Roma 2:3 - Taaz Weru Witu u Nunuwu'en Tombulu

³ Wo ni ko, si tou mapahsasala' sé tou walina, taan ni ko in esa é memangu-mangun a léwo'an tanu am pahwangunen néra, kaa ko é mahgenangla sa ko én ikapiloté im wana an ukuman ni Opo Empung?

Roma 2:3 Iomraidhean Croise

Matius 23:33

É kamu sé tou totoz léwo' sé tanumokan suzu né ulé' melangu! Kura kamu mapapilot un tou niou im witu un ukuman witi naraka?

Matius 26:53

Kaapa pahgenangen nioula i ni Aku én zéi'kan toro mahaléia wia si Ama'-Ku, wo rengan in iatu-Namé sé mapulu' wo zuana réwok suraro né malaekat i mésumawang ni Aku?

Lukas 12:14

Taan kuan ni Yesus wia si tou itii, “Séi si timuzu'la ni Aku i maéndo menonotoz kaapa meméméténg a sangkum méitula'uma né tu'a niou?”

Lukas 22:58

Zéi'kan uré si tou walina nimilek si Petrus ang kuana, “Ni ko kasii én esaané wia ni séra!” Taan si Petrus nimingkotla, “Ama', zéi'kan ni aku!”

Lukas 22:60

Taan si Petrus nimingkoté, kuana, “Ama', zéi'kan kata'uangku ung kalakoan un ipahkuamumé.” In toro niitukan, karegas ni sia i mahnuwu' ang kumukuké si laka'.

Roma 1:32

Zozo' ing kata'uan néra an tinotoz witu un ukum ni Opo Empung, im péléng sé mahwangun niana é makailek un ukuman patéan, taan ni séra én zéi'kan kumana' i mahwangun niana, lumousé niitu sé tou sé mahwangun niana kangkasii é niénéan nérala.

Roma 2:1

Niitumo, séi uman ni ko, tia' mapahsasala' sé tou walina pahpaan ni ko in esa én zéi'kan siapa un toro iwingkot ing kumua i ni ko én ulit. Karia i mapahsasala' sé tou walina, ni ko kangkasii é mapahsasala' am pahwangunennu, pahpaan ni ko si mapahsasala' sé tou walina é memangu-mangun kangkasii an téntu.

Roma 2:2

Kata'uanta i si Opo Empung uman si ulit i mukum sé tou sé mahwangun an tanu niitu.

Roma 9:20

Apamo ko wé wo wuaya i mahéndo-éndoan karia ni Opo Empung? Toro wé ung kuré' tana' kumua wia si nimangun, “Kaa ni aku winangunmumé téntu?”

1 Tesalonika 5:3

Wéwéhan un orasna sé tou ing kumua in téntii, ‘Ung katou-touanta én ena' wo zéi'kan siapa ikaindé'.’ Taan kumompo'mé ni séra é mendan u meléwo' tanumokan si wéwéné mahawa-awak, si kumompo'mé é mahpendano u rumara in tumoumo si oki'na. Zozo' in esa zéi'kan siapa si tinalez.

Ibrani 12:25

Niitumo mile-ilekla, tia' kamu soo tumalinga si Opo Empung si mahnuwu'mé. Ni séra sé soo mahtalinga ni sia si mahkua u Nuwu' ni Opo Empung én zéi'kan mata'u tumingkas, apapé' kasii ni kita sé mahtalingamé si Opo Empung si mahnuwu'mé witi kasendukan. Sa kita zéi'kan mahtalinga ni Sia, tantumo ni kita én zéi'kan ikatingkas im witu un ukuman wana a singkéla'.

Ibrani 2:3

kura kita in ikapilot sa kita zéi'kan mahwéhé genang witu un ipilot im witu un ukuman wana a singkéla' un totoz wangko' itii? Niitu ing kataré-taré é mémoipahwoka'ma ni Yesus Mahpiara, tumondong niitu, sé tou timalinga niitu in esa im wia si Yesus éng kimua wia ni kita i niitu én ulit.