Roma 2:14 - Taaz Weru Witu u Nunuwu'en Tombulu

¹⁴ Sé tou zéi'kan Yahudi én zéi'kan makaanu un ukum Torat. Taan sa ni séra, karia um paaz in esa mahkiit un ukum itii, niitu én tumuzu'mé sa un ukum Torat ém witumo un até néra, zozo' ni séra én zéi'kan makaanu un ukum itii.

Roma 2:14 Iomraidhean Croise

Kisah Rasul-rasul 10:35

Péléng sé tou, wisa uman un tahsasana wanua néra sé maindé' wia ni Sia wo mahwangun an ulit ém pahsungkulen-Na.

Kisah Rasul-rasul 14:16

Im puuna é méiwaya ni Opo Empung péléng sé tahsasana wanua i mahkiit uman u lalan ni esa wo ni esa.

Kisah Rasul-rasul 17:30

Si Opo Empung én zéi'mo gimenang ung kalemouan né tou im puuna. In tarékan péléng sé tou ém pinerénta ni Opo Empung i léwo'zéi' tumula'ula a singkéla' wo kumiit ni Sia.

Roma 1:32

Zozo' ing kata'uan néra an tinotoz witu un ukum ni Opo Empung, im péléng sé mahwangun niana é makailek un ukuman patéan, taan ni séra én zéi'kan kumana' i mahwangun niana, lumousé niitu sé tou sé mahwangun niana kangkasii é niénéan nérala.

Roma 2:12

Péléng sé tou mahsingkéla' sé zéi'kan mata'u un ukum Torat én ukumen zéi'kan mengiit un ukum Torat. Taan péléng sé tou mahsingkéla' sé mata'umo un ukum Torat én ukumen mengiit un ukum Torat.

Roma 2:15

Karia in téntu ni séra én tumuzu'mé sa un ukum Torat ém witumo un até néra. Niitumo ung genang lé'os néra mapata'umé tumoro ang kata'uan néra. Ni séra satorona é méipapahsasala' ang genang néra wo satorona niéndo ulit ang genang néra.

Roma 2:27

Wo sé tou zéi'kan sinunat taan mahwangun a méipantik witu un ukum Torat, ni séramo sé matumotoz ulit kaapa zéi'kan am pahwangunen niou, sé makaanu un ukum Torat wo sinunat taan zéi'kan mahwangun un ukum Torat itii.

1 Korintus 11:14

Zéi'kan kuaa am pahilekenta wia ung kaayahan, si tuama én zéi'kan wangun sa um wuukna lambo'.

1 Korintus 9:21

Sa aku kimaria sé tou zéi'kan Yahudi sé menou-nou zéi'kan mahkiit un ukum Torat, ung katou-touangku én tanu ung katou-touan néra in zéi'kan mahkiit un ukum Torat. Niitu winangunku wo ni aku toro sumawang ni séra i ma'éman wia si Kristus. Un ulitna ni aku én zéi'kan tou si zéi'kan mahkiit a méiperénta ni Opo Empung, pahpaan ni aku é mahkiit a méiperénta ni Kristus.

Efesus 2:12

In toro niitu ni kamu én zéi'kampé' mata'u tumoro si Kristus, ni kamu zéi'kampé' ipahrékén in tou Israel sé tou ni Opo Empung wo ni kamu én zéi'kan makailek um wéwéténgan witu un taaz ni Opo Empung. Ni kamu sé im wia ung kaayahan én zéi'kan siapa pahéré'an wo ni kamu zéi'kan mata'u si Opo Empung.

Efesus 2:3

Im puuna ni kita péléng é masuat karia néra, ni kita menou-nou mahkiit u lelo léwo' un awakta, mahwangun um paaz un awakta wo ang genang léwo'ta. In toro niitu, ni kita kangkasii én tou sé léwo'zéi' i makailek un upi' makaindé'en ni Opo Empung tanu sé tou walina.

Filipi 4:8

Ung kamurian katuari-katuari, péléng an ulit, péléng am wangun im pahloozen, péléng an zéi'kan mahsanaweka, péléng am weresi, péléng an tombal, péléng an tariis im pahtalingan, péléng am wéwéhan torona wo an toro pahloozen, niana péléng é léwo'zéi' ing genangen nioula.