Roma 12:6 - Taaz Weru Witu u Nunuwu'en Tombulu

⁶ Ni kita ém winéhan un tatambér ni Opo Empung nimahwali-walinaan. Un tatambér itii éng kamang tatambér-Na. Sa kita tinambéran un toro mahkua a méikuamé ni Opo Empung in esa, wangunenola niitu mengiit um pa'émanenta.

Roma 12:6 Iomraidhean Croise

Matius 23:34

Niitumo, ilekena! Ni Aku nimatumomé wia ni kamu sé nabi, sé tou lintas wo sé tou tulap un Torat. Sé woopira im wia ni séra ém wunu'en niou wo salipen niou, wo sé walina kasii é saluken niou wana am walé peraragésan niou in tou Yahudi wo pahkikiiten niou im witu um wanua tua'na esa makaz wana am wanua tua'na walina in zézéhan.

Matius 25:22

Tumondong niitu, a méyé si ata si nimakailek un zuana riwu zoit mas. Ang kuan ni ata itii wia si tuangna, ‘Tuang, un zuana riwu zoit mas méitarawésamé ni Tuang wia ni aku, ilekené, kinaawesanomé zuana riwu zoit mas.’

Lukas 11:49

Niitumo, totoz tulap si Opo Empung ing kimua, ‘Iatu-Ku sé nabi wo sé aatu-Ku i mangé wia sé tou Israel. Taan im wia sé nabi wo wia sé aatu-Ku, wéwéhan sé mazézéhan néra wo wéwéhan sé winunu' néra.’

Kisah Rasul-rasul 13:1

In toro niitu, im wia sé jamaat witi Antiokhia ém wéwéhan sé woopira nabi wo méster. Ni séra é si Barnabas, si Simeon pahkuan in Zemdem, si Lukius tou Kirene, si Menahem si rengané ing koki' ém piniara karia ni kolano Herodes, wo kasii si Saulus.

Kisah Rasul-rasul 15:32

Lakez a méikua ni Yudas wo ni Silas u nimangun sé katuari esa pa'émanen mahpaa-paaz wo nimenté' un até néra. Ni séra zua kangkasii é nabi.

Kisah Rasul-rasul 2:17

‘Wana an endo kamurian, si Roh-Ku én iwéhé-Ku wia péléng sé tou. Wo sé oki' niou sé tuama wo wéwéné é mapata'u wia sé tou a méikua-Ku wia ni séra. Sé tarétumou wo sé raraha niou ém wéwéhan un ipapailek ni Opo Empung, wo sé tu'a ém wéhan ni Opo Empung un ipi.

Kisah Rasul-rasul 21:9

Si Filipus ém wéwéhan sé raraha epat. Sé rarahana itii én tinambéran ni Opo Empung i mahkua a méikua-Namé.

Roma 1:11

Pahpaan ni aku én totoz lumelo i mahilekan karia niou wo kamu toro wéténgangku un tatambér ni Roh ni Opo Empung um wiamo ni aku, wo um pa'émanen niou éng kaenté'na.

Roma 12:3

Ung kamang tatambér ni Opo Empung é méiwéhémomé wia ni aku. Niitumo ni aku sumésama wia ni kamu: Ni kamu én tia'mo megena-genang lumousé séi un ulitna ni kamu, taan tawimo ni kamu gumenangola lumé'o-lé'os mengiit um pa'émanen niou tanu a méitambér-Namo wia ni kamu si esa wo si esa.

1 Korintus 12:18

Taan si Opo Empung é niméhémo un tampa wia si esa wo si esa witu un awak mengiit um paaz-Na.

1 Korintus 13:2

Wo kasii zozo' ni aku tinambéran u makawawa i mahkua wia sé tou a méikuamé ni Opo Empung wia ni aku, wo zozo' ni aku makawawa i makatulap péléng ang ginenang-Na un zéi'kampé' kata'uan né tou walina. Zozo' ni aku i mata'u péléng am péléng wo zozo' um pa'émanengku én enté' makaz ung kentur én toro iatuku mérama im witu, taan sa ni aku zéi'kan rumaraaté sé tou walina, ni aku én zéi'kan siapa torona.

1 Korintus 14:1

Mahtututu'la i rumaraaté sé tou walina wo mahtututu'la i makailek an tatambér ni Roh Lenas. Un totoz ipahpuu-puuna im pahtututu'en niou én tatambér makawawa i mahkua wia sé tou a méikuamé ni Opo Empung wia ni kamu.

1 Korintus 14:24

Taan sa kamu mahkua wia sé tou a méikuamé ni Opo Empung wia ni kamu, a méyé si tou zéi'kan ma'éman kaapa si tou zéi'kan méikauntep wia sé jamaat, a si tou itii tumalinga péléng an ipahkua niou, an ipahkua niou itii é mangun ni sia mata'u i ni sia é mahwangun a singkéla' wo an ipahkua niou itii é mangun ni sia mata'u i ni sia é léwo'zéi' in ukumen.

1 Korintus 14:29

Téntu kasii sé tou mahwoka' a méikuamé ni Opo Empung. Tawimo im wia ni séra, sé zua kaapa telu tou sé mahkua wia sé tou a méikuamé ni Opo Empung wia ni séra wo pahtata'un né walina an ipahkua itii, ulit kaapa zéi'kan.

1 Korintus 3:5

Séi wé si Apolos? Séi wé si Paulus? Ni kai é méiatu uman ni Opo Empung i sumawang ni kamu wo toro ma'éman wia si Kristus. Ni kai é maayang uman a méiatu ni Opo Empung wia si esa wo si esa.

1 Korintus 7:7

Kapaazku péléng sé tou é masarla ni aku in zéi'kan kimawéng, taan zéi'kan péléng sé tou én tinambéran in zéi'kan kumawéng. Pahpaan wia si esa wo si esa ém wéwéhan u méitambér ni Opo Empung. Wia si esa tinambéran ang kenu, wia sé walina én tinambéran ang kenuma.

2 Korintus 8:12

Pahpaan sa kamu paaz mahwéhé wo mahwéhé mengiit ung kawawaan niou, si Mahpiara ém paaz i sumungkul a méiwéhé niou. Ni Sia én zéi'kan kawisa mahaléi wia ni kamu i mahwéhé un zéi'kan siapa im wia ni kamu.

Efesus 3:5

un im puuna én zéi'kan méipahkua-kuala wia sé tou taan in tarékan é méikuamo ni Roh ni Opo Empung wia sé aatu wo wia sé nabi-Na, sé linenas ni Opo Empung.

Efesus 4:11

Ni Siamo si timambér wia sé tou i makawawa maéndo aatu-Na, maéndo nabi, wéwéhan sé maéndo mahwoka' u Nuwu' Lé'os, sé maéndo tonaas i mahahkit wo mahtuzu' sé jamaat.

Filipi 3:15

Niitumo, ni kita sé lutu'mo um pa'émanen wia si Yesus é léwo'zéi' i mahgenangla un téntu. Taan sa wéwéhan sé gimenang walina, si Opo Empung é sumawang ni kamu i mata'u niana.

1 Tesalonika 5:20

Tia' iperoros niou a méikua ni Opo Empung mengiité sé nabi.

2 Petrus 1:20

An totoz ipahpuu-puuna ing kata'uan nioula é: A méipahkuamé ni Opo Empung wia sé nabi, u méipantik witu um Pinantik Lenas én zéi'kan toro pahtata'un mengiit uman ung ginenang in esa.