Roma 15:8 - Taaz Weru Witu u Nunuwu'en Tombulu

⁸ Ung kalakoana én téntii: Si Kristus é nimaéndomo menanawang im wia sé tou Yahudi i mapailek i si Opo Empung én zéi'kan maliuz wana a méitaaz-Na wia sé nimaopota.

Roma 15:8 Iomraidhean Croise

Matius 15:24

A si Yesus mingkotla, “Ni Aku i méiatumé ni Opo Empung én akaz uman mésumawang sé tou Israel sé mémoikalulu, tanu sé domba mémoikalulu.”

Matius 20:28

Téntu kangkasii si Oki' ni Tou i méyé én zéi'kan i selewiren, taan i mésumelewir wo i mayo ung katou-touan-Na in tumubus a singkéla' né tou lakez.”

Yohanes 1:11

Ni Sia niméyé wia sé tou sé anu-Na, taan sé anu-Na itii é soo sumungkul ni Sia.

Yohanes 10:16

Taan ni Aku kangkasii é makaanu sé domba walina sé zéi'kan wia um pahpiaraan kenu. Sé domba itii kangkasii é léwo'zéi' im pahwali-Ku wo ni séra matumalinga u nuwu'-Ku wo ni séra é maéndo sana réwok domba esa memimiara.

Kisah Rasul-rasul 13:46

Taan karia im wuaya si Paulus wo si Barnabas mahkua wia sé tou itii, “Ulit u Nuwu' ni Opo Empung é léwo'zéi' in ipuuna iwoka' wia ni kamu in tou Yahudi, taan ni kamu é soo ma'éman. Im witu ung genang niou, ni kamu é mahgenangla un tou niou én zéi'kan wangun i makailek ung katou-touan makaz ing kauré-uré. Niitumo in tarékan ni kamu én itula'u nai i mangé wia sé zéi'kan tou Yahudi i mahwoka' u Nuwu' ni Opo Empung itii.

Roma 11:22

Niitumo, wéhanla genang kura ung kalé'osan ni Opo Empung wo sa Sia mukum én zéi'kan mahléléong. Ni Sia é uli-ulit mukum sé tou Yahudi zéi'kan ma'éman, taan ni Sia é mangun a lé'os wia ni ko, asal uman ni ko én zéi'kan mazéi' i menou-nou im witu u lé'os-Na. Sa zéi'kan téntu, ni Sia kangkasii én tumia' ni ko.

Roma 11:30

Tanu ni kamu in tou zéi'kan Yahudi im puuna én zéi'kan mahtali-talinga si Opo Empung taan pinapailekano u raraatéan-Na pahpaan sé tou Yahudi zéi'kan ma'éman wia ni Sia.

Roma 15:16

Ni Siamo si nimatumé ni aku i maéndo memamaayang ni Kristus Yesus i mangé wia sé tou zéi'kan Yahudi i mahwoka' u Nuwu' Lé'os ni Opo Empung. Um paayangengku én tanu sé walian i mengangali a raragés makaz sé tou zéi'kan Yahudi én toro sungkulen ni Opo Empung tanu a raragés a linenas ni Roh Lenas wia si Opo Empung.

Roma 3:26

In tarékan si Yesus nimaté simawel ni kita, niitumo un tumuzu'mé i si Opo Empung én zéi'kan mahsanaweka. Karia in téntu si Opo Empung mapaileké i ni Sia én ulit wo péléng sé ma'éman wia si Yesus én éndon ulit ni Opo Empung witu u sinaru-Na.

Roma 3:3

Niitumo, kura sa im wia ni séra ém wéwéhan sé zéi'mo ma'éman si Opo Empung? Sa téntu, apa niitumo u mangun si Opo Empung maliuz a méitaaz-Na?

Roma 4:16

Niitumo, pahpaan um pa'émanen wia si Opo Empung a makailek un taaz-Na. Un taaz itii é makailekan pahpaan ung kamang méitambéré ni Opo Empung. Niitu é makailekan péléng né suzu ni Abraham, zéi'kan uman sé tou mahkiit un ukum Torat, taan kasii wia sé tou ma'éman tanu um pa'émanen ni Abraham, si ama'ta péléng sé ma'émano.

1 Korintus 1:12

Ung kalakoana ém, “Wéwéhan sé wia ni kamu é mahkua in téntii, ‘Ni aku é mahkiit si Paulus.’ Sé walina é mahkua, ‘Ni aku é mahkiit si Apolos’, wo sé walina é mahkua, ‘Ni aku é mahkiit si Petrus.’ Wo sé walina kasii é mahkua, ‘Ni aku é mahkiit si Kristus.’ ”

1 Korintus 10:19

Ni aku ing kimuama téntu zéi'kan i mahkukuama sé opo-opo wo a méiragés wia sé opo-opo ém wéwéhan torona. Zéi'kan!

1 Korintus 10:29

Um paza'ingkula itii, zéi'kan ung genang lé'os niou um wutez taan ung genang lé'os ni tou itii. Wéwéhan woo si mahkua, “Ni aku én zéi'kan ata, kaa rékén um pahwangunengku én totoz ipahkiit ung genang lé'os né tou walina?

1 Korintus 15:50

Katuari-katuari, kenu un ikuaku wia ni kamu: Un awakta in tarékan én zaha' wo lé'ona u maléwo'. Niitumo, ni kita én zéi'kan toro muntep witi Kakolanoan ni Opo Empung ing Kolano. Un awakta u maléwo' én zéi'kan toro muntep witu pahpaan im witu én zéi'kan siapa a maléwo'.

2 Korintus 1:20

Si Kristus ni Siamo si ‘Éné’ im wana péléng a méitaaz ni Opo Empung. Ni kai mahkua ‘Amin’ pahpaan si Kristus i mahsigi' wo mahlooz si Opo Empung.

Efesus 2:12

In toro niitu ni kamu én zéi'kampé' mata'u tumoro si Kristus, ni kamu zéi'kampé' ipahrékén in tou Israel sé tou ni Opo Empung wo ni kamu én zéi'kan makailek um wéwéténgan witu un taaz ni Opo Empung. Ni kamu sé im wia ung kaayahan én zéi'kan siapa pahéré'an wo ni kamu zéi'kan mata'u si Opo Empung.