Roma 3:26 - Taaz Weru Witu u Nunuwu'en Tombulu

²⁶ In tarékan si Yesus nimaté simawel ni kita, niitumo un tumuzu'mé i si Opo Empung én zéi'kan mahsanaweka. Karia in téntu si Opo Empung mapaileké i ni Sia én ulit wo péléng sé ma'éman wia si Yesus én éndon ulit ni Opo Empung witu u sinaru-Na.

Roma 3:26 Iomraidhean Croise

Lukas 1:80

Si Yohanes é makatarétumoumomé wo um pa'émanenna wia si Opo Empung éng kaenté'namo. Ni sia é mahento' witi kapelasan makaz witu un endo i ni sia mapailek un touna wia sé tou Israel i maayang am papaayangenna.

Roma 3:25

Si Kristus Yesus én tinotozo ni Opo Empung i muka u lalan wo sé tou mawurian sumaup karia ni Opo Empung pahpaan ma'éman un zaha'-Na u méikasaroi i sinalip. Niia un tumuzu'mé i si Opo Empung én zéi'kan mahsanaweka. Ni Sia im puuna én ezen im wana a singkéla' né tou taka-takazan ni Sia zéi'kan nimukum ni séra.

Roma 3:27

Sa téntu, apa un toro ipahloo-loozta? Zéi'kan siapa! Apa pahpaan am pahwangunenta? Zéi'kan! Ni kita én niéndo ulit zéi'kan pahpaan i nimanguno un ukum Torat taan pahpaan um pa'émanenta.

Roma 3:30

Si Opo Empung én esa uman. Sé tou Yahudi sé ma'éman si Yesus Kristus wo sé tou zéi'kan Yahudi sé ma'éman si Yesus Kristus é niéndo ulit ni Opo Empung.

Roma 4:5

Taan wéwéhan si tou zéi'kan niméré' witu um pinaayangna, taan ni sia é ma'éman i si Opo Empung si niméndo ulit sé tou zéi'kan pandung ni Sia. Pahpaan um pa'émanenna itii ni sia niéndo-Na ulit.

Roma 8:33

Séi si wuaya i mapahsasala' sé tou sé pinéléng ni Opo Empung? Apa si Opo Empung, si niméndo ulit ni séra? Séi si mamukum ni séra?

Wahyu 15:3

Wo ni séra é mahkantar ung kakantaren ni Musa, si ata ni Opo Empung wo kasii ung kakantaren ni Anak ni Domba, u mahkuamé in téntii, “Wangko' wo zéi'kan kakuaan péléng am pinaayang-Mu, o Mahpiara, Opo Empung, Si Totoz Mahkawasa! Péléng am winangun-Mu én zéi'kan mahsanaweka wo ulit, o Kolano péléng né tahsasana wanua!