Roma 16:5 - Taaz Weru Witu u Nunuwu'en Tombulu

⁵ U sigi'ku wia sé jamaat witi walé néra. U sigi'ku wia si Epenetus, si katuari esa pa'émanen ikararaatéku. Ni sia si kataré-taré nima'éman wia si Kristus im witi tana' Asia.

Roma 16:5 Iomraidhean Croise

Matius 18:20

Pahpaan sa wéwéhan zua kaapa telu tou sé nimaréwok i mengaléi karia u ngaran-Ku, ni Aku kangkasii é memali-mali karia néra.”

Kisah Rasul-rasul 16:6

Si Paulus wo sé kakariana é limangkoi umané un tana' Frigia wo tana' Galatia, pahpaan si Roh Lenas siméro'la ni séra i mahwoka' u Nuwu' Lé'os tumoro si Yesus wia sé tou witi Asia.

Kisah Rasul-rasul 18:12

Taan i si Galio nimaéndomoma gubernur witi Akhaya, sé tou Yahudi é nimaesaan i mahsaru si Paulus. Tumondong niitu, ni sia é méipahwali nérama witi penonotozan ulit kaapa zéi'kan am pahwangunen né tou.

Kisah Rasul-rasul 18:27

Pahpaan si Apolos éng gimenang i lumeweta mangé witi Akhaya, sé katuari esa pa'émanen witi Efesus é niméhéma um pinantik wia sé tou ma'éman witu, wo séra sumungkul ni sia. I ni sia méikaayola witi Akhaya, ni sia én totoz uli-ulit mahsawang sé tou ma'éman pahpaan ung kamang tatambér ni Opo Empung.

Kisah Rasul-rasul 2:9

Ni kita én tou: Partia, Media, Elam, Mesopotamia, Yudea wo Kapadokia, Pontus wo Asia,

Roma 11:16

Sa u sana ketor roti kataré-taré mémoiwéhéla wia si Opo Empung, tantumo péléng a roti itii é mémoiwéhéla wia ni Sia, wo sa un ahmut ung kai én anu-Na, tantumo am pangana kangkasii én anu-Na.

Roma 15:26

Pahpaan sé tou ma'éman sé witi Makedonia wo Akhaya é nimaesaanola im wéwéhan un iwéhé nérama wia sé tou ma'éman zéi'kan siapa apa sé witi Yerusalem.

Roma 16:12

U sigi'ku wia si Trifena wo si Trifosa. Ni séra é ma'ulit i mahpaayang wia si Mahpiara. U sigi'ku kangkasii wia si Persis ikararaatéku. Ni sia kangkasii én totozo nima'ulitla i mahpaayang wia si Mahpiara.

Roma 16:4

Ni séra én tawi maté i mahsawang ni aku. Zéi'kan ni aku uman si kumuama u makasé wia ni séra taan karia péléng sé sanahréréwok jamaat zéi'kan tou Yahudi kangkasii éng kumuama u makasé wia ni séra.

Roma 16:6

U sigi'ku wia si Maria si totozo nima'ulitla i mahpaayang karia niou.

Roma 16:8

U sigi'ku wia si Ampliatus si ikararaatéku, si esa pa'émanen kariaku wia si Mahpiara.

1 Korintus 16:15

Katuari-katuari, si Stefanus éng kata'uan niouo. Im witi Akhaya, ni sia wo sé sana awuna sé kataré-taré timula'ula a singkéla' néra, a séra ma'éman wia si Yesus. Ni séra é niméhémo un tou néra i mahsawang sé tou ni Opo Empung. Pahaléiengku wia ni kamu,

1 Korintus 16:19

Sé jamaat witi Asia é méhéma u sigi' néra wia ni kamu. Si Akwila wo si Priskila wo sé jamaat sé nimaréwok witi walé néra é méhéma u sigi' néra wia ni kamu i ma'éman wia si Mahpiara.

2 Korintus 1:1

Um pinantik kenu ém wia ni aku Paulus wo si Timotius si katuarita esa pa'émanen a mangé. Witu um paaz ni Opo Empung ni aku én tinawah i nimaéndo aatu ni Kristus Yesus. Um pinantik kenu én iwéhé wia sé jamaat ni Opo Empung witi Korintus wo péléng sé tou linenas ni Opo Empung witi Akhaya.

2 Korintus 9:2

Pahpaan kata'uangkumo i ni kamu én totoz mahpaa-paaz i sumawang. Ni kamu é méipahloo-loozku wia sé tou ma'éman witi Makedonia. Méipahkuakumola wia sé tou ma'éman witi Makedonia sa ni kamu im witi Akhaya i nanta'un é nimimeko i méhé an zoit sasawang. In tarékan, ung kapaaz niou itii é nimangun sé tou ma'éman witi Makedonia in totoz mahpaa-paaz kangkasii mahwéhé an zoit sasawang.

Kolose 4:15

Ipapaayopé'la u sigi' nai wia sé katuari esa pa'émanen witi Laodikia; téntu kangkasii wia si Nimfa wo sé jamaat sé meraragés wia si Opo Empung witi waléna.

Filemon 1:2

wo wia si Apfia katuarita wéwéné esa pa'émanen wo wia si Arkhipus, si kakaria i mahpaayang wia si Kristus wo wia sé jamaat nimaréwok i meraragés wia si Opo Empung witi walému.

Yakobus 1:18

Witu um paaz-Na in esa, ni Sia nimangun ni kita nimaéndo oki'-Na mengiité u nuwu' kaulitan. Winangun-Na téntu wo kita maéndo wua'na kataré im wana am winangun-Na.

3 Yohanes 1:1

Um pinantik kenu ém wia ni aku, si penatua, iwéhé wia si Gayus si uli-ulit ikararaatéku witu ung kaulitan.

Wahyu 14:4

Ni séra én tanumokan si tuama zéi'kampé' nimahteke-tekela karia ni wéwéné pahpaan kapaaz néra ung katou-touan néra ém weresi. Ni séra é sé mahkii-kiit si Anak ni Domba wisa uman un angéan-Na. Ni séramo sé tinubus im wia sé tou i maéndo tanu raragés kataré-taré wia si Opo Empung wo si Anak ni Domba.