Roma 11:7 - Taaz Weru Witu u Nunuwu'en Tombulu

⁷ Niitumo, kura? Sé tou Israel én zéi'kan nimakailek am penéro-néron néra. Sé nimakailek am penéro-néron néra én toyo' uman, ni séra é sé pinéléng ni Opo Empung. Sé walina sé soo wia ni Sia ém winangun-Na un até néra nimaketéh.

Roma 11:7 Iomraidhean Croise

Markus 6:52

pahpaan zozo' ni séra é nimilekola u makakompo'en winangun ni Yesus tumoro u roti, taan ni séra én zéi'kampé' makatulap pahpaan ung kaketéhan un até néra.

Lukas 13:24

Am wingkotela ni Yesus, “Mahtututu'la i muntep kumiit um pepenet pesut itii! Pahpaan ikua-Kuma wia ni kamu, lakez sé tou mahuuntep kumiit um pepenet itii taan sé zéi'kan ikauntep.

Yohanes 12:40

“Ni Sia é nimanguno um weren néra nimaletok wo un até néra nimaketéh, wo zozo' ni séra wéwéhan weren taan ni séra én zéi'kan makailek wo ung genang néra én zéi'kan makatulap, a séra méyé wia ni Aku wo séra lé'oseng-Ku.”

Roma 10:3

Ni séra én zéi'kan makatulap kura si Opo Empung i méndo ulit sé tou. Wo ni séra é mahtututu' menéro u lalan néra in esa i maéndo ulit witu u sinaru-Na. Niitumo ni séra é soo ing kumiit u lalan kura si Opo Empung i méndo ulit sé tou.

Roma 11:25

Katuari-katuari, tia' kamu mahgenangla i ni kamu é mata'umo péléng am péléng. Kapaazku ni kamu é mata'uma un ipahwuni-wunipé' kenu: lakez im wia sé tou Israel én tampezéi' taan niitu é mamuali uman akaz sé tou zéi'kan Yahudi sé ma'éman si Opo Empung lekepo.

Roma 11:5

Téntu kangkasii in tarékan, toyo' uman sé tou Israel sé pinéléng ni Opo Empung pahpaan ung kamang tatambér-Na.

Roma 3:9

Niitumo, apa ni kita in tou Yahudi é lumé'ospé'mé sé tou zéi'kan Yahudi? Zéi'kan! Pahpaan ing kataré é méikuatamoma im péléng sé tou Yahudi wo péléng sé tou zéi'kan Yahudi éng kinawasa a singkéla'.

Roma 6:15

Kura in tarékan? Toro wé kita mahsingkéla' pahpaan in zéi'mo pahata-atan un ukum Torat taan ung katou-touanta ém witumo ung kamang tatambér ni Opo Empung? Zéi'kan téntu!

Roma 9:18

Niitumo, si Opo Empung é mapailek u raraatéan-Na wia si tou sa niitu ung kapaaz-Na, wo ni Sia é mangun si tou makawal sa niitu ung kapaaz-Na.

Roma 9:23

Si Opo Empung kangkasii éng gimenang i mapailek ung kawangko'an-Na u malake-lakez, un iwéhé-Na wia ni kita sé kararaaté-Na. Ni kitamo sé méisanapa'-Na i makailek ung kawangko'an-Na.

1 Korintus 10:19

Ni aku ing kimuama téntu zéi'kan i mahkukuama sé opo-opo wo a méiragés wia sé opo-opo ém wéwéhan torona. Zéi'kan!

2 Korintus 3:14

Taan sé tou Israel im puuna, um pakahgena-genang néra éng kinaapé'ampé', niitu é masuat wo un ulu néra én tanu niapé'ampé' karia u roko'. Makaz in tarékan sa séra maca am witu ung kitap Torat, niitu én zéi'kan katulapan néra, un téntu masuat wo ung genang néra éng kinaapé'ampé'. Wo sa séra ma'émano wia si Kristus, niitu taré uli-ulit katulapan néra.

2 Korintus 4:4

Sé tou itii zéi'kan ma'éman pahpaan ung genang néra éng kinawasapé' ni tonaas né sétang si kimawasa wia ung kaayahan kenu. Niitumo, zéi'kan kailekan néra u sena' u Nuwu' Lé'os tumoro ung kawangko'an ni Kristus si totoz masuat wo si Opo Empung.

Efesus 1:4

Pahpaan si Opo Empung é niméléngo ni kita puunala ung kaayahan kenu im winangun mengiité um pinaesaanta karia ni Yesus Kristus, wo kita lenasen ni Opo Empung wo zéi'kan siapa um pahséro'an witu u sinaru-Na.

Efesus 4:18

Ung genang néra é nimarimbengbengo, zéi'kan kata'uan néra kura menou-nou mengiit um paaz ni Opo Empung pahpaan ni séra én zéi'kan mata'u si Opo Empung wo pahpaan ung kaketéhan un até néra.

Filipi 1:18

Taan iwayamola téntu, pahpaan zozo' ung kalakoana im wangun kaapa zéi'kan, si Kristus é méiwoka'moma. Tumoro niitu, ni aku é mahpaa-paaz wo zéi'kan kumana' i mahpaa-paaz.

Ibrani 12:17

Kata'uan niouo u nimamuali tumondong niitu, i ni sia paazkan makailek ung kamang itii, taan si ama'na é soomo méhé niitu. Ni sia én zéi'mo winéhan témpo ni ama'na i mahwawangun ung kasumalaanna zozo' ni sia mahamé' i makailek sumaup ung kamang itii.

1 Petrus 1:2

Si Opo Empung, Ama'ta é niméléngo ni kamu mengiité ung ginenang-Na rengané im puuna. Si Roh Lenas si limenas ni kamu wo kamu mahwangun ang kapaaz ni Yesus Kristus, wo kamu weresin im wana a siningkéla' niou karia im pinikpikan un zaha'-Na. Mengalé-ngaléi uman ung kamang tatambér ni Opo Empung wo ung kaluasan witu un até é menaté-natér ni kamu.