Roma 15:6 - Taaz Weru Witu u Nunuwu'en Tombulu

⁶ makaz ni kamu esa genang wo esa nuwu' i mahlooz wo mahsigi' si Opo Empung, si Ama' ni Yesus Kristus si Mahpiarata.

Roma 15:6 Iomraidhean Croise

Yohanes 20:17

Ang kuan ni Yesus wia ni sia, “Tia' mahtion wia ni Aku, pahpaan ni Aku én zéi'kampé' nimenéka i mangé wia si Ama'. Taan mangémo wia sé katuari-Ku wo ikuala wia ni séra i ni Aku in tarékan é mangémo wia si Ama'-Ku wo Ama' niou, wia si Opo Empung-Ku wo Opo Empung niou.”

Kisah Rasul-rasul 4:24

In tinalingala né kakaria néra niana péléng, a séra mengaléi mahwali-wali in téntii, “O Opo Empung, ni Komo si nimangun u langit wo ung kaayahan, un tasik wo péléng am witu.

Kisah Rasul-rasul 4:32

Péléng sé tou ma'éman én esa genang wo nimaesaan, wo zéi'kan siapa zozo' in esa si mahkua im péléng an anuna én anuna in esa, taan péléng an anuna én anu néra péléng.

2 Korintus 1:3

Loozela si Opo Empung, si Ama' ni Yesus Kristus, si Mahpiarata. Si Ama' totoz rumaraaté ni kai wo sekezé é mahenté' un atéta péléng.

2 Korintus 11:31

Si Opo Empung, si Ama' ni Yesus, si Mahpiarata, kata'uan-Na ni aku én zéi'kan mahtowo. Pahloozela Sia makaz ing kauré-uré.

Efesus 1:17

Ni aku mahaléi wia si Opo Empung si Ama' ni Yesus Kristus Mahpiarata, si pahloozen wo pahsigi'en itii i méhémé wia ni kamu si Roh-Na, si nimangun ni kamu matulap wo si Roh si matumuzu' tumoro si Opo Empung, wo ni kamu karia in ulit mata'u tumoro ni Sia.

Efesus 1:3

Loozela si Opo Empung, si Ama' ni Yesus Kristus Mahpiarata si timambéré wia ni kita péléng ang kamang witi kasendukan mengiité si Roh Lenas pahpaan nimaesa karia ni Yesus Kristus.

Kolose 1:3

Ni kai sekezé éng kumua u makasé wia si Opo Empung, si Ama' ni Yesus Kristus, si Mahpiarata, sekez ni kai i mengaléi tumoro ni kamu,

1 Petrus 1:3

Loozela si Opo Empung, si Ama' ni Yesus Kristus Mahpiarata. Pahpaan ung kawangko'an u raraatéan-Na makaz ni kita én toro nimakailek ung katou-touan weru mengiité si Yesus Kristus si méitoumé sumaup ni Opo Empung im wia sé nimaté. Niitu u mahenté' um pahéré'anta i menou-nou.

Wahyu 1:6

wo nimangun ni kita i maéndo tou-Na witi Kakolanoan-Na, wo kasii maéndo walian mahpaayang wia si Opo Empung, si Ama'-Na. Wia ni Sia u lolooz wo u sisigi'an wo ung kawasa makaz ing kauré-uré. Amin.