Roma 2:2 - Taaz Weru Witu u Nunuwu'en Tombulu

² Kata'uanta i si Opo Empung uman si ulit i mukum sé tou sé mahwangun an tanu niitu.

Roma 2:2 Iomraidhean Croise

Kisah Rasul-rasul 17:31

Niimek-Namo un oras i métumotoz wo meneksek ni kita. Méituzu'-Na si Tou esa i maéndo menonotoz zéi'kan mahsanaweka im wia ni kita péléng. Wo totoz kata'uanta sa niana péléng é mamuali téntu, si menonotoz itii é nimaté a Sia itoumé sumaup ni Opo Empung im wia sé nimaté.”

Roma 2:1

Niitumo, séi uman ni ko, tia' mapahsasala' sé tou walina pahpaan ni ko in esa én zéi'kan siapa un toro iwingkot ing kumua i ni ko én ulit. Karia i mapahsasala' sé tou walina, ni ko kangkasii é mapahsasala' am pahwangunennu, pahpaan ni ko si mapahsasala' sé tou walina é memangu-mangun kangkasii an téntu.

Roma 2:3

Wo ni ko, si tou mapahsasala' sé tou walina, taan ni ko in esa é memangu-mangun a léwo'an tanu am pahwangunen néra, kaa ko é mahgenangla sa ko én ikapiloté im wana an ukuman ni Opo Empung?

Roma 2:5

Pahpaan ung kaketéhan un atému i soo tumula'u a singkéla', niitu u nimangun uman taré un upi' ni Opo Empung éng kalousna im wia ni ko, makaz ni Sia mapailek un ukuman-Na un zéi'kan mahsanaweka wia ni ko witu un endo tinotoz-Namo.

Roma 9:14

Sa téntu, apa ni kita éng kumua si Opo Empung é mahsanaweka? Zéi'kan!

Wahyu 16:5

Talingangkumé si malaekat si mahkawasa wana an zano itii kimuamé, “Ni Ko én zéi'kan mahsanaweka, ni Ko ém wia in tarékan wo wiamo rengan im puuna, ni Ko é lenas, pahpaan ni Ko é niméhémomé un ukuman kenu.

Wahyu 19:2

Pahpaan ni Sia i mahtotoz ulit kaapa zéi'kan am pahwangunen né tou én ulit wo zéi'kan mahsanaweka. Ni Siamo si nimukum um wanua tua'na Babel un tanumokan si wéwéné sangaya si ipahkua-kua itii, si liméwo' sé tou wia ung kaayahan kenu karia ang kasamekanna; wo um wanua tua'na itii é niukum-Na pahpaan nimunu'mo sé ata-Na.”