Roma 12:13 - Taaz Weru Witu u Nunuwu'en Tombulu

¹³ Sawangala am pemandungen né tou sé linenas ni Opo Empung wo sungkulela karia u mahpaa-paaz sé tou mento' witu um walému.

Roma 12:13 Iomraidhean Croise

Matius 25:35

Pahpaan i ni Aku maharem, ni Aku ém winéhan niou kakanen, i ni Aku maré'o, ni Aku winéhan niou elepen. I ni Aku limepuh umané, ni Aku sinungkul niou witi walé niou.

Kisah Rasul-rasul 10:4

A si Kornelius merena wia si malaekat itii wo karia in totoz maindé' sia kumuama, “Apa wé, Tuang?” A mingkoté si malaekat itii wia ni sia, “Am pengaléiennu wo a méipahwéhému é sinungkuloma ni Opo Empung, wo ni Sia é megenang ni ko.

Kisah Rasul-rasul 4:35

an iwéhéla wia sé aatu ni Yesus. Wo péléng an zoit itii é méipeméténgla né aatu ni Yesus wia si esa wo si esa mengiit am pemandungen néra.

Roma 12:8

Sa un tatambér ni Opo Empung é mahenté' un até, wangunenola niitu in uli-ulit mahenté' un até né tou walina. Sa un tatambér ni Opo Empung é mahwéhé wia sé tou walina, wangunenola niitu karia i mahpaa-paaz. Sa un tatambér ni Opo Empung é maéndo tonaas, uli-ulit wangunela niitu. Sa un tatambér ni Opo Empung é rumaraaté sé tou walina, wangunela niitu karia i mahpaa-paaz.

1 Korintus 16:15

Katuari-katuari, si Stefanus éng kata'uan niouo. Im witi Akhaya, ni sia wo sé sana awuna sé kataré-taré timula'ula a singkéla' néra, a séra ma'éman wia si Yesus. Ni séra é niméhémo un tou néra i mahsawang sé tou ni Opo Empung. Pahaléiengku wia ni kamu,

2 Korintus 9:1

Zéi'mo ipantikkuma wia ni kamu tumoro un isawang sé tou linenas ni Opo Empung witi Yudea.

2 Korintus 9:12

Pahpaan a sasawang niou in isawang sé tou ni Opo Empung sé zéi'kan siapa apa witi Yudea, zéi'kan uman i mahwuwutul am pemandungen néra, taan niitu kangkasii é mangun lakez sé tou mahkua u makasé wia si Opo Empung.

Galatia 6:10

Niitumo, im wéwéhampé' un oras wia ni kita, méyémo kita mangun a lé'os wia péléng sé tou, sé ipahpuu-puuna é sé katuarita esa pa'émanen.

1 Timutius 3:2

Niitumo, si tonaas né jamaat é léwo'zéi' in téntii: zéi'kan penuwu-nuwu'en né tou, makamahayo uman si esa, mata'u mahime-imek un touna, tulap, mahsigi' sé tou, paaz mahsungkul sé tou méyéma witi waléna, tulap i mahtuzu' sé tou,

1 Timutius 5:10

Wo kasii kata'uan né tou i ni sia é mahwangun a lé'os wia sé tou tanu ang kenu: sé oki'na ém piniaranamé lé'os, paaz mahsungkul si tou mento' witi waléna, mahwo'as un a'é né katuari esa pa'émanen, mahsawang sé tou witu ung kasusaan wo uli-ulit zéi'kan mazéi' i mahwangun péléng am wangun.

Titus 1:8

taan paaz sumungkul sé tou i mento' witi waléna, paaz péléng am wangun wo lé'os, tulap, zéi'kan mahsanaweka, mahkiit um paaz ni Opo Empung, makaezen wana a lelo,

Titus 3:14

Wo sé touta kangkasii é léwo'zéi' mahtata'ula i mahpaayang am paayangen wangun i mahwuwutul am pemandungen néra i mendo-endo, wo ung katou-touan néra ém wéwéhan un torona.

Filemon 1:7

Filemon katuariku, u raraatéannu é nimangun ni aku mahpaa-paaz wo nimenté' un atéku pahpaan un até né tou ni Opo Empung ém winangunmumola mahpaa-paaz.

Ibrani 13:16

Tia' kamu maliuz i mangun a lé'os wo mahsawangla wia sé léwo'zéi' i sawangan, pahpaan am wangun pahlé'osenta wo a sasawangta wia sé tou é raragésta wia si Opo Empung. Si Opo Empung én totoz paaz a raragés tanu niitu.

Ibrani 13:2

Tia'mo mahzua-zua genang i sumungkul sé tou mangémé witi walé niou. Pahpaan karia i nimangun un téntu, wéwéhan sé woopira tou, zéi'kan kata'uan néra i ni séra é simungkulola sé malaekat witi walé néra.

Ibrani 6:10

Pahpaan si Opo Empung én zéi'kan mahsanaweka, niitumo ni Sia én zéi'kan maliuz am pahpaayangen niou wo u raraatéan niou wia ni Sia u méipapailek niou karia i mahsawang sé tou-Na. Niitu ém pinahwangun niouomé rengané im puuna makaz in tarékan.

1 Petrus 4:9

Pahsungkulela si tou mangémé witi walé niou karia in zéi'kan mema'o-ma'os.

1 Yohanes 3:17

Sa wéwéhan si tou wa'ilan wo milekla sé katuarina esa pa'émanen zéi'kan siapa apa taan ni sia é soo sumawang sé katuarina itii, kura kahuman ni sia mahkua i rumaraaté si Opo Empung?

3 Yohanes 1:5

Katuari ikararaatéku, im wana péléng am pahwangunennu wia sé katuari esa pa'émanen, ni ko é nimahwangunola tanu am pahwangunen né tou ma'éman, zozo' ni séra én tou limepuh umané.