Roma 11:13 - Taaz Weru Witu u Nunuwu'en Tombulu

¹³ In tarékan, ni aku éng kumuama wia sé tou zéi'kan Yahudi i ni aku én aatu ni Kristus wia sé tou zéi'kan Yahudi. Ni aku mahtututu' um paayangengku toro pahloo-loozengku.

Roma 11:13 Iomraidhean Croise

Kisah Rasul-rasul 13:2

I sana endo, i ni séra mahpuasa wo mahragés wia si Mahpiara, a si Roh Lenas numuwu'mé, “I sanapa'mé wia ni Aku si Barnabas wo si Saulus i maayang um papaayangen un tinotoz-Kumo in iwéhé wia ni séra zua.”

Kisah Rasul-rasul 22:21

Taan kuan ni Tuang wia ni aku, ‘Mangémo, pahpaan ni ko én iatu-Ku i mangé witi tampa zou'ma im wia'i wia sé tou zéi'kan Yahudi.’ ”

Kisah Rasul-rasul 9:15

Taan si Mahpiara nimuwu'ma wia ni sia, “Mangémo! Pahpaan si tou itii ém pinéléng-Kumo i maéndo tou mahpaayang wia ni Aku i mahwoka' u ngaran-Ku wia sé tahsasana wanua walina wo wia sé kolano wo kasii wia sé tou Israel.

Galatia 1:16

ni Sia nimapata'u a méikawunipé' tumoro si Oki'-Na wia ni aku wo ni aku mahwoka' u Nuwu' Lé'os tumoro si Oki'-Na itii wia sé tou zéi'kan Yahudi. In toro niitu ni aku én zéi'kan rengan i nimahaléi a sésésa né tou walina i sumawangé ni aku makatulap u Nuwu' Lé'os tumoro si Yesus itii.

Galatia 2:2

Ni aku nimangé wana éng kumiit u méipapata'u ni Opo Empung. Im witu ni aku nimahilekané wo sé tonaas né jamaat wo ni kai én timampasla i simirita. Wia sé tonaas itii, ni aku é nimapata'u u Nuwu' Lé'os tumoro si Yesus u méipahwoka'kumé wia sé tou zéi'kan Yahudi. Karia in téntu, am pinaayangkumomé wo um pahpaayangengku in tarékan ém wéwéhan torona.

Efesus 3:8

Wia ni aku, si totoz roros im wia péléng sé tou linenas ni Opo Empung én tinambéran ung kamang i mahwoka' wia sé tou zéi'kan Yahudi u Nuwu' Lé'os tumoro ung kamang totoz lakez ni Kristus un zéi'kan maapu.

1 Timutius 2:7

Pahpaano niitu, ni aku tinotoz ni Opo Empung i maéndo aatu-Na i mahwoka' u Nuwu' Lé'os wo mahtuzu' wia sé tou zéi'kan Yahudi tumoro um pa'émanen wia si Yesus wo ung kaulitan. Peléng a méikuaku kenu én ulit! Ni aku én zéi'kan mahtowo.