Roma 2:21 - Taaz Weru Witu u Nunuwu'en Tombulu

²¹ taka-takazan sé tou walina ém pahtuzu'ennu, kaa un toumu in esa én zéi'kan pahtuzu'ennu? Pahtuzu'ennu sé tou, “Tia' mahremu',” kaa ko in esa é mahremu'?

Roma 2:21 Iomraidhean Croise

Matius 21:13

Ang kuan-Na wia ni séra, “Witu um Pinantik Lenas é méipantik in téntii, ‘Um Walé-Ku é mapahkuan walé pahpengaléian.’ Taan winangun niouola wuwunian né maremu'!”

Lukas 11:46

Taan si Yesus mingkotla, “Ikaléwo'mo ni kamu in tou tulap un Torat! Pahpaan ni kamu é melusu-lusu sé tou i mangun an zéi'kan kawawaan néra wo an tinotoz niou, taan ni kamu é soo sumawang sé tou i mangun an tinotoz itii.

Lukas 12:47

Sa kata'uan ni ata ung kapaaz ni tuang, taan si zéi'kan nimimek kaapa zéi'kan nimangun ung kapaaz ni tuang, un ukuman wia si ata itii ém wutez.

Lukas 19:22

Ang kuana wia si tou itii, ‘Ni ko én ata léwo'! Ni ko én ukumengku mengiit a méikuamumé itii. Kata'uannumo sa ni aku én tou léwo', mengéngéndo un zéi'kan anuku wo mengungupu' an zéi'kan méitanemku.

Lukas 4:23

Ang kuan ni Yesus wia ni séra, “Ni kamu éng kumua wia ni Aku ung kukuan kenu, ‘É dokter lé'osela un toumu in esa.’ Péléng an tinalinga nai a nimamuali witi Kapernaum ém wangunen kasiila wia u Nazaret um wanua-Mu kenu.”

1 Korintus 9:27

Taan ni aku mahtututu' i mahnanaram un touku wo toro kumiit ang ginenangku, wo sa aku nimakawoka'mola u Nuwu' Lé'os tumoro si Kristus wia sé tou, tia' wo ni aku si zéi'kan wangun i makailek ung kukulu.

Galatia 6:13

Pahpaan sé sinunato itii, ni séra kangkasii én zéi'kan makawawa ing kumiit péléng a méipantik wana un ukum Torat. Taan kapaaz néra, ni kamu é sunaten wo séra mahloo-looz i milek ni kamu mahkiit a méipantik wana un ukum Torat.