Roma 16:10 - Taaz Weru Witu u Nunuwu'en Tombulu

¹⁰ U sigi'ku wia si Apeles. Méikatuzu'mo ung kaezenanna i ma'éman si Kristus. U sigi'ku wia péléng sé witi walé ni Aristobulus.

Roma 16:10 Iomraidhean Croise

Roma 14:18

Pahpaan séi uman si pakahpaayangna wia si Kristus én tanu niitu, ni sia é nimangun si Opo Empung mahpaa-paaz wo ni sia é sigi'en né kasuat tou.

Roma 16:3

Ipapaayopé'la u sigi'ku wia si Priskila wo wia si Akwila sé kakariaku i mahpaayang wia si Kristus Yesus.

Roma 16:7

U sigi'ku wia si Andronikus wo si Yunias sé kawanuaku, sé im puuna ém binui kariaku. Ni séra ém pahsigi-sigi'en im wia sé aatu ni Kristus. Ni séra sé puuna ma'éman si Kristus taan ni aku.

Roma 8:11

Si Roh ni Opo Empung, si timou sumaup si Yesus im wia sé nimaté é nimaesamo karia niou. Ni Sia si timou sumaup si Kristus Yesus im wia sé nimaté é méhé ung katou-touan witu un awak niou u maléwo' itii mengiité si Roh-Na si nimaesaan karia niou.

1 Korintus 11:19

Pahpaan im wia ni kamu é léwo'zéi' wéwéhan sé mahéndo-éndoan, wo toro kata'uan séi si uli-ulit mahkiit si Opo Empung.

2 Korintus 12:2

Kata'uangku wéwéhan si tou ma'éman wia si Kristus, mapulu' wo epatna ta'un limangkoila, si tou itii kumompo'mé ém winénétoma witi kasendukan katelu. In toro niitu, zéi'kan kata'uangku sia im winénéta ém winénéta karia un touna kaapa akaz uman si rohna si winénéta. Si Opo Empung uman si mata'u niitu.

2 Korintus 2:9

Ung kalakoan ni aku i nimantik um pinantik itii an iwéhé wia ni kamu é mahtata'u sa a méipahkuakuma wia ni kamu ém péléng pahwangunen niou kaapa zéi'kan.

2 Korintus 5:17

Niitumo, séi uman si mahkiit si Kristus, ni sia ém winerumo. Ung katou-touanna én zéi'mo tanu im puuna in zéi'kampé' mahkiit si Kristus. Taan ung katou-touanna ém werumo, un uré é nimazéi'moma wo um weru ém wiamo.

2 Korintus 8:22

Karia ni Titus wo si katuari esa pa'émanen, méiatu nai kasii i mangé karia néra zua, si tou ma'éman walina si makapiramo wina'wa' nai, ni sia sekezé é mahsawang sé tou. In tarékan, totoz kapaazna i sumawang ni kamu pahpaan ni kamu én totoz pa'émanenna.

Galatia 1:22

Taan sé jamaat ni Yesus Kristus sé witi Yudea én zéi'kampé' nimahile-ilekala kariaku.

Filipi 2:22

Taan ni kamu nimileko un ulitna si Timotius. Pahpaan ni sia é nimapaileko i ni sia én toro pa'émanen wo uli-ulit mahpaayang i mahsawang ni aku i mahwoka' u Nuwu' Lé'os tumoro si Yesus, tanumokan si koki' mahsawang si ama'na.

1 Timutius 3:10

Ni séra kasii é léwo'zéi' im wa'wa'empé'la, sa ikatuzu'mé ung katou-touan néra ém wangun, taré séra totozela i maéndo diaken.

2 Timutius 4:19

Ipapaayopé'la u sigi'ku wia si Priska wo si Akwila wo wia sé sana awu ni Onesiforus.

1 Petrus 1:7

Wana am pema'wa'en itiimo toro ikatuzu'mé sa ni kamu uli-ulit ma'éman wia ni Sia kaapa zéi'kan. Um pa'émanen niou itiipé' u mahal taan u mas un toro uman maléwo'. U mas é léwo'zéi' in tunumpé'la i mahtata'u sa niitu wangun kaapa zéi'kan. Um pa'émanen niou wia ni Sia é lumouspé'mé niitu, u léwo'zéi' im wa'wa'en wo niitu maenté'. Karia in téntu ni kamu é loozen wo sigi'en im witu un oras si Yesus Kristus i mawurimé sumaup.