Roma 3:22 - Taaz Weru Witu u Nunuwu'en Tombulu

²² im pélén sé tou ma'éman si Yesus Kristus uman sé niéndo ulit ni Opo Empung. Si Opo Empung nimangun niitu wia péléng sé tou ma'éman pahpaan péléng sé tou é masuat uman.

Roma 3:22 Iomraidhean Croise

Lukas 15:22

Taan kuan ni ama'na wia sé atana, ‘Mahrewe-rewek pahaliné wia'i ung karai tonton totoz wangun, ikaraila wia ni sia wo sisimala un tutundu'na wo sapatuala un a'éna.

Kisah Rasul-rasul 11:12

A si Roh Lenas kumuala wia ni aku, ‘Mangémo karia néra. Tia'mo mahzua-zua genang pahpaan ni séra in zéi'kan tou Yahudi.’ Kaitalingamé niitu, ni aku wo sé enem katuari esa pa'émanen kenu kangkasii é nimangé witi Kaisarea. Ikaayola witu, a ni kai muntepa witu um walé ni Kornelius.

Kisah Rasul-rasul 15:9

Ni kita in tou Yahudi wo ni séra in tou zéi'kan Yahudi é masuat uman witu u sinaru ni Opo Empung. Pahpaan ni Sia é nimeresi un até néra mengiité um pa'émanen néra.

Kisah Rasul-rasul 3:16

In tarékan, pahpaan si tou kata'uan niou wo pengile-ngileken niou kenu ma'éman witu u ngaran ni Yesus, niitumo u Ngaran itii nimangun ni sia nimaenté'. Wo um pa'émanenna itii u nimangun ni sia nimalé'os witu u sinaru niou péléng.

Roma 1:17

Pahpaan im witu u Nuwu' Lé'os itii, ikatuzu'mé kura si tou i niéndo ulit ni Opo Empung pahpaan i ma'éman wia ni Sia, rengan im puuna makaz ing kauré-uré. Tanu u méipantik witu um Pinantik Lenas in téntii, “Si tou niéndo ulit ni Opo Empung pahpaan um pa'émanenna, é mamenou-nou.”

Roma 10:12

Sé tou Yahudi wo sé tou zéi'kan Yahudi é masuat uman. Pahpaan, si Mahpiara én esa uman, si Mahpiara én anu né tou péléng. Wo ni Sia é meripu' umané i méhémé ung kamang malake-lakez wia péléng sé tou mekisawang wia ni Sia.

Roma 10:4

Si Kristus limekepo péléng am witu un ukum Torat wia ni kita. Niitumo, péléng sé tou ma'éman wia ni Sia é niéndo ulit ni Opo Empung.

Roma 2:1

Niitumo, séi uman ni ko, tia' mapahsasala' sé tou walina pahpaan ni ko in esa én zéi'kan siapa un toro iwingkot ing kumua i ni ko én ulit. Karia i mapahsasala' sé tou walina, ni ko kangkasii é mapahsasala' am pahwangunennu, pahpaan ni ko si mapahsasala' sé tou walina é memangu-mangun kangkasii an téntu.

Roma 3:30

Si Opo Empung én esa uman. Sé tou Yahudi sé ma'éman si Yesus Kristus wo sé tou zéi'kan Yahudi sé ma'éman si Yesus Kristus é niéndo ulit ni Opo Empung.

Roma 4:16

Niitumo, pahpaan um pa'émanen wia si Opo Empung a makailek un taaz-Na. Un taaz itii é makailekan pahpaan ung kamang méitambéré ni Opo Empung. Niitu é makailekan péléng né suzu ni Abraham, zéi'kan uman sé tou mahkiit un ukum Torat, taan kasii wia sé tou ma'éman tanu um pa'émanen ni Abraham, si ama'ta péléng sé ma'émano.

Roma 8:1

Niitumo, in tarékan én zéi'mo siapa un ukuman wia sé menou-nou nimaesamo karia ni Kristus Yesus.

Roma 9:30

Sa téntu, ung kalakoan niana péléng én téntii: Sé zéi'kan tou Yahudi zéi'kan mahtututu' i mahtata'u ung kapaaz ni Opo Empung, taan pahpaan ni séra ma'éman ni Sia, ni séra niéndo-Namo ulit.

