Roma 12:9 - Taaz Weru Witu u Nunuwu'en Tombulu

⁹ Sa rumaraaté sé tou walina, tia' mahtowo-towo uman. Ikazi'zisla a léwo'an wo tia' mazéi' mahwangun a lé'os.

Roma 12:9 Iomraidhean Croise

Matius 26:49

I ni séra nimawitumola, a si Yudas rengan nimangé wia si Yesus ang kumua, “U sigi'ku Méster!” A Sia siomennama.

Yohanes 12:6

Niitu méikuanama zéi'kan pahpaan ni sia mahwéhé genang wia sé tou zéi'kan siapa apa, taan pahpaan ni sia é maremu'. Ni sia sekezé é mahéndo an zoit méilé'os wia ni sia.

Kisah Rasul-rasul 11:23

I si Barnabas méikaayomola witu, an ilekennala kura si Opo Empung in timambér ung kamang wia ni séra, ni sia én totoz mahpaa-paaz. A séra sésaanala in zéi'kan toro mazéi' i ma'éman wia si Yesus Mahpiara.

2 Korintus 6:6

Ni kai nimangun niitu karia ung genang weresi wo ung katulapan, ung kaezenan wo u lé'os uman wia sé tou. Ni kai kasii é mahéré' uman wia si Roh Lenas wo uli-ulit rumaraaté.

2 Korintus 8:8

Ni aku i mahkuama niitu én zéi'kan mahperénta ni kamu, taan mahwa'wa' uman u raraatéan niou wia sé tou. Niitumo ni aku kimua wia ni kamu, kura sé tou walina i mahtututu' mahsawang sé tou.

1 Tesalonika 2:3

Ni kai i mahsésama én zéi'kan i mahlululu ni kamu, zéi'kan karia ang genang léwo' wo kasii zéi'kan in tumowo wia sé kasuat tou.

1 Tesalonika 5:15

Ile-ileken én taa wéwéhan sé tou mahwaér a léwo'an karia a léwo'an, taan mahtututu'la i mahwangun a lé'os si esa wo sé walina wo wia péléng sé tou.

1 Tesalonika 5:21

Péléng am péleng én totoz im pahtata'ula, wo pahkiitela am wangun.

1 Timutius 1:5

Ung kalakoan u sésésa itii, wo sé tou uli-ulit rumaraaté karia un até weresi, karia ung genang lé'os, wo uli-ulit ma'éman wia si Kristus.

Ibrani 1:9

Ni Ko én totoz paaz un zéi'kan mahsanaweka wo totoz mazi'zis u mahsanaweka; niitumo si Opo Empung, si Opo Empung-Mu é niméléng ni Ko wo niméhé wia ni Ko u sisigi'an u mahalimé a makapaazen, lumousé sé kakaria-Mu.”

Ibrani 12:14

Mahtututu'la i menou-nou mahlé'o-lé'osan karia péléng sé tou wo mahtututu'la i menou-nou karia un até zéi'kan siapa pahséro'an witu u sinaru ni Opo Empung, pahpaan sa zéi'kan menou-nou karia un até zéi'kan siapa pahséro'an, zéi'kan siapa zozo' in esa si mamilek si Opo Empung.

Yakobus 3:17

Taan ang katulapan am wia si Opo Empung a méyé, ung kataré-taré un até ém weresi, tumondongla niitu ém paaz i mahlé'o-lé'osan, roros até wo mahkii-kiit uman, mawuta-wuta raraaté wo mahwua'mé am wangun, zéi'kan mahsanaweka wo zéi'kan mahgau-gau lé'os.

1 Petrus 1:22

Pahpaan ung katou-touan niou é linenas nioula wia si Opo Empung karia i mahtali-talinga an tutuzu' ulit, taka-takazan ni kamu én uli-ulit rimaraatémola sé katuari niou. Niitumo pahaléiengku wia ni kamu in totoz uli-ulit i mahraa-raatéan.

1 Petrus 4:8

Taan un totoz ipahpuu-puuna én uli-ulit i mahraa-raatéan, pahpaan sa kita mahraa-raatéan, ni kita én zéi'mo megenang-genang a siningkéla' né tou.