Roma 2:13 - Taaz Weru Witu u Nunuwu'en Tombulu

¹³ Pahpaan sé niéndo ulit im witu u sinaru ni Opo Empung én zéi'kan sé timalinga un ukum Torat, taan sé niéndo ulit é sé tou mahwangun un ukum itii.

Roma 2:13 Iomraidhean Croise

Lukas 18:14

Ikua-Kuma wia ni kamu, si menanagi am pajak kenu i mawurima witi waléna é niéndo ulit ni Opo Empung, taan si tou Farisi itii én zéi'kan. Pahpaan, séi uman si mahlooz un touna, ni sia én iroros ni Opo Empung wo séi uman si meroros un touna, ni sia é loozen ni Opo Empung.”

Lukas 8:21

A si Yesus mingkotla, “Si ina'-Ku wo sé katuari-Ku é sé tou mahtalinga wo mahwangun u Nuwu' ni Opo Empung.”

Yohanes 13:17

Sa niia péléng kinata'uan niouola, ni kamu é mahpaa-paaz sa ni kamu mahwangun niana.

Kisah Rasul-rasul 13:39

Niitumo séi uman si ma'éman wia si Yesus, ni sia é niéndo ulit.

Roma 10:5

Tumoro u niéndo ulit ni Opo Empung mengiit un ukum Torat, si Musa nimantik in téntii, “Si tou mahkiit péléng un ukum Torat é mamenou-nou pahpaan mahtali-talinga un ukum Torat.”

Roma 2:25

U sunat ém wéwéhan torona sa kita in tou Yahudi mahkiit un ukum Torat. Taan, sa zéi'kan mahkiit un ukum Torat, im witu u sinaru ni Opo Empung ni kita én tanumokan sé tou zéi'kan Yahudi wo um pahsunaten én zéi'kan siapa torona.

Roma 3:20

Zéi'kan siapa zozo' in esa si tou niéndo ulit im witu u sinaru ni Opo Empung pahpaan mahwangun un ukum Torat. Taan, pahpaan wéwéhan un ukum Torat, a sé tou mata'ula im wéwéhan a singkéla'.

Roma 3:23

Pahpaan péléng sé tou é simingkéla'mola wo zéi'mo wangun i makailek u lolooz wo sisigi'an ni Opo Empung.

Roma 3:30

Si Opo Empung én esa uman. Sé tou Yahudi sé ma'éman si Yesus Kristus wo sé tou zéi'kan Yahudi sé ma'éman si Yesus Kristus é niéndo ulit ni Opo Empung.

1 Korintus 4:4

Pahpaan ung kata'uangku, ni aku én zéi'kan siapa a sinala'. Taan zozo' in téntu, ni aku én zéi'kan kumuama i ni aku én zéi'kan siapa a sinala'. Si toro tumotoz ni aku im wéwéhan a sinala' kaapa zéi'kan é si Yesus Mahpiara uman.

Galatia 2:16

Kata'uan naimo in zéi'kan siapa tou zozo' in esa si niéndo ulit ni Opo Empung pahpaan mahkiit un ukum Torat. Taan sé niéndo ulit ni Opo Empung é sé ma'éman si Kristus Yesus. Pahpaano niitu, ni kai kangkasii é ma'émano wia si Kristus Yesus, wo ni kai én éndon ulit ni Opo Empung mengiité um pa'émanen nai wia si Kristus Yesus, zéi'kan mengiit un ukum Torat. Pahpaan: “Zéi'kan siapa tou sé niéndo ulit ni Opo Empung pahpaan mahkiit un ukum Torat.”

Galatia 5:4

Sa kamu mahtututu' in éndon ulit witu u sinaru ni Opo Empung pahpaan i mahkiit un ukum Torat, ung katou-touan niou én zéi'mo méikauntep witu ung kamang tatambér ni Opo Empung.

Yakobus 1:27

Un uli-ulit mahragés wo zéi'kan siapa um pahséro'an witu u sinaru ni Opo Empung, Ama'ta é mahileké sé zéi'mo siapa tu'a wo sé wéwéné mahesa-esamokan im wana ang kasusaan néra. Téntu kangkasii ni kamu, mile-ilekla én taa kamu ikakiitla i mahwangun a léwo'an wia ung kaayahan.

1 Yohanes 2:29

Sa kata'uan niouo i si Opo Empung én ulit, ni kamu kasii é léwo'zéi' i mata'u im péléng sé tou mahwangun ang kaulitan én oki'-Na.

1 Yohanes 3:7

É kamu in oki'ku, tia' ipahwaya niou séi uman si mahlululu ni kamu. Séi si mahlé'os ang kaulitan, ni sia én tou ulit, tanu si Kristus in ulit.