Roma 16:13 - Taaz Weru Witu u Nunuwu'en Tombulu

¹³ U sigi'ku wia si Rufus, si pinéléng ni Mahpiara si totoz im pahsigi-sigi'en. U sigi'ku kangkasii wia si ina'na si tanumokan in ina'ku.

Roma 16:13 Iomraidhean Croise

Matius 20:16

Ang kuan kasii ni Yesus, “Téntu kangkasii si tou ipahmuri-muri é maéndo ipahpuu-puuna wo si ipahpuu-puuna é maéndo ipahmuri-muri.”

Markus 15:21

In toro niitu a lumangkoi si tou makangaran Simon, tou Kirene, ama' ni Aleksander wo ni Rufus, si witi wanua walina a méyé, taré mahuuntep witu um wanua tua'na. Ni sia én tinutu' nérala i masaan u salip ni Yesus.

Markus 3:35

Séi uman si mahwangun ung kapaaz ni Opo Empung, ni séramo sé katuari-Ku tuama, katuari-Ku wéwéné wo ina'-Ku.”

Yohanes 15:16

Zéi'kan ni kamu sé niméléng ni Aku, taan ni Aku si niméléng ni kamu. Ni Aku nimatu ni kamu wo ni kamu mangé wo mangun lakez am paayangen lé'os wo am wua'na am paayangen niou é memia-mia makaz ing kauré-uré. Karia in téntu, apa uman um pahaléien niou wia si Ama' mengiité u ngaran-Ku, niitu én iwéhé-Na wia ni kamu.

Yohanes 19:27

Tumondong niitu Sia kumuama wia si pahtuzu'en-Na, “Kenumo si ina'mu!” Rengané in toro niitu si ina' ni Yesus é méipahwalima witi walé ni pahtuzu'en-Na itii.

Roma 16:12

U sigi'ku wia si Trifena wo si Trifosa. Ni séra é ma'ulit i mahpaayang wia si Mahpiara. U sigi'ku kangkasii wia si Persis ikararaatéku. Ni sia kangkasii én totozo nima'ulitla i mahpaayang wia si Mahpiara.

Roma 16:14

U sigi'ku wia si Asinkritus, si Flegon, si Hermes, si Patrobas, si Hermas wo sé katuari esa pa'émanen sé mahwali-wali karia néra.

Efesus 1:4

Pahpaan si Opo Empung é niméléngo ni kita puunala ung kaayahan kenu im winangun mengiité um pinaesaanta karia ni Yesus Kristus, wo kita lenasen ni Opo Empung wo zéi'kan siapa um pahséro'an witu u sinaru-Na.

2 Tesalonika 2:13

Katuari-katuari ikararaaté ni Opo Empung! Ni kai sekezé é léwo'zéi' ing kumua u makasé wia si Opo Empung pahpaan ni kamu. Pahpaan rengan im puuna ni kamu ém pinéléng-Namo in ipilot im witu un ukuman wana a singkéla', mengiité um pinaayang ni Roh-Na si nimangun ni kamu lenas wo mengiité um pa'émanen niou wana an tutuzu' ulit am wia ni Sia a méyé.

1 Timutius 5:2

Téntu kangkasii im wia sé wéwéné tu'amo. Maheluz umanla i mahnuwu' wia ni séra tanu i mahnuwu' wia si ina'mu. Wo pahnuwu'an kasiila sé raraha tanu ko i mahnuwu' wia sé tuarimu. Wangunela niitu karia un até weresimu.

2 Yohanes 1:1

Um pinantik kenu ém wia ni aku, si penatua wo iwéhé wia sé totoz ikararaatéku, si ina' pinéléng ni Opo Empung wo wia sé oki'na. Zéi'kan uman ni aku si rumaraaté ni kamu, taan maan péléng sé tou sé mata'umo an tutuzu' kaulitan,