Roma 2:25 - Taaz Weru Witu u Nunuwu'en Tombulu

²⁵ U sunat ém wéwéhan torona sa kita in tou Yahudi mahkiit un ukum Torat. Taan, sa zéi'kan mahkiit un ukum Torat, im witu u sinaru ni Opo Empung ni kita én tanumokan sé tou zéi'kan Yahudi wo um pahsunaten én zéi'kan siapa torona.

Roma 2:25 Iomraidhean Croise

Kisah Rasul-rasul 7:51

É kamu sé tampezéi' wo kimawal! Ni kamu sekezé é mahsaru si Roh Lenas masuat wo sé nimaopo niou.

Roma 2:13

Pahpaan sé niéndo ulit im witu u sinaru ni Opo Empung én zéi'kan sé timalinga un ukum Torat, taan sé niéndo ulit é sé tou mahwangun un ukum itii.

Roma 2:23

Ni ko é mahloo-looz un toumu i mata'u un ukum Torat, taan kaa ni ko in esa é mahséro' wia si Opo Empung karia in zéi'kan mahkiit un ukum Torat?

Roma 2:26

Niitumo, sa sé tou zéi'kan Yahudi sé zéi'kan sinunat é mahtali-talinga un ukum Torat, niitu én tumuzu'mé i ni séra é masuat karia né tou sinunato.

Roma 2:27

Wo sé tou zéi'kan sinunat taan mahwangun a méipantik witu un ukum Torat, ni séramo sé matumotoz ulit kaapa zéi'kan am pahwangunen niou, sé makaanu un ukum Torat wo sinunat taan zéi'kan mahwangun un ukum Torat itii.

Roma 2:28

Pahpaan si uli-ulit tou Yahudi én zéi'kan pahpaan sé tu'ana én tou Yahudi, wo un uli-ulit sinunat én zéi'kan pahpaan un awakna ém wéwéhano um walulang i sinunat.

1 Korintus 7:19

Pahpaan sinunat kaapa zéi'kan sinunat én zéi'kan siapa torona. Um wéwéhan torona é mahkiit a méiperénta ni Opo Empung.

Galatia 6:13

Pahpaan sé sinunato itii, ni séra kangkasii én zéi'kan makawawa ing kumiit péléng a méipantik wana un ukum Torat. Taan kapaaz néra, ni kamu é sunaten wo séra mahloo-looz i milek ni kamu mahkiit a méipantik wana un ukum Torat.

Galatia 6:15

Pahpaan sinunat kaapa zéi'kan sinunat én zéi'kan siapa torona, taan um wéwéhan torona éng katou-touan weru um wia si Opo Empung a méyé.