Roma 12:3 - Taaz Weru Witu u Nunuwu'en Tombulu

³ Ung kamang tatambér ni Opo Empung é méiwéhémomé wia ni aku. Niitumo ni aku sumésama wia ni kamu: Ni kamu én tia'mo megena-genang lumousé séi un ulitna ni kamu, taan tawimo ni kamu gumenangola lumé'o-lé'os mengiit um pa'émanen niou tanu a méitambér-Namo wia ni kamu si esa wo si esa.

Roma 12:3 Iomraidhean Croise

Lukas 18:11

Si tou Farisi itii rumendaié wo mengaléi: ‘O Opo Empung, ni aku éng kumuama u makasé wia ni Ko, pahpaan ni aku én zéi'kan tanu sé tou walina, zéi'kan angkum, zéi'kan tantowo, zéi'kan mahsamek wo ni aku én zéi'kan masuat wo si menanagi am pajak kenu;

Yohanes 3:34

Séi si méiatumé ni Opo Empung, ni Siamo si mahwoka' u nuwu' ni Opo Empung, pahpaan si Opo Empung é niméhémé wia ni Sia si Roh-Na karia in zéi'kan siapa akazna.

Roma 1:5

Mengiité ni Sia, ni aku nimakailek ung kamang tatambér i maéndo aatu ni Opo Empung wo ni aku toro mahkit sé tahsasana wanua wo séra ma'éman wo mahtali-talinga si Yesus Kristus.

Roma 11:20

Niitu én ulit téntu! Taan gena-genangen ang kenu, ni séra sé tanumokan um panga itii éng kinetora pahpaan ni séra én zéi'kan ma'éman, taan ni kamu in tou zéi'kan Yahudi toro nimaesa karia ung kai itii pahpaan i ma'éman. Niitumo, ni kamu én tia' mahlooz un tou niou, taan tawimo ni kamu i maindé'la.

Roma 11:25

Katuari-katuari, tia' kamu mahgenangla i ni kamu é mata'umo péléng am péléng. Kapaazku ni kamu é mata'uma un ipahwuni-wunipé' kenu: lakez im wia sé tou Israel én tampezéi' taan niitu é mamuali uman akaz sé tou zéi'kan Yahudi sé ma'éman si Opo Empung lekepo.

Roma 12:16

Menou-noula i ma'esaan witu ung katou-touan niou. Tia' loozan, taan pasuatela un toumu karia né tou ipahwawa-wawa'. Tia' mahgenangla un toumu én tulapo.

1 Korintus 15:10

Taan si Opo Empung timambéré ung kamang wia ni aku makaz ni aku in tarékan é niéndo aatu ni Yesus, makaz ung kamang méitambér-Na wia ni aku ém wéwéhan torona. Lumouspé'mé niitu, im wia sé aatu-Na, ni aku si totoz nima'ulit i mahpaayang taan sé aatu walina. Taan am pinaayangku itii, zéi'kan pahpaan ung ketezku in esa, taan pahpaan ung kamang méitambér ni Opo Empung wia ni aku makaz ni aku makawawa i maayang am paayangen itii.

1 Korintus 3:10

Si Opo Empung én timambéré ung kamang wia ni aku makaz ni aku si nimaéndo tanu tonaas né mahpaayang in zimeta' um watu to'tolan um walé. Sé tou walinamokan sé mangun um walé witu um wawo um watu to'tolan méizeta'ku itii. Taan sé tou mahrendai um walé witu un to'tolan itii én totoz mile-ilek i mahpaayang.

1 Korintus 7:17

Tumondong niitu, si esa wo si esa é mimekla ung katou-touanna mengiit un tinotozo ni Mahpiara i ni sia taré tawahela ni Opo Empung a ma'éman. Niitu én tinotozku wia péléng sé jamaat.

2 Korintus 10:13

Ni kai én zéi'kan téntu. Ni kai i mahlooz zéi'kan lumousé un toro ipahloo-looz nai, um pahloozen nai én akaz uman um pinaayang nai wana an tampa méitotoz ni Opo Empung im paayangen nai. Ni kamu kangkasii é méikauntep wana an tampa méitotoz wia ni kai.

2 Korintus 12:13

Um pakahpaayangku im wia ni kamu wo sé woopira jamaat walina é masuat uman. Un zéi'kan masuat én akaz uman: ni aku én zéi'kan kawisa nimaéndo pengalin im wia ni kamu i mahwuwutul am pemandungengku. Sa ni aku i mangun niitu ém pahgenangen nioula i simala', ampungané ni aku.

2 Korintus 12:7

Taan wo ni aku zéi'kan maloozan pahpaan an zéi'kan kakuaan a méipapata'u ni Opo Empung wia ni aku, ni aku é nimakailek u saki. U saki itii nimangun ni aku in totoz zézéha, niitu én tanu u susulah witu un touku méiwéhémé ni tonaas né sétang wia ni aku wo ni aku zéi'kan maloozan.

Galatia 6:3

Pahpaan sa si tou mahgenangla i ni sia é lumousé sé tou walina, taan ndéén zéi'kan, ni sia é mahtowomo witu un touna in esa.

Efesus 3:2

Tantumo ni kamu én timalingamo um paayangen méiwéhé ni Opo Empung wia ni aku in tumulung ni kamu mapata'u tumoro ung kamang méitambér ni Opo Empung.

