Roma 15:1 - Taaz Weru Witu u Nunuwu'en Tombulu

¹ Ni kita sé enté'mo um pa'émanen é léwo'zéi' in ezen im wana an zéi'kan enté' né tou zéi'kan enté' um pa'émanen néra, tia' ni kita menéro uman u mahpaa-paazta in esa.

Roma 15:1 Iomraidhean Croise

Roma 14:1

Sungkulela sé tou zéi'kan tahlous enté' um pa'émanenna wo tia' mahzéi-zéi'an karia néra.

Roma 14:2

Pahpaan wéwéhan sé katuari totozo enté' um pa'émanen néra wo witu ung genang néra i ni séra én toro kuman péléng ang kakanen. Taan sé tou zéi'kampé' totoz enté' um pa'émanen néra mahgenangla sa ni séra én toro uman kuman a séndé'en.

Roma 4:20

Ni sia én totoz ma'éman wo zéi'kan mahzua-zua genang im witu u méitaaz ni Opo Empung. Lumouspé'tarémé niitu, um pa'émanenna éng kaenté'na wo ni sia mahlooz wo mahsigi' si Opo Empung.

1 Korintus 4:10

Ni kai ém pahkuan né tou i lemou pahpaan ni kai é ma'éman wia si Kristus, taan ni kamu é mahgenangla in tou totoz tulap pahpaan i ma'éman wia si Kristus. Ni kai én zéi'kan enté', taan ni kamu én enté'. Ni kai én ipahwawa-wawa', taan ni kamu ém pahsigi'en né tou.

1 Korintus 9:22

Sa aku kimaria sé tou zéi'kampé' tahlous enté' um pa'émanen, ni aku é mahasa-asar ni séra, wo ni aku toro sumawang ni séra i ma'éman wia si Kristus. Winangunku ung katou-touangku én tanu ni séra péléng, wo wéwéhan sé wia ni séra sé toro ipiloté im witu ukuman wana a singkéla'.

2 Korintus 12:10

Niitumo, ni aku é mahpaa-paaz zozo' un touku in zéi'kan enté', pahséro'an, wana ang kasusaan wo pahzézéhan, lakez am pengalin pahpaan mahkiit si Kristus. Pahpaan i ni aku zéi'kan enté', in toro niitumo ni aku nimaenté'.

Efesus 6:10

Ing kamurian, enté'ela un até niou karia ung kaenté'an ung kawasa méiwéhémé ni Mahpiara pahpaan nimaesa karia-Na.

Filipi 2:4

Wo si esa wo si esa én tia' uman mahgenang am pemandungenna in esa, taan pahgenangen kangkasiila am pemandungen né tou walina.

1 Tesalonika 5:14

Katuari-katuari, pahaléien nai kasii wia ni kamu im pahnuwu'ala lé'os sé tou soo maayang, enté'ela un até né tou maindé', pahsawangala sé tou wangun i sawangan wo mezenla im wia péléng sé tou.

2 Timutius 2:1

Timotius oki'ku, enté'ela um pa'émanennu karia ung kamang méitambér pahpaan nimaesa karia ni Kristus Yesus.

1 Yohanes 2:14

É kamu sé koki', ni aku é mantika ang kenu wia ni kamu, pahpaan ni kamu é mata'umo si Ama'. É kamu sé ama', ni aku é mantika ang kenu wia ni kamu, pahpaan ni kamu é mata'umo ni Sia, si wiamo rengané ing kataré-taré. É kamu sé weru tou, ni aku é mantika ang kenu wia ni kamu, pahpaan ni kamu én enté' wo u Nuwu' ni Opo Empung ém wia ni kamu wo si tonaas né sétang éng kinala niouola.