1 Korintus 12:13

Ni kita in tou Yahudi kaapa zéi'kan tou Yahudi, ata kaapa zéi'mo ata é nimaéndo esa pahpaan ni kita péléng é sinarani ni Roh Lenas nimaéndo tanu esa awak. Ni kita péléng é nimakailek si Roh Lenas itii kangkasii witu un até.

1 Korintus 4:7

Séi si nimangun i ni kopé' si ipahpuu-puuna taan sé tou walina? Zéi'kankuaa péléng an anumu é méitambér umané ni Opo Empung wia ni ko? Kaa ko mahloo-looz an anumu, tanumokan niana péléng éng kinailekannu in esa?

Galatia 2:16

Kata'uan naimo in zéi'kan siapa tou zozo' in esa si niéndo ulit ni Opo Empung pahpaan mahkiit un ukum Torat. Taan sé niéndo ulit ni Opo Empung é sé ma'éman si Kristus Yesus. Pahpaano niitu, ni kai kangkasii é ma'émano wia si Kristus Yesus, wo ni kai én éndon ulit ni Opo Empung mengiité um pa'émanen nai wia si Kristus Yesus, zéi'kan mengiit un ukum Torat. Pahpaan: “Zéi'kan siapa tou sé niéndo ulit ni Opo Empung pahpaan mahkiit un ukum Torat.”

Galatia 2:20

In tarékan, zéi'mo ni aku si menou-nou taan si Kristus si menou-nou wo mahkawasa witu ung katou-touangku. Witu ung katou-touangku wia ung kaayahan in tarékan kangkasii, ni aku é menou-nou witu um pa'émanengku wia si Oki' ni Opo Empung, si totoz rimaraatémo ni aku wo niméhémo un tou-Na in esa wia ni aku.

Galatia 3:22

Taan witu um Pinantik Lenas méipantik, “Péléng sé tou éng kinawasamo a singkéla'.” Niitumo, un taaz ni Opo Empung un iwéhé mengiité um pa'émanen wia si Yesus Kristus én iwéhé wia ni séra sé ma'éman wia ni Sia.

Galatia 3:28

Niitumo, im wia ni kamu én zéi'kan siapa sé pahkuan tou Yahudi kaapa zéi'kan tou Yahudi, zéi'kan siapa sé pahata-atan wo sé zéi'mo pahata-atan, zéi'kan siapa tuama kaapa wéwéné, ni kamu péléng é nimaesamo pahpaan ma'éman wia si Kristus Yesus.

Efesus 3:12

Pahpaan ni kita nimaesamo karia ni Kristus wo kita ma'émano wia ni Sia, niitumo ni kita ém wéwéhano lalan i rumété wia si Opo Empung wo zéi'mo maindé' i rumété wia ni Sia.

Filipi 3:9

Pahpaan ni aku ma'éman wo nimaesamo karia ni Kristus, ni aku é niéndo ulit witu u sinaru ni Opo Empung. Ni aku niéndo ulit witu u sinaru ni Opo Empung zéi'kan pahpaan i mahkiit un ukum Torat taan pahpaan ma'éman wia si Kristus. Niitumo, si Opo Empung nimangun ni aku maéndo ulit witu u sinaru-Na pahpaan ni aku ma'éman si Kristus.

Kolose 3:11

Niitumo, wia ni kita én zéi'mo siapa si pahkuan tou Yunani kaapa tou Yahudi, tou sinunat kaapa zéi'kan sinunat, tou Barbar kaapa tou Skit, ata kaapa zéi'mo ata, pahpaan si Kristus si ipahpuu-puuna wo péléng sé tou ma'éman é nimaesamo karia-Na.

Yakobus 2:23

Karia in téntu, nimalekepola u méipantik witu um Pinantik Lenas in téntii, si Abraham é ma'éman si Opo Empung, wo pahpaan um pa'émanenna itii si Opo Empung éng kimua i ni sia én ulit im witu sinaru-Na. Niitumo, si Abraham ém pahkuan “Kalo ni Opo Empung.”