Roma 15:5 - Taaz Weru Witu u Nunuwu'en Tombulu

⁵ Mengalé-ngaléi uman si Opo Empung si mahwéhémé ang kaezenan wo a mahenté' un até kangkasii é méhémé un esa genang wia ni kamu, tanu ung kapaaz ni Kristus Yesus,

Roma 15:5 Iomraidhean Croise

Kisah Rasul-rasul 4:32

Péléng sé tou ma'éman én esa genang wo nimaesaan, wo zéi'kan siapa zozo' in esa si mahkua im péléng an anuna én anuna in esa, taan péléng an anuna én anu néra péléng.

Roma 12:16

Menou-noula i ma'esaan witu ung katou-touan niou. Tia' loozan, taan pasuatela un toumu karia né tou ipahwawa-wawa'. Tia' mahgenangla un toumu én tulapo.

Roma 15:13

Mengalé-ngaléi uman si Opo Empung, si mahwéhémé am pahéré'an é méhémé malake-lakez wia ni kamu u mahpaa-paaz wo ung kaluasan witu un até pahpaan ni kamu ma'éman wia ni Sia. Wo karia ung kawasa ni Roh Lenas, um pahéré'an niou é malake-lakez wia si Opo Empung.

Roma 15:3

Pahpaan si Kristus kangkasii én zéi'kan uman menéro u mahpaa-paaz witu un tou-Na in esa, taan tanu u méipantik witu um Pinantik Lenas in téntii: “Péléng a séséro'an néra wia si Opo Empung, niana kangkasii én timoro ni Aku.”

1 Korintus 1:10

Katuari-katuari! Pahpaan ni aku nimaesa karia ni Yesus Kristus si Mahpiarata, ni aku sumésama wia ni kamu, wo ni kamu én esa nuwu', tia'mo mahéndo-éndoan taan maesaanola wo esa genang.

2 Korintus 13:11

Ung kamurian, katuari-katuari, ni kamu mahpaa-paazla, mahtututu'la wo péléng am pemangu-mangunen niou malekep. Pahwéhanla genang péléng a méisésaku wia ni kamu. Ni kamu én esa genang wo péléng mahlé'o-lé'osan. Si Opo Empung si mahtambéré ung kamang wo ung kaluasan witu un até é menaté-natér ni kamu.

2 Korintus 7:6

Taan si Opo Empung si mahenté' an até né tou sé kimana'mola i mengalé-ngaléi é nimenté' un até nai i si Titus niméyé.

Efesus 5:2

wo menou-noula karia i mahraa-raatéan tanu si Kristus Yesus rimaraatémo ni kamu. Ni Sia nimayomo un tou-Na wia ni kita, nimaté witu u salip i maéndo tanu u raragés wo sé tatamun kineriz in ipahragés a mahwou tariis, u nimangun un até ni Opo Empung mahpaa-paaz.

Filipi 1:27

Un totoz ipahpuu-puuna in tarékan, pahpaan ni kamu é ma'émano wia si Kristus, ung katou-touan niou é léwo'zéi' i masuat karia an tutuzu' ni Kristus mengiit u Nuwu' Lé'os tumoro ni Sia. Karia in téntu sa aku mangémé, ni aku én toro mileké, kaapa sa aku zéi'kan mangémé wia ni kamu, ni aku én tumalinga i ni kamu én esa genang, nimaesaan i mahtututu' mahwoka' u Nuwu' Lé'os tumoro si Kristus, enté' um pa'émanen, wo ni kamu mahwali-wali i mahtututu' mahwoka' u Nuwu' Lé'os tumoro si Yesus Kristus wia sé tou wo séra toro ma'éman.

Filipi 2:2

niitumo, mahtututu'la i mangun ni aku mahpaa-paaz karia ang kenu: Ni kamu é menou-noula karia i mahlé'o-lé'osan, mahraa-raatéan si esa wo si esa, esa genang wo nimaesaan.

Filipi 3:16

Un totoz ipahpuu-puuna, ung katou-touanta é mahkiitla an tutuzu' ulit mémoituzu' ni Opo Empung makaz in tarékan.

Filipi 4:2

Ni aku é sumésama wia si Euodia wo si Sintikhe. Pahaléiengku wo ni kamu zua én esa genang wo malé'osala sumaup in tou ma'éman.

1 Petrus 3:20

Sé roh itii é roh né tou sé soo mahtali-talinga si Opo Empung im witu un oras ung katou-touan ni Nuh. In toro niitu si Opo Empung én ezen i ma'ento' sé tou in tumula'ula a singkéla' néra, karegas si Nuh i mahwangun u londéi tua'na. Taan toyo' uman sé tou nimuntep witu u londéi tua'na itii, ni séra ém walu uman sé tinulung ni Opo Empung im witu un ampuhan.

1 Petrus 3:8

Ing kamurian, kapaazku ni kamu én esa genang, mahgena-genangan, rumaraaté sé tou esa pa'émanen, meripu' umané i rumaraaté wo zéi'kan wera'.

2 Petrus 3:15

Genangenola ung kaezenan ni Mahpiarata én témpo niou in ipilot im witu un ukuman wana a singkéla'. Ang kenu é masuat wo u méipantik ni Paulus an iwéhé wia ni kamu pahpaan ang katulapanna a méitambéré ni Opo Empung wia ni sia. Ni sia éng katuarita esa pa'émanen wo ikararaatéta.

2 Petrus 3:9

Si Mahpiara én zéi'kan mahuré-uré i mangun a méitaaz-Na, zozo' im wéwéhan sé tou mahkua ni Sia én tahlous uré. Taan ni Sia én ezen im wia ni kamu, pahpaan kasoo-Na zozo' in esa wéwéhan sé tou maikaléwo'. Kapaaz-Na péléng sé tou én tumula'ula a singkéla' wo mawuri sumaup i mahlé'os ang kapaaz-Na.