Roma 12:11 - Taaz Weru Witu u Nunuwu'en Tombulu

¹¹ Ma'ulitla i mahpaayang. Ni kamu én tia'mo soo i mahtututu'. Maayangla wia si Mahpiara karia ung kaenté'an u méiwéhémé ni Roh ni Opo Empung si mahkawasa.

Roma 12:11 Iomraidhean Croise

Matius 24:12

Pahpaan kalakeznamo a léwo'an, taka-takazan u raraatéan wia sé tou éng kaina'namo.

Matius 25:26

Ang kuan ni tuangna wia ni sia, ‘Ni ko én ata léwo' wo soo mawendu. Kata'uannumo ndéén sa ni aku é mahupu' wana an zéi'kan méikerozku wo mengéngéndo wana an zéi'kan méitanemku.

Kisah Rasul-rasul 18:25

Ni sia én tinuzu'mo tumoro si Yesus Mahpiara. Ni sia ém wuaya i mahnuwu' wo totoz mahterang i mahtuzu' tumoro si Yesus. Taan zozo'pé' in téntu, ung kata'uanna én akaz uman u sarani ni Yohanes Menanarani.

Kisah Rasul-rasul 20:19

Karia i roros até ni aku mahpaayang wia si Mahpiara. Ni aku i mahpaayang wia ni Sia, makalakez ém pahlué'an wo kasii makalakez nimasungkulan karia am pema'wa'en wo am pahmualin né tou Yahudi i mahwuwunu' ni aku.

1 Korintus 7:22

Pahpaan, si ata si tinawahmo ni Mahpiara, ni sia é mémoipiloté ni Mahpiara. Taan si zéi'mo ata an tawahela ni Kristus, ni sia én atamo ni Kristus.

Efesus 4:28

Si maremu', tia'mo sia meremu-remu'pé', taan tawimo sia ma'ulitla i mahpaayang wo mahpaayang uman am wangun wo sia toro sumawang sé tou zéi'kan wutul am pemandungen néra.

Kolose 4:1

É kamu in tuang, mapailekla an ulit wo tia' mahtémbo-témbo wia sé ata niou. Gena-genangen, ni kamu in tuang kangkasii ém wéwéhan si tuang im witi kasendukan.

1 Timutius 5:13

Wo kasii pahpaan séra i menero-neroi uman wana am walé né tou, ni séra nimangun un tou néra i soo kumura. Zéi'kan uman i soo kumura, taan ni séra kasii é mahtawuruk a ngaran né tou walina, menembo-nembor am pahpaayangen né tou walina wo kasii mahnuwu' an zéi'kan wangun i nuwu'en.

Ibrani 12:28

Niitumo, pahpaan ni kita é nimaéndomo tou ni Opo Empung witi Kakolanoan-Na un zéi'kan mamuali in iéhzo', méyémo kita mapaayo u makasé wo rumagés wia si Opo Empung u mahwangun ni Sia mahpaa-paaz. Ni kita i mahragés wia ni Sia éng karia i mahsigi' wo maindé' ni Sia.

Yakobus 5:16

Pahpaano niitu, si esa wo si esa é léwo'zéi' i makaulitla a singkéla'na wo pahpengaléila si esa im wia sé walina, wo kamu malé'os. Um pengaléien né tou ulit én totoz wangko' ung kawasana wo wéwéhan wua'na.

1 Petrus 1:22

Pahpaan ung katou-touan niou é linenas nioula wia si Opo Empung karia i mahtali-talinga an tutuzu' ulit, taka-takazan ni kamu én uli-ulit rimaraatémola sé katuari niou. Niitumo pahaléiengku wia ni kamu in totoz uli-ulit i mahraa-raatéan.

1 Petrus 4:8

Taan un totoz ipahpuu-puuna én uli-ulit i mahraa-raatéan, pahpaan sa kita mahraa-raatéan, ni kita én zéi'mo megenang-genang a siningkéla' né tou.

Wahyu 2:4

Taan zozo' in téntu, wéwéhan ung kasoo-Ku wia ni kamu. Pahpaan, u raraatéan niou én zéi'mo tanu u raraatéan niou im puuna in taré ma'émanla wia ni Aku.