Roma 2:26 - Taaz Weru Witu u Nunuwu'en Tombulu

²⁶ Niitumo, sa sé tou zéi'kan Yahudi sé zéi'kan sinunat é mahtali-talinga un ukum Torat, niitu én tumuzu'mé i ni séra é masuat karia né tou sinunato.

Roma 2:26 Iomraidhean Croise

Matius 15:28

Ang kuan ni Yesus wia ni sia, “É ina', um pa'émanennu én totoz wangko', niitumo in tarékan é mamualimoma tanu un ikapaazmu.” In toro niitukan, si kooki' ni wéwéné itii é nimalé'osoma.

Roma 2:25

U sunat ém wéwéhan torona sa kita in tou Yahudi mahkiit un ukum Torat. Taan, sa zéi'kan mahkiit un ukum Torat, im witu u sinaru ni Opo Empung ni kita én tanumokan sé tou zéi'kan Yahudi wo um pahsunaten én zéi'kan siapa torona.

Roma 2:27

Wo sé tou zéi'kan sinunat taan mahwangun a méipantik witu un ukum Torat, ni séramo sé matumotoz ulit kaapa zéi'kan am pahwangunen niou, sé makaanu un ukum Torat wo sinunat taan zéi'kan mahwangun un ukum Torat itii.

Roma 3:30

Si Opo Empung én esa uman. Sé tou Yahudi sé ma'éman si Yesus Kristus wo sé tou zéi'kan Yahudi sé ma'éman si Yesus Kristus é niéndo ulit ni Opo Empung.

Roma 8:4

Si Opo Empung nimangun niitu wo ni kita mawutul i mahwangun ung kapaaz-Na mengiit un ukum Torat, pahpaan in tarékan ni kita makawawa i menou-nou mahtali-talinga wia si Roh ni Opo Empung wo zéi'mo mahkiit ang kapaaz un awakta.

Galatia 6:15

Pahpaan sinunat kaapa zéi'kan sinunat én zéi'kan siapa torona, taan um wéwéhan torona éng katou-touan weru um wia si Opo Empung a méyé.

Efesus 2:11

Niitumo gena-genangen, rengan ni kamu nimatoumé ni kamu én zéi'kan tou Yahudi. Ni kamu ém pahkuan in tou zéi'kan sinunat né tou Yahudi, sé tou sinunat itii u makaizangen néra ém wéwéhan um walulangna i sinunat um winangun né kasuat tou.

Filipi 3:3

Ni kitamo sé tou sinunat sé mahongkot wo mahsigi' si Opo Empung mengiité si Roh-Na. Ni kita é mahpaa-paaz pahpaan totoz pa'émanenta um winanguna ni Kristus Yesus wia ni kita, i ni Sia nimaté i mangun ni kita maéndo ulit witu u sinaru ni Opo Empung, zéi'kan niméré' uman wana am winangun né tou witu un awak néra im pahsunaten.

Kolose 2:11

Pahpaan nimaesamo karia ni Kristus, ni kamu é sinunat. U sunat itii én zéi'kan u sunat um pahwangunen uman né tou, taan u sunat um pahwangunen ni Kristus, u nimangun ni kamu méipiloté im witu ung kawasa u lelo un awak u mahwangun ni kamu i mahsingkéla'.