Roma 3:25 - Taaz Weru Witu u Nunuwu'en Tombulu

²⁵ Si Kristus Yesus én tinotozo ni Opo Empung i muka u lalan wo sé tou mawurian sumaup karia ni Opo Empung pahpaan ma'éman un zaha'-Na u méikasaroi i sinalip. Niia un tumuzu'mé i si Opo Empung én zéi'kan mahsanaweka. Ni Sia im puuna én ezen im wana a singkéla' né tou taka-takazan ni Sia zéi'kan nimukum ni séra.

Roma 3:25 Iomraidhean Croise

Yohanes 6:47

Uli-ulit ikua-Kuma wia ni kamu: Séi uman si ma'éman, ni sia é makaanu ung katou-touan makaz ing kauré-uré.

Kisah Rasul-rasul 14:16

Im puuna é méiwaya ni Opo Empung péléng sé tahsasana wanua i mahkiit uman u lalan ni esa wo ni esa.

Kisah Rasul-rasul 15:18

u mémoipapata'u rengané im puuna.’

Kisah Rasul-rasul 17:30

Si Opo Empung én zéi'mo gimenang ung kalemouan né tou im puuna. In tarékan péléng sé tou ém pinerénta ni Opo Empung i léwo'zéi' tumula'ula a singkéla' wo kumiit ni Sia.

Kisah Rasul-rasul 2:23

Si Yesus si méiayola ni Opo Empung wia ni kamu mengiit un tinotoz wo ung ginenang-Na é sinalip wo winunu' niouola, mengiité sé tou sé mahsaru si Opo Empung.

Kisah Rasul-rasul 3:18

Taan karia in téntu si Opo Empung é limekepola u méikua-Na im puuna mengiité sé nabi, i si Mesias é léwo'zéi' mazézéha.

Kisah Rasul-rasul 4:28

Um winangun néra én tinotoz-Mumo rengané im puuna. Péléng niana é nimamuali pahpaan ung kawasa wo um paaz-Mu.

Roma 2:4

Kaa iperorosmu u raraatéan-Na, ung kaezenan-Na wo ung kalé'osan-Na un totoz wangko' im wia ni ko? Zéi'kan kata'uannu wé ung kalakoan u raraatéan ni Opo Empung u mahkit ni ko in tumula'ula a singkéla'mu?

Roma 3:26

In tarékan si Yesus nimaté simawel ni kita, niitumo un tumuzu'mé i si Opo Empung én zéi'kan mahsanaweka. Karia in téntu si Opo Empung mapaileké i ni Sia én ulit wo péléng sé ma'éman wia si Yesus én éndon ulit ni Opo Empung witu u sinaru-Na.

Roma 5:1

Pahpaan um pa'émanenta, ni kita é niéndo ulit ni Opo Empung. Niitumo ni kita menou-nou witu u mahlé'o-lé'osan karia ni Opo Empung, mengiité si Mahpiarata, si Yesus Kristus.

Roma 5:11

Zéi'kan uman niitu! U raraatéan ni Opo Empung mangun ni kita mahpaa-paaz pahpaan si Yesus Kristus Mahpiarata si nimangun ni kita i nimawurian karia ni Opo Empung.

Roma 5:18

Niitumo, pahpaan u singkéla' ni Adam péléng sé tou makailek un ukuman. Téntu kangkasii, pahpaan ung kaulitan winangun ni Yesus Kristus, péléng sé tou niéndo ulit é makailek ung katou-touan.

Roma 5:9

In tarékan ni kita é niéndo ulit ni Opo Empung pahpaan un zaha' ni Kristus i nimaté. Niitumo, tantumo ni kita én ipilot-Na im witu un upi' ni Opo Empung.

1 Korintus 5:7

Pahpaan u ragi én tanu a singkéla' niou. Niitumo, itia'mola u ragi uré itii makaz ni kamu én tanu um wangunen roti zéi'kan rinagian un taré pakasemborena. Kata'uangku ni kamu én ulit téntu. Pahpaan im witu un endo mahpésta né tou Yahudi, ni séra é mahkeriz domba in iragés. In tarékan si Kristus si nimaéndo domba Paskah éng kinerizola an iragés.

2 Korintus 5:21

Si Kristus én zéi'kan nimahwangu-wangunla a singkéla', taan winangun ni Opo Empung, si Kristus masaan a singkéla' winangunta. Téntu um winangun ni Opo Empung wia si Kristus, wo séi uman si ma'éman wia si Kristus, si tou itii én éndon ulit ni Opo Empung witu u sinaru-Na.

Efesus 1:7

Pahpaan mengiité si Yesus ni kita én tinubus im wana a singkéla' karia un zaha'-Na. Ni kita winéhan un ampungan im wana a singkéla' mengiit ung kamang méitambér-Na an totoz lakez.

