Roma 16:4 - Taaz Weru Witu u Nunuwu'en Tombulu

⁴ Ni séra én tawi maté i mahsawang ni aku. Zéi'kan ni aku uman si kumuama u makasé wia ni séra taan karia péléng sé sanahréréwok jamaat zéi'kan tou Yahudi kangkasii éng kumuama u makasé wia ni séra.

Roma 16:4 Iomraidhean Croise

Yohanes 15:13

Zéi'kan siapa u raraatéan u lumousé ung kenu: si tou nimayo un touna i maté wo sé kakariana toro menou-nou.

Kisah Rasul-rasul 15:26

Ni séra zua én tawi maté pahpaan i mahwoka' u ngaran ni Mahpiarata si Yesus Kristus.

Kisah Rasul-rasul 15:41

a séra malumiklik witi Siria wo witi Kilikia. Im wana séra zua é mahenté' um pa'émanen né jamaat.

Kisah Rasul-rasul 16:5

Karia in téntu, um pa'émanen né jamaat éng kaenté'namo. Wo sekez in endo, sé tou ma'éman éng kalakeznamo.

Kisah Rasul-rasul 9:31

Kumawusa niitu, péléng sé jamaat witi Yudea, Galilea wo Samaria é mahlé'o-lé'osan. Pahpaan u sasawang ni Roh Lenas, um pa'émanen néra éng kaenté'namo, maindé' wia si Opo Empung wo ni séra kangkasii éng kalakeznamo.

Roma 16:3

Ipapaayopé'la u sigi'ku wia si Priskila wo wia si Akwila sé kakariaku i mahpaayang wia si Kristus Yesus.

Roma 16:5

U sigi'ku wia sé jamaat witi walé néra. U sigi'ku wia si Epenetus, si katuari esa pa'émanen ikararaatéku. Ni sia si kataré-taré nima'éman wia si Kristus im witi tana' Asia.

Roma 5:7

Pahpaan zéi'kan meripu' umané si tou im paaz maté i sumawel si tou ulit. Taan wia si tou lé'os uman ém woo wéwéhan si tou paaz maté i sumawel ni sia.

1 Korintus 16:1

In tarékan én tumoro an zoit pahréwoken niou in isawang sé tou linenas ni Opo Empung sé witi Yerusalem. Totoz pahwangunen nioula niana masuat wo a méipahtuzu'ku wia sé jamaat witi Galatia.

1 Korintus 7:17

Tumondong niitu, si esa wo si esa é mimekla ung katou-touanna mengiit un tinotozo ni Mahpiara i ni sia taré tawahela ni Opo Empung a ma'éman. Niitu én tinotozku wia péléng sé jamaat.

Filipi 2:30

Pahpaan ni sia ém woanokan a maté i mahpaayang wia si Kristus, wo ni sia én zéi'mo mahgenang un touna i mahwuwutul am pemandungengku an zéi'kan mata'u wangunen niou, pahpaan ni kamu én zou'ma im wia ni aku.

1 Tesalonika 2:14

Katuari-katuari! Am pinendan nioué ém pinendano kangkasiimé né jamaat ni Opo Empung witi Yudea sé nimaéndo anu ni Kristus Yesus. Ni kamu pinahzézéhamé né kawanua nioukan tanu am pinendané né jamaat ni Opo Empung witi Yudea im pinahzézéhamé né tou Yahudi.

1 Yohanes 3:16

Karia ang kenumo ni kita mata'u u raraatéan ni Kristus, i si Kristus é nimayomo un tou-Na wia ni kita. Niitumo ni kita kangkasii é léwo'zéi' i mayola un touta wia sé katuarita esa pa'émanen.

Wahyu 1:4

Um pinantik kenu ém wia ni aku Yohanes a mangé, iwéhé wia ni kamu sé pitu jamaat witi Asia. Mengalé-ngaléi uman ung kamang tatambér wo ung kaluasan witu un até é menaté-natér ni kamu. Ung kamang tatambér wo ung kaluasan witu un até ém wia si Opo Empung, si wiamo rengan im puuna, in tarékan wo in tumondong, wo um wia sé pitu roh sé makasaru u rurumezan-Na ing Kolano,