Roma 14:10 - Taaz Weru Witu u Nunuwu'en Tombulu

¹⁰ Taan ni ko, kaa am pahwangunen né katuari esa pa'émanen ém pahtotozennu in ulit kaapa zéi'kan? Kaapa kaa ni ko memawa' sé katuari esa pa'émanen? Pahpaan ni kita péléng én isaru wia si Opo Empung in totozen am pahwangunen ulit kaapa zéi'kan.

Roma 14:10 Iomraidhean Croise

Matius 7:1

Kuan ni Yesus, “Ni kamu én tia' mahtotoz ulit kaapa zéi'kan a liné'os né tou walina, wo ni kamu zéi'kan totozen ni Opo Empung tanu niitu.

Lukas 18:9

Wia sé tou mahgenangla un touna én ulit wo mahgenangla péléng sé tou walina ém wawa', si Yesus kimua un aandéan kenu,

Lukas 23:11

Lumousé niitu si Herodes wo sé surarona é mahséro' wo mahléléong wia ni Sia. Si Herodes éng kimaraila wia si Yesus ung karai tonton totoz wangun, a Sia iwurinama sumaup wia si Pilatus.

Yohanes 5:22

Zéi'kan siapa zozo' in esa si tou si tinotoz ni Ama' in ulit kaapa zéi'kan am pahwangunenna. Taan péléng ung kawasa in tumotoz itii é méiwéhé wia si Oki'-Na.

Kisah Rasul-rasul 10:42

Ni Sia é nimatumomé ni kai i mahwoka' u Nuwu' Lé'os tumoro ni Sia wia péléng sé tou. Wo ni kai kangkasii é léwo'zéi' ing kumua am pina'ilek wo tinalinga nai, i ni Siamo si Tou pinéléng ni Opo Empung i métumotoz ulit kaapa zéi'kan am pahwangunen né tou, séra i menou-nou kaapa i nimatémo.

Kisah Rasul-rasul 17:31

Niimek-Namo un oras i métumotoz wo meneksek ni kita. Méituzu'-Na si Tou esa i maéndo menonotoz zéi'kan mahsanaweka im wia ni kita péléng. Wo totoz kata'uanta sa niana péléng é mamuali téntu, si menonotoz itii é nimaté a Sia itoumé sumaup ni Opo Empung im wia sé nimaté.”

Kisah Rasul-rasul 4:11

Si Yesus itii é, ‘Um watu mémoitia' né memamangun am walé taan ni Sia é nimaéndomola watu to'tolan.’

Roma 2:16

Niitu én ikatuzu'mokané witu un endo i si Opo Empung, mengiité si Kristus Yesus, i matumotoz ulit kaapa zéi'kan péléng a méikawuni witu un até né tou, mengiit u Nuwu' Lé'os tumoro si Yesus u mémoipapata'uku wia sé tou.

1 Korintus 4:5

Niitumo, ni kamu én tia'mo mahtotoz si tou simala' kaapa zéi'kan, niitu én zéi'kampé' orasna. Un orasna é si Mahpiara i mawurimé sumaup. In toro niitu, péléng an ipahwuni-wuni wana ang karimbengbengan én ipapailek-Na. Ituzu'-Na péléng ang ginenang ni tou. Tumondong niitu si esa wo si esa é loozen ni Opo Empung mengiité am pinahwanguna.

2 Korintus 5:10

Pahpaan ni kita péléng é léwo'zéi' i maisaru witu u rurumezan ni Kristus ing Kolano i matotozen ulit kaapa zéi'kan, wo sé tou si esa wo si esa é makailek um wawaér mengiit am winangunna, niitu im wangun kaapa léwo'.