Roma 13:1 - Taaz Weru Witu u Nunuwu'en Tombulu

¹ Péléng sé tou é léwo'zéi' i mahtali-talingala wia sé pemerénta, pahpaan zéi'kan siapa pemerénta sé zéi'kan wia si Opo Empung a méyé wo péléng sé pemerénta én tinotoz ni Opo Empung.

Roma 13:1 Iomraidhean Croise

Matius 6:13

wo tia'mo ipahwali ni kai witu um pema'waan, taan ipiloté ni kai im wia si léwo'. [Pahpaan ni Komo si makaanu ung Kakolanoan, wo ung kawasa, wo ung kawangko'an makaz ing kauré-uré. Amin.]

Yohanes 19:11

Si Yesus nimingkotla, “Ni ko én zéi'kan siapa kawasa zozo' in esa wia ni Aku, sa ung kawasa itii zéi'kan méiwéhémé ni Opo Empung. Pahpaano niitu, si tou nimayo ni Aku wia ni ko, u singkéla'na é lumouspé'mé u singkéla'mu.”

Kisah Rasul-rasul 2:41

Sé tou niméhé genang witu u méikua ni Petrus é niméhéla un tou néra i sinarani. Im witu un endo itiikan, sé tou ma'éman wia si Yesus éng kinaawesan woo teluna riwu tou.

Roma 12:21

Ni kamu én tia'mo kinala a léwo'an, taan kalanola a léwo'an karia ung kalé'osan.

Roma 13:2

Niitumo, séi si mahsaru sé pemerénta, ni sia kangkasii é mahsaru an tinotoz ni Opo Empung, wo séi si mahwangun an téntu é mahalimé un ukuman wia ni sia.

Efesus 5:21

Irorosla un toumu wia si esa wo si esa pahpaan ni kamu mahsigi' si Kristus.

1 Timutius 2:2

Ipengaléi kasiila sé kolano wo péléng sé mahkawasa wana am wanua, wo kita toro menou-nou karia in ena' wo zéi'kan siapa u mahraung i mahtali-talinga wo mahsigi' si Opo Empung.

Titus 3:1

Titus, ipapagenangmula wia sé jamaat wo séra mahsigi-sigi' wia sé pemerénta wo sé mahkawasa. Ni séra kasii é léwo'zéi' i mahtali-talinga wo paaz i maayang péléng am papaayangen wangun.

Yudas 1:8

Téntu kangkasii sé tou mengingipi itii é mahkilamu' an awak néra wo meroros ung kawasa ni Opo Empung wo kasii mahséro' wia péléng sé pahloozen wo pahsigi'en witi kasendukan.

Wahyu 1:5

wo um wia si Yesus Kristus si toro pa'émanen i mahkua ang kata'uan-Na tumoro si Opo Empung. Ni Sia si kataré-taré méitoumé sumaup im wia sé nimaté. Wo ni Sia kasii si mahkawasa im wia sé kolano wia ung kaayahan kenu. Ni Sia é rumaraaté ni kita wo nimilot ni kita im wana a singkéla'ta karia un zaha'-Na,

Wahyu 17:14

Ni séra éng kumoro' sumaru si Anak ni Domba. Taan si Anak ni Domba éng kumala ni séra, pahpaan si Anak ni Domba itii én Tuang péléng né tuang, wo kasii Kolano péléng né kolano. Wo sé tou sé memali-mali karia ni Anak ni Domba itii kasii éng kumala ni séra. Sé tou itii é sé tinawah, sé pinéléng wo kasii sé zéi'kan mazéi' i ma'éman wia si Opo Empung.”

Wahyu 19:16

Witu ung karai tonton-Na wo witu um paa-Na ém pinantikan u ngaran, “Kolano péléng né kolano wo Tuang péléng né tuang.”