Roma 2:11 - Taaz Weru Witu u Nunuwu'en Tombulu

¹¹ Pahpaan si Opo Empung én zéi'kan mahpélé-péléng tou.

Roma 2:11 Iomraidhean Croise

Matius 22:16

An iatu nérama sé woopira pahtuzu'en néra wo sé woopira tou mahkii-kiit si kolano Herodes mangé wia si Yesus i lumigau, “Méster, kata'uan nai, ni Ko én zéi'kan mahtowo wo ulit i mahtuzu' u lalan ni Opo Empung. Wo zéi'kan siapa sé ikaindé'-Mu pahpaan ni Ko zéi'kan mahsanaweka.

Lukas 20:21

Ni séra meligau wia ni Sia in téntii, “Méster, kata'uan nai a méikua wo méituzu'-Mu én ulit wo ni Ko én zéi'kan mahsanaweka wo ulit i mahtuzu' u lalan ni Opo Empung.

Kisah Rasul-rasul 10:34

A si Petrus rengan i mahnuwu', “Un ulitna, kinatulapangkumola i si Opo Empung én zéi'kan meméléng tou.

Roma 9:14

Sa téntu, apa ni kita éng kumua si Opo Empung é mahsanaweka? Zéi'kan!

Galatia 2:6

Tumoro sé tonaas sé pahsigi-sigi'en né jamaat witi Yerusalem, (wia ni aku, azi niitu apa um pahpaayangen néra, tonaas kaapa sé tou uman im puuna é masuat uman, pahpaan si Opo Empung kangkasii én zéi'kan meméléng tou). Ni séra én zéi'kan nimatu ni aku i mawesla apa uman witu um pahtuzu'ku wia sé tou u Nuwu' Lé'os tumoro si Yesus.

Efesus 6:9

Wo wia ni kamu sé tuang, mahwangunla kangkasii a lé'os tanu niitu wia sé ata wo tia' mahiindé' ni séra karia an ukuman. Gena-genangen, si Mahpiara né tuang wo si Mahpiara né ata, si witi kasendukan, ni Sia én zéi'kan mahsanaweka.

Kolose 3:25

Séi uman si mahwangun ang kasumalaan, ni sia é makailek um wawaér mengiit ung kasumalaanna itii, pahpaan si Mahpiara i méhé un ukuman én zéi'kan mahpélé-péléng.

1 Petrus 1:17

Pahtawahen niou si Opo Empung in Ama', ni Sia si zéi'kan mahtémbo-témbo i mahtotoz ulit kaapa zéi'kan mengiit am pinahwanguné né tou. Niitumo, ni kamu sé limepuh umané wia ung kaayahan kenu é léwo'zéi' mahsigi' ni Sia.