Roma 12:16 - Taaz Weru Witu u Nunuwu'en Tombulu

¹⁶ Menou-noula i ma'esaan witu ung katou-touan niou. Tia' loozan, taan pasuatela un toumu karia né tou ipahwawa-wawa'. Tia' mahgenangla un toumu én tulapo.

Roma 12:16 Iomraidhean Croise

Matius 11:5

sé letok én toromo mahilek, sé lailai én toromo mahlampang, sé tinoro ung kusta é lé'oso, sé lunteng é mahtalingamo, sé nimatémo é méitoumomé sumaup wo sé tou zéi'kan siapa apa én timalingamo u Nuwu' Lé'os um wia si Opo Empung a méyé.

Matius 26:11

Pahpaan sé tou zéi'kan siapa apa sekezé ém witu u liklik niou, taan ni Aku zéi'kan sekezé é memali-mali karia niou.

Lukas 14:13

Niitumo, sa ko mangun pésta, sé tou makuanumé i mékuman mahwali-wali kariamu é: sé tou zéi'kan siapa apa, sé tou pokol, sé tou lailai wo sé tou letok.

Lukas 6:20

A si Yesus mileka wia sé pahtuzu'en-Na ang kumua, “Mahpaa-paazola, é ni kamu sé tou zéi'kan siapa apa, pahpaan ni kamumo sé makaanu ung Kakolanoan ni Opo Empung.

Kisah Rasul-rasul 4:32

Péléng sé tou ma'éman én esa genang wo nimaesaan, wo zéi'kan siapa zozo' in esa si mahkua im péléng an anuna én anuna in esa, taan péléng an anuna én anu néra péléng.

Roma 11:20

Niitu én ulit téntu! Taan gena-genangen ang kenu, ni séra sé tanumokan um panga itii éng kinetora pahpaan ni séra én zéi'kan ma'éman, taan ni kamu in tou zéi'kan Yahudi toro nimaesa karia ung kai itii pahpaan i ma'éman. Niitumo, ni kamu én tia' mahlooz un tou niou, taan tawimo ni kamu i maindé'la.

Roma 11:25

Katuari-katuari, tia' kamu mahgenangla i ni kamu é mata'umo péléng am péléng. Kapaazku ni kamu é mata'uma un ipahwuni-wunipé' kenu: lakez im wia sé tou Israel én tampezéi' taan niitu é mamuali uman akaz sé tou zéi'kan Yahudi sé ma'éman si Opo Empung lekepo.

Roma 12:3

Ung kamang tatambér ni Opo Empung é méiwéhémomé wia ni aku. Niitumo ni aku sumésama wia ni kamu: Ni kamu én tia'mo megena-genang lumousé séi un ulitna ni kamu, taan tawimo ni kamu gumenangola lumé'o-lé'os mengiit um pa'émanen niou tanu a méitambér-Namo wia ni kamu si esa wo si esa.

Roma 15:5

Mengalé-ngaléi uman si Opo Empung si mahwéhémé ang kaezenan wo a mahenté' un até kangkasii é méhémé un esa genang wia ni kamu, tanu ung kapaaz ni Kristus Yesus,

Roma 6:2

Zéi'kan! A singkéla' én zéi'mo kimawasa wia ni kita, kaa kahuman kita memua-mualipé' a singkéla'?

1 Korintus 1:10

Katuari-katuari! Pahpaan ni aku nimaesa karia ni Yesus Kristus si Mahpiarata, ni aku sumésama wia ni kamu, wo ni kamu én esa nuwu', tia'mo mahéndo-éndoan taan maesaanola wo esa genang.

1 Korintus 3:18

Tia' wo wéwéhan si tou mahtowo witu un touna in esa. Sa wéwéhan si tou mahkua un touna én tulap mengiit am wia ung kaayahan kenu, ni sia é maéndopé'la lemou wo taré sia toro uli-ulit matulap.

1 Korintus 4:10

Ni kai ém pahkuan né tou i lemou pahpaan ni kai é ma'éman wia si Kristus, taan ni kamu é mahgenangla in tou totoz tulap pahpaan i ma'éman wia si Kristus. Ni kai én zéi'kan enté', taan ni kamu én enté'. Ni kai én ipahwawa-wawa', taan ni kamu ém pahsigi'en né tou.

1 Korintus 6:5

Ang kenu én ikuakuma wia ni kamu i mapaiza-izang ni kamu, ‘Zéi'kan siapa tou tulap wé im wia ni kamu, si toro tumotoz am pahéndo-éndoan né tou ma'éman wia si Opo Empung?’

1 Korintus 8:2

Sa wéwéhan tou mahgenangla ni sia ém wéwéhano un totoz kata'uan, un ulitna ni sia én zéi'kampé' tahlous mata'u.

2 Korintus 13:11

Ung kamurian, katuari-katuari, ni kamu mahpaa-paazla, mahtututu'la wo péléng am pemangu-mangunen niou malekep. Pahwéhanla genang péléng a méisésaku wia ni kamu. Ni kamu én esa genang wo péléng mahlé'o-lé'osan. Si Opo Empung si mahtambéré ung kamang wo ung kaluasan witu un até é menaté-natér ni kamu.

Filipi 1:27

Un totoz ipahpuu-puuna in tarékan, pahpaan ni kamu é ma'émano wia si Kristus, ung katou-touan niou é léwo'zéi' i masuat karia an tutuzu' ni Kristus mengiit u Nuwu' Lé'os tumoro ni Sia. Karia in téntu sa aku mangémé, ni aku én toro mileké, kaapa sa aku zéi'kan mangémé wia ni kamu, ni aku én tumalinga i ni kamu én esa genang, nimaesaan i mahtututu' mahwoka' u Nuwu' Lé'os tumoro si Kristus, enté' um pa'émanen, wo ni kamu mahwali-wali i mahtututu' mahwoka' u Nuwu' Lé'os tumoro si Yesus Kristus wia sé tou wo séra toro ma'éman.

Filipi 3:16

Un totoz ipahpuu-puuna, ung katou-touanta é mahkiitla an tutuzu' ulit mémoituzu' ni Opo Empung makaz in tarékan.

Filipi 4:2

Ni aku é sumésama wia si Euodia wo si Sintikhe. Pahaléiengku wo ni kamu zua én esa genang wo malé'osala sumaup in tou ma'éman.

Ibrani 13:5

Tia' megena-genang uman an zoit wo mahpaa-paazola karia un apa uman um wiamo ni kamu. Pahpaan si Opo Empung éng kimua téntii, “Ni ko én zéi'kan iwaya-Ku wo ni ko én zéi'kan kawisa itula'u-Ku.”

1 Petrus 3:8

Ing kamurian, kapaazku ni kamu én esa genang, mahgena-genangan, rumaraaté sé tou esa pa'émanen, meripu' umané i rumaraaté wo zéi'kan wera'.

1 Petrus 5:3

Tia' wo ni kamu mahpeperénta uman wia sé tou ma'éman sé méitarawésama ni Opo Empung wia ni kamu, taan ni kamu é maéndola kékéréan wangun wia ni séra.

3 Yohanes 1:9

Wéwéhano u méipantikkuma wo méiwéhéma wia sé jamaat, taan si Diotrefes si paaz maéndo tonaas néra é soo mahtalinga ni aku.