Efesus 2:13

Taan ni kamu sé im puuna zou' im wia si Opo Empung, in tarékan é rétémo karia-Na pahpaan un zaha' ni Kristus Yesus u nimangun ni kamu nimaesamo karia-Na.

1 Timutius 1:15

A nuwu' kenu én ulit wo uli-ulit toro pa'émanen: “Si Kristus Yesus i niméyé wia ung kaayahan kenu é mémilot sé tou im witu un ukuman wana a singkéla'.” Wo im wia sé tou nimangun a singkéla', ni akumo si totoz lakez a singkéla'.

Ibrani 10:4

Pahpaan zéi'kan mamuali un zaha' ni sapi tuama wo un zaha' ni kambing tuama in zuméi' a singkéla' né tou.

Ibrani 11:14

Ni séra sé kimua i limepuh umané im wia ung kaayahan kenu én tumuzu'mé i ni séra én totoz malelo i menéro un tana' u maéndo anu néra.

Ibrani 11:17

Pahpaan i ma'éman, si Abraham im pema'wa'en ni Opo Empung é niméhé si Ishak in iragés wia ni Sia. Si Abraham si nimakailekola u méitaaz ni Opo Empung itii ém paaz i méhé si Ishak si oki'na si esa uman in iragés,

Ibrani 11:7

Pahpaan i ma'éman, si Nuh nimangun u londéi totoz tua'na in tumulung ni sia wo sé sana awuna. Karia in téntu, ni sia nimapailek i ni sia én uli-ulit ma'éman wia si Opo Empung, taan sé tou walina wia ung kaayahan é simingkéla' pahpaan soo ma'éman u méikua ni Opo Empung itii. Niitumo, si Nuh éng kinua ni Opo Empung in tou ulit mengiit um pa'émanenna.

Ibrani 9:28

Téntu kangkasii, si Kristus é makasa uman i mayo un tou-Na i maté zuméi' a singkéla' né tou. Tumondong niitu ni Sia i mawurimé sumaup, zéi'kan in zuméi' a singkéla' né tou taan i méhé ung katou-touan makaz ing kauré-uré wia sé ma'ento' ni Sia.

Ibrani 9:5

Witu um wawo un tatahu'an itii ém wéwéhan sé zua patong tanu sé malaekat pahkuan kerub, niitu én tumuzumé ung kawangko'an ni Opo Empung. Un tétéwél né patong itii é mawuka-wuka wo kimungkung witu ung kekelew un tatahu'an itii. Ung kekelew un tatahu'an itii ém pahkuan tampa ni Opo Empung méhé un ampungan wana a singkéla' né tou. Taan in tarékan én zéi'kampé' orasna ni aku in tuma'sama i mapata'u ung kalakoan péléng niitu.

1 Yohanes 1:10

Sa kita kumuala i ni kita én zéi'kan simingkéla', ni kita é nimangunola ni Sia in tantowo wo u Nuwu'-Na én zéi'kan witu un atéta.

1 Yohanes 2:2

Ni Sia nimaté nimaéndo raragés, wo a singkéla'ta én ampungan. Zéi'kan uman a singkéla'ta, taan maan a singkéla' péléng né tou sé wia ung kaayahan.

1 Yohanes 4:10

Ung kenumo u raraaté itii: Zéi'kan ni kita sé rimaraatémo si Opo Empung, taan si Opo Empung si rimaraatémo ni kita wo nimatu si Oki'-Na in zuméi' a singkéla' pahlé'osenta.

Wahyu 1:5

wo um wia si Yesus Kristus si toro pa'émanen i mahkua ang kata'uan-Na tumoro si Opo Empung. Ni Sia si kataré-taré méitoumé sumaup im wia sé nimaté. Wo ni Sia kasii si mahkawasa im wia sé kolano wia ung kaayahan kenu. Ni Sia é rumaraaté ni kita wo nimilot ni kita im wana a singkéla'ta karia un zaha'-Na,

Wahyu 13:8

Si binatang itii ém pahongkotan wo pahsigi'en péléng né tou mahento' wia ung kaayahan, sé rengané ung kaayahan kenu im winangun, a ngaran néra én zéi'kan méipantik witu ung Kitap Katou-touan un anu ni Anak ni Domba, si kinerizo.

Wahyu 20:15

Peléng sé tou sé makangaran un zéi'kan méikapantik witu ung kitap katou-touan itii, méiwerit witu un tasik api melaya-layas itii.

Wahyu 5:9

A sé epat tumou-tou wo sé zuana pulu' wo epat pahtutu'an kumantaré ung kakantaren weru. Kuan néra, “Ni Ko si wangun i makailek ung kitap ginulung itii, wo muka a segelna; pahpaan ni Ko si Anak ni Domba éng kinerizo, wo karia un zaha'-Mu sé tou wia ung kaayahan ém winaér-Mumo im wia sé tahsasana suzu, sé tahsasana nunuwu'en, sé tahsasana réwok mahtuari wo wia sé tahsasana wanua i maéndo anu ni Opo Empung.