Efesus 3:4

Um pinantik kenu im baca nioua én toro kata'uan niou ung kinatulapangkumola u méikawunipé' tumoro si Kristus,

Efesus 4:16

Sé jamaat én tanu un awak, ni Siamo si nimimek un awak akaz nimatu'tul wangun, wo un esa wo un esa ém pinasondol karia am wuku. Wo un esa wo un esa wéténgna un awak mahpaayang wangun mengiit um paayangenna, péléng un awak é matua'na wo malutu' wo maenté' pahpaan i mahraa-raatéan tanu ni kita in jamaat maenté' pahpaan i mahraa-raatéan.

Filipi 2:13

Si Opo Empung si mahpaayang witu un até niou i mangun ni kamu ing kumiit wo maayang ang kapaaz-Na.

Kolose 1:29

Niitumo um pahtututu'engku wo pa'ulitengku im paayangen karia péléng ung ketez u méiwéhémé mengiité ung kawasa ni Kristus u ma'ulit mahpaayang witu un touku.

Kolose 2:13

Ni kamu kangkasii, im puuna in zéi'kampé' ma'éman én tanu nimatémo pahpaan a siningkéla' wo pahpaan zéi'kan sinunat witu un awak, taan in tarékan ni kamu é méitoumomé sumaup ni Opo Empung karia ni Kristus, kumawusa si Opo Empung i niméhéla ampungan wana a singkéla'ta,

1 Timutius 1:14

Taan lumouspé'mé niitu, ung kamang méitambéré ni Mahpiarata wia ni aku én totozo lakez, makaz ni aku ma'éman wia ni Sia wo rumaraaté sé kasuat tou pahpaan nimaesamo karia ni Kristus Yesus.

1 Timutius 2:15

Taan zozo' in téntu, si wéwéné én ipilot im witu un ukuman wana a singkéla' pahpaan in timoumé si koki', asal uman sia zéi'kan mazéi' i ma'éman wia si Kristus, rumaraaté si kasuat tou, ung katou-touanna é linenas ni Opo Empung wo ung katou-touan un zéi'kan tahlouso.

1 Timutius 2:9

Téntu kangkasii sé wéwéné. Kapaazku ni séra éng kimarai am wangun ing karaien, zéi'kan kaizangnokané wo zéi'kan tahlouso. Um wuuk néra én zéi'kan niayam, zéi'kan nimaké a mas kaapa mutiara, kaapa kimarai ang karai mahal.

Titus 2:12

Ni Sia é mahtuzu' ni kita wo kita zéi'mo menou-nou i mahsaru ni Sia wo zéi'mo mahkiit a lelo léwo' né tou wia ung kaayahan wo menou-nou karia in tulap, zéi'kan mahsanaweka wo mahkiit uman um paaz-Na im wia ung kaayahan in tarékan.

Titus 2:2

Sésaala sé tuama tu'amo wo séra mahime-imek un tou néra, pahsigi'en né tou, tulap, zéi'kan mazéi' i ma'éman, zéi'kan mazéi' rumaraaté si kasuat tou wo ezen witu un zézéha.

Titus 2:4

wo séra toro mahtuzu' sé wéwéné tuari néramé i rumaraaté si mahayo wo sé oki' néra,

Titus 2:6

Téntu kangkasii sé tarétumou, pahsésaala séra, wo séra makaezen a lelo néra im wana am péléng

Yakobus 4:6

Taan ung kamang méitambér-Napé' um wangko' taan niana péléng. Niitumo, witu um Pinantik Lenas é méipantik in téntii, “Si Opo Empung é makahkoro' wo sé tou loozan, taan rumaraaté sé tou roros até.”

1 Petrus 1:13

Niitumo, imekela ung genang niou i maayang am wangun, tuméga-tégam wo mahéré' uman witu ung kamang tatambér ni Opo Empung un iwéhé-Na wia ni kamu witu un oras si Yesus Kristus i mawurimé sumaup.

1 Petrus 4:11

Sa wéwéhan tou tinambéran i mahkua u Nuwu' ni Opo Empung wia sé tou, ni sia é léwo'zéi' mahnuwu' mahkiit u Nuwu'-Na. Wo sa wéwéhan si tinambéran i sumawang sé kasuat tou, pahwangunennala niitu karia ung ketez méiwéhémé ni Opo Empung wia ni sia. Niitumo, wangunen nioula lumé'o-lé'os an tatambér itii wo sé tou lumooz wo sumigi' si Opo Empung. Karia in téntu si Opo Empung é loozen wo sigi'en wana péléng am péléng mengiité si Yesus Kristus. Ni Siamo si mahkawasa wo wangun i sigi'en wo loozen makaz ing kauré-uré. Amin.

1 Petrus 4:7

Ung kaakazan ung kaayahan é lelezokan. Niitumo, pahimikela ung katou-touan niou wo tuméga-tégam, wo kamu toro uli-ulit i mengaléi.

1 Petrus 5:5

Téntu kangkasii ni kamu im weru tou é léwo'zéi' i mahtali-talingala wia sé tu'a. Wo ni kamu péléng, irorosla un tou niou si esa wo si esa, pahpaan im witu um Pinantik Lenas é méipantik in téntii, “Si Opo Empung é makahkoro' wo sé tou wera', taan sé tou roros até én tambéran-Na ung kamang.”

1 Petrus 5:8

Ni kamu é léwo'zéi' i mile-ilek wo tuméga-tégam! Pahpaan si tonaas né sétang si kakoro' niou itii é melili-liklik menéro tou ing kalan, masuat wo si singa melili-liklik i menéro tou in tongko'en.

3 Yohanes 1:9

Wéwéhano u méipantikkuma wo méiwéhéma wia sé jamaat, taan si Diotrefes si paaz maéndo tonaas néra é soo mahtalinga ni aku.