Roma 14:4 - Taaz Weru Witu u Nunuwu'en Tombulu

⁴ Séi ndéén ko wé taka-takazan ni ko mapahsasala' am pahwangunen ni pahayoan né tou walina? Si tuang ni pahayoan itii uman si mata'u sa sia ulit kaapa simala'. Taan ni sia é mamemangu-mangun an ulit pahpaan si Mahpiara é mahsawang ni sia.

Roma 14:4 Iomraidhean Croise

Kisah Rasul-rasul 11:17

Niitumo, sa si Opo Empung timambéré si Roh Lenas wia ni séra sé zéi'kan tou Yahudi, masuat wo si méitambér-Namé wia ni kita in taré ma'émanla wia si Yesus Kristus Mahpiara, kura kahuman ni aku i suméro' ni Sia?”

Roma 11:23

Taan sé tou Yahudi én tanu um panga ilaput sumaup im witu ung kai ni Opo Empung sa séra kumana'la in zéi'kan ma'éman. Pahpaan si Opo Empung si wéwéhan kawasa i lumaput sumaup ni séra witu ung kai itii.

Roma 14:3

Sé mahgenangla in toro kuman péléng ang kakanen én tia' memawa' sé mahkan uman a séndé'en. Pahpaan si Opo Empung é simungkulo ni séra. Téntu kangkasii sé mahkan uman a séndé'en én tia' mapahsasala' sé toro kuman apa uman an toro kanen. Pahpaan si Opo Empung kangkasii é simungkulo ni séra.

Roma 16:25

U sigi' wo looz wia si Opo Empung! Ni Sia ém wéwéhan kawasa i menté' um pa'émanen niou mengiit u Nuwu' Lé'os tumoro si Yesus Kristus u méipahwoka'ku mengiit u méipapailek ni Opo Empung, u rengan ing kataré-taré méikawuni im wia sé tou.

Roma 9:20

Apamo ko wé wo wuaya i mahéndo-éndoan karia ni Opo Empung? Toro wé ung kuré' tana' kumua wia si nimangun, “Kaa ni aku winangunmumé téntu?”

Ibrani 7:25

Niitumo ni Sia én uli-ulit makawawa i milot péléng sé tou im witu un ukuman wana a singkéla', sé méyé wia si Opo Empung mengiité ni Sia. Pahpaan ni Sia menou-nou makaz ing kauré-uré wo ni Sia zéi'kan mazéi' i mahmengaléi ni séra wia si Opo Empung.

1 Petrus 1:5

Péléng niitu én iwéhé wia ni kamu sé penaté-natéren karia ung kawasa ni Opo Empung pahpaan ma'éman wia ni Sia. Ni Sia é menaté-natér ni kamu, akaz ni kamu ipilot im witu un ukuman wana a singkéla'. Niitu é niimek-Na wia ni kamu witu ung kaakazan ung kaayahan.

Yudas 1:24

Wia ni Sia si mahkawasa si mahtéiz wia ni kamu én taa kamu ikasundui, wo si nimahwali ni kamu sé zéi'kan siapa um pahséro'an karia i mahpaa-paaz i marumendai sumaru witu un tampa-Na um pahloozen wo pahsigi'en.