Roma 13:10 - Taaz Weru Witu u Nunuwu'en Tombulu

¹⁰ U raraatéan én zéi'kan mahwangun a léwo'an wia si kasuat tou, pahpaan u raraatéan é masuat wo u mahwangun péléng un ukum Torat.

Roma 13:10 Iomraidhean Croise

Matius 7:12

Péléng ang kapaaz niou im wangunené né tou wia ni kamu, téntu kangkasii um wangunen nioula wia ni séra. Nianamo a méipantik witu un ukum Torat wo wana ang kitap am pinantik né nabi.”

Yohanes 13:34

Ni Aku é méhéma um perénta weru wia ni kamu: Mahraa-raatéanla si esa wo si esa, tanu ni Aku i rumaraaté ni kamu téntu kangkasii ni kamu é léwo'zéi' i mahraa-raatéan.

Roma 13:8

Tia' mahutang apa uman wia si séi uman. Taan ni kita é léwo'zéi' i mahraa-raatéan si esa wo sé walina, niitu én utang zéi'kan kawaéran. Pahpaan si tou rumaraaté sé tou walina, ni sia é nimangunola un ukum Torat.

Galatia 5:14

Pahpaan péléng un ukum Torat ém pinakasamo witu u Nuwu' ni Opo Empung kenu, “Iraraatéla si kasuat tou tanu ko rumaraaté un toumu in esa.”

Yakobus 2:8

Taan ni kamu é nimangunola u lé'os, sa kamu uli-ulit mahwangun un ukum ni Opo Empung un ipahpuu-puuna tanu u méipantik witu um Pinantik Lenas in téntii, “Iraraatéla si kasuatmu tou tanu ko i rumaraaté un toumu in esa.”