Roma 2:22 - Taaz Weru Witu u Nunuwu'en Tombulu

²² Ni ko é mahkua, “Tia' mahsamek,” kaa ko in esa é mahsamek? Ikazi'zismu sé opo-opo, kaa ko in esa é mahremu'mé am witi tampa né opo-opo?

Roma 2:22 Iomraidhean Croise

Matius 12:39

Taan kuan-Na wia ni séra, “Sé tou in tarékan én tahlouso. Ni séra é mahaléi ni Aku i mapailek u makakompo'en, taan ni séra én zéi'kan papailekang-Ku um pahaléien néra, akaz uman u makakompo'en u nimamuali wia si nabi Yunus.

Matius 16:4

Sé tou léwo' wo zéi'kan ezen in tarékan é mahaléi wia ni Aku i mapaileka u makakompo'en, un tumuzu'mé i ni Aku ém wia si Opo Empung a méyé. Taan ni séra én zéi'kan mahile-ilekla u makakompo'en, akaz uman u makakompo'en nimamuali wia si nabi Yunus.” Makakuama niitu, a séra itula'uma ni Yesus.

Markus 11:17

A Sia mahtuzu' ni séra, kuan-Na, “Witu um pinantik lenas é méipantik in téntii, ‘Um Walé-Ku é mapahkuan walé pahpengaléian péléng né tahsasana wanua.’ Taan winangun niouola wuwunian né maremu'!”

Kisah Rasul-rasul 19:37

Pahpaan ni kamu é nimahwalimomé sé tou zua kenu, zozo' ni séra én zéi'kan rimemu'mé im witu um walé peraragésan wia si pa'opoen wéwénéta wo zéi'kan mahséro' u ngaranna.

Roma 12:9

Sa rumaraaté sé tou walina, tia' mahtowo-towo uman. Ikazi'zisla a léwo'an wo tia' mazéi' mahwangun a lé'os.

Yakobus 4:4

É kamu sé nimaliuz a méitaaz! Zéi'kan kata'uan niou wé sa kamu mahkaloan karia ung kaayahan, ni kamu é makahkoro' wo si Opo Empung? Niitumo, séi si mahkaloan karia ung kaayahan kenu, ni sia nimangun un touna maéndo kakoro' ni Opo Empung.