Roma 13:7 - Taaz Weru Witu u Nunuwu'en Tombulu

⁷ Pahwaérela wia péléng sé tou a léwo'zéi' im waérennu. Am pajak ém waérela wia sé menanagi am pajak wo waérela am walina an totoz im waérennu wia sé pemerénta. Pahongkotala sé tou wangun im pahongko-ongkotan wo pahsigi'ela sé tou wangun im pahsigi-sigi'en.

Roma 13:7 Iomraidhean Croise

Matius 17:25

A mingkotla si Petrus wia ni séra, “Éné ya, ni Sia é mahwaér pajak.” I si Petrus nimuntepa witu um walé, am puunaané ni Yesus i meligau wia ni sia, “Petrus sa ikiit ni ko séi si léwo'zéi' i mahwaér pajak wia sé kolano wia ung kaayahan kenu, sé tou néra kaapa sé tou limepuh umané?”

Matius 22:21

A séra mingkotla, “Gio wo ngaran ni Kaisar.” Ang kuan ni Yesus wia ni séra, “Iwéhéla wia si Kaisar u léwo'zéi' iwéhé wia si Kaisar, wo iwéhéla wia si Opo Empung u léwo'zéi' iwéhé wia si Opo Empung.”

Markus 12:17

Ang kuan ni Yesus wia ni séra, “Iwéhéla wia si Kaisar u léwo'zéi' iwéhé wia si Kaisar, wo iwéhéla wia si Opo Empung u léwo'zéi' iwéhé wia si Opo Empung!” Tumalingamé niitu, ni séra é mengusi-ngusingsing.

Lukas 20:22

Mengiit an tinotoz witu um pa'émanenta, toro wé kita maér am pajak wia si Kaisar kaapa zéi'kan?”

Lukas 20:25

Ang kuan ni Yesus wia ni séra: “Sa téntu, iwéhéla wia si Kaisar u léwo'zéi' iwéhé wia si Kaisar wo wia si Opo Empung u léwo'zéi' iwéhé wia si Opo Empung!”

Lukas 23:2

Im witumo u sinaru ni Pilatus a séra mahtoké tumoro si Yesus, kuan néra, “Si Tou kenu é mahlululu sé tahsasana wanua nai. Pahséro'en-Na sé tou i mahwaér um pajak wia si Kaisar. Ni Sia kasii mahkua i ni Sia é si Kristus, si Kolano.”

Roma 12:10

Mengalé-ngaléi ni kamu é mahraa-raatéan tanu a mahtuari wo mahpuu-puunala i mahwéhé a sisigi'an.

Roma 13:6

Niitumo ni kamu léwo'zéi' i mahwaérla am pajak wia sé pemerénta. Pahpaan sé pemerénta é mahpaayang am paayangen méiwéhé ni Opo Empung wia ni séra.

Efesus 5:33

Taan ung kenu kangkasii én tumoro ni kamu sé sana séndé'mo: Iraraatéla si wéwéné mahayomu tanu ni ko i rumaraaté un toumu in esa, wo wia si wéwéné makamahayo, pahsigi'ela si mahayomu.

Efesus 6:5

É ata, ni kamu é mahtali-talingala wia sé tuang niou sé wia ung kaayahan. Ni kamu in ata én uli-ulit i maindé', mahtali-talinga wo mahsigi' sé tuang niou tanu ni kamu in uli-ulit mahtali-talinga wo mahsigi' si Kristus.

1 Timutius 5:13

Wo kasii pahpaan séra i menero-neroi uman wana am walé né tou, ni séra nimangun un tou néra i soo kumura. Zéi'kan uman i soo kumura, taan ni séra kasii é mahtawuruk a ngaran né tou walina, menembo-nembor am pahpaayangen né tou walina wo kasii mahnuwu' an zéi'kan wangun i nuwu'en.

1 Timutius 5:17

Sé penatua sé uli-ulit mahpaayang am papaayangen néra é léwo'zéi' makailek u sisigi'an u makazuamé, lumouspé' kasiimé é sé siga' i mahwoka' u Nuwu' ni Opo Empung wo i mahtuzu' sé jamaat.

1 Timutius 6:1

Péléng sé ata ma'éman si Kristus é léwo'zéi' i mahgenangla sa si tuangna ém wangun im pahsigi-sigi'en. Karia in téntu u ngaran ni Opo Empung wo an tutuzu' ulit am pahkiitenta én zéi'kan séro'an né tou zéi'kan ma'éman.

1 Petrus 3:7

Téntu kangkasii ni kamu in tuama makamahayo, ni kamu é léwo'zéi' i menou-nou karia im wangun wo si mahayo niou si esa wo si esa. Gena-genangen, ung ketez néra én zéi'kan masuat karia ung ketez niou. Pahsigi'ela séra pahpaan ni séra kasii nimakailek ung katou-touan u méitambéré ni Opo Empung. Pahwangunela niitu wo am pengaléien niou talingan ni Opo Empung.