Roma 14:6 - Taaz Weru Witu u Nunuwu'en Tombulu

⁶ Si tou mahsanapa' un endo esa, ni sia é nimangun niitu i sumigi' si Mahpiara. Séi si mahkan apa uman un toro kanen, ni sia é nimangun niitu i sumigi' si Mahpiara, pahpaan ni sia éng kimua u makasé wia si Opo Empung. Wo si zéi'kan mahkan am wayaan uman, ni sia kangkasii é nimangun niitu i sumigi' si Opo Empung, pahpaan ni sia kangkasii éng kimua u makasé wia si Opo Empung.

Roma 14:6 Iomraidhean Croise

Matius 14:19

A sé tou lakez itii pekirumez-Nala wana an zukut. Éndo-Namé u roti lima wo sé seza' zua itii, Sia lumoho'ma witi langit ang kumuama u makasé wia si Opo Empung. Am pemété-météngen-Nama a roti itii an iwéhéma wia sé pahtuzu'en-Na. Am peméténg nérama wia sé tou lakez.

Matius 15:36

Tumondong niitu an éndon-Namé u roti pitu wo sé seza' itii, ang kumuama u makasé wia si Opo Empung, am pemété-météngen-Nama an iwéhé-Nama wia sé pahtuzu'en-Na, an isekez nérama wia sé tou lakez itii.

Yohanes 6:28

Ang kuan néra wia ni Sia, “Apa u léwo'zéi' im wangunen nai, wo kai toro maayang am paayangen kapaaz ni Opo Empung?”

Galatia 4:10

Wéwéhan an endo wangko', a loloho'en, an oras wo an ta'un an tinotoz niouo im pahlé'osen mengiit un ukum Torat.