Roma 15:4 - Taaz Weru Witu u Nunuwu'en Tombulu

⁴ Péléng a mémoipantik witu um Pinantik Lenas ém pinantik in tumuzu' ni kita. Pahpaan an tutuzu' kinailekanta witu um Pinantik Lenas, nimangun ni kita in ezen wo enté' un até wo kita wéwéhan um pahéré'an wia si Opo Empung.

Roma 15:4 Iomraidhean Croise

Roma 12:12

Mahpaa-paazola im wana am pahéré'an, meze-ezen im wana am pengalin wo tia' mahkana' i mahmengaléi.

1 Korintus 10:11

Péléng a nimamuali wia sé nimaopota itii, nimaéndo tanu ang kékéréan wia ni kita. Péléng niana é méipantik i mapagenang wia ni kita in tarékan, sé menou-nou wana an endo kaakazan ung kaayahan.

1 Tesalonika 1:3

Sekez kai i mengaléi wia si Opo Empung wo si Ama'ta, ni kamu ém pegena-genangen nai pahpaan am pahpaayangen niou i ma'éman wo kura kamu i mahsawang sé tou walina pahpaan rumaraaté ni séra wo kasii pahpaan ung kaezenan niou i mahéré' wo ma'éman uman wia si Yesus Kristus Mahpiarata, zozo' in zézéha.

1 Petrus 1:13

Niitumo, imekela ung genang niou i maayang am wangun, tuméga-tégam wo mahéré' uman witu ung kamang tatambér ni Opo Empung un iwéhé-Na wia ni kamu witu un oras si Yesus Kristus i mawurimé sumaup.