zéi'kan mata'u apa u lelo i mangun a léwo'an sa zéi'kan méipantik witu ung kitap Torat, “Tia' lumelo an anu né tou walina!”

Roma 9:14

Sa téntu, apa ni kita éng kumua si Opo Empung é mahsanaweka? Zéi'kan!

1 Korintus 6:15

Kata'uan niouo sa un awak niou é mémoikauntep witu un awak ni Kristus. Niitumo, toro wé um witu un awak ni Kristus in éndon wo maéndo esaané witu un awak ni wéwéné samek? Zéi'kan mamuali!

2 Korintus 1:18

Si Opo Empung én zéi'kan nimaliuz wana a méitaaz-Na, téntu kangkasii ni kai én zéi'kan nimaliuz wana a méitaaz nai. Niitumo, ni kai én zéi'kan mahkua ‘éné’ wo witu ung genang én ‘zéi'kan’.

Galatia 2:17

Ni kai én tou Yahudi sé mahtututu' in éndon ulit ni Opo Empung pahpaan nimaesa karia ni Kristus. Taan sa nimangunoma niitu, méikatuzu'mé i ni kai é mahsingkéla'pé', apa si Yesus Kristus si nimangun ni kita i mahwangun a singkéla'? Zéi'kan!

Galatia 2:21

Ni aku én zéi'kan kumua soo im wana ang kamang méitambér ni Opo Empung. Pahpaan sa wéwéhan si tou niéndo ulit pahpaan mahkiit un ukum Torat, ung kalakoan si Kristus nimaté én zéi'kan siapa torona.

Galatia 6:14

Taan um pahloo-loozku én zéi'kan un touku, si pahloo-loozku é si Yesus Kristus Mahpiarata si nimaté sinalip. Pahpaan si Yesus Kristus Mahpiarata nimaté sinalip, niitumo, am pahileken né tou wia ung kaayahan kenu im wéwéhan torona én zéi'mo siapa torona im wia ni aku. Wo ni aku én tanumokan i nimatémo im wia ung kaayahan kenu.

1 Timutius 3:16

Totoz ulit an tutuzu' ulit ni Opo Empung é mémoipapailek-Na witu um pa'émanenta karia ung kawangko'an-Na: “Ni Sia é nimapailek un tou-Na tanu in tou uman, kinua in ulit ni Roh ni Opo Empung wo nimapailek un tou-Na wia sé malaekat. Tumoro ni Sia é méiwoka' wia péléng sé tahsasana wanua. Ni Sia ém pa'émanen im wia ung kaayahan wo winénéta mangé witi kasendukan karia u sigi' wo looz.”

Titus 1:2

An tutuzu' ulit itii én ipahtuzu' nai pahpaan ni kita mahéré'la i makailek ung katou-touan makaz ing kauré-uré. Ung katou-touan makaz ing kauré-uré itii é mémoitaaza ni Opo Empung si zéi'kan mahtowo, rengan ung kaayahan im winangun.

Ibrani 6:18

Si Opo Empung én zéi'kan mamuali in tumowo witu u méitaaz wo un tiwa'-Na. Un zua kenu én zéi'kan mamuali i mawalina, pahpaano niitu kita sé mekikelung wia ni Sia én toro maenté' wo totoz ma'éman witu um pahéré'anta.

1 Yohanes 5:10

Séi si ma'éman wia si Oki' ni Opo Empung, witu un aténa ém wéwéhano un ipahkua ni Opo Empung tumoro si Oki'-Na itii. Séi si zéi'kan ma'éman wia si Opo Empung, winangunna si Opo Empung in tantowo, pahpaan zéi'kan pa'émanenna un ipahkua ni Opo Empung tumoro si Oki'-Na.

1 Yohanes 5:20

Kata'uanta kasii i si Oki' ni Opo Empung é niméyémo wo niméhémo ung katulapan wia ni kita. Karia in téntu, ni kita mata'u Si Ulit wo maesa karia Si Ulit pahpaan nimaesa karia si Oki'-Na, si Yesus Kristus. Ni Siamo si Opo Empung, si ulit wo si mahwéhémé ung katou-touan makaz ing kauré-uré.

Wahyu 3:7

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Filadelfia in téntii: ‘Kenumo a Nuwu' wia Si Lenas, Si Ulit, si timion ung kusi' ni Daud a méyé. Sa Sia si nimukama um pepenet, zéi'kan siapa si toro menet niitu. Wo sa Sia si nimeneta um pepenet, zéi'kan siapa si toro muka niitu.