Roma 11:11 - Taaz Weru Witu u Nunuwu'en Tombulu

¹¹ Niitumo, ni aku é lumigau kasiima, “Apa sé tou Yahudi én ikasangkila téntu wo séra makemu?” Zéi'kan! Taan pahpaan a singkéla' néra, sé tou zéi'kan Yahudi é méipiloté im witu un ukuman wana a singkéla', i mangun sé tou Yahudi mahtéutéu pahpaan mahileka niitu.

Roma 11:11 Iomraidhean Croise

Lukas 20:16

Ni sia é méyé wo mémunu' sé mememendu itii wo un uma tinaneman anggor itii én iwéhéna wia sé tou walina.” Timalingamé niitu a séra kumuala, “Tia'mo kahuman mamuali téntu!”

Kisah Rasul-rasul 13:42

Makakuala niitu, a mondolé si Paulus wo si Barnabas im witu um walé peraragésan itii. Sé tou witu é mahaléi wia ni séra i mawurimé sumaup in endo Sabat tumondong i mékumua sumaup niana.

Kisah Rasul-rasul 18:6

Taan pahpaan sé tou itii é mahsaru wo mahséro' uman taré wia ni sia, niitumo si Paulus timangkarla an awu witu ung kinaraina, i mapagenang wia ni séra i ni séra é simala'mola, ang kumua wia ni séra, “Ni kamu in esa sé nimangun si Opo Empung i mukum ni kamu. Zéi'kan sumala'ku. Rengan in tarékan, ni aku é mangé wia sé tou zéi'kan Yahudi i mahwoka' u Nuwu' Lé'os tumoro si Yesus.”

Roma 10:19

Taan ni aku é meligau sumaup: Apa sé tou Israel zéi'kampé' makatulap u Nuwu' Lé'os itii? Zéi'kan! Pahpaan ing kataré-taré si Musa éng kimuamo u méikua ni Opo Empung, “Ni kamu ém wanguneng-Ku in tuméutéu sé tahsasana wanua walina sé zéi'kan tou-Ku. Wo mangun ni kamu maupi' wia sé tahsasana wanua sé pahgenangen nioula i lemou.”

Roma 11:1

Niitumo, ni aku é meligau: Apa sé tou Israel sé pinéléng ni Opo Empung é mémoitia'-Na? Zéi'kan! Pahpaan ni aku in esa én tou Israel, suzu ni Abraham, wia sé suzu ni Benyamin a méyé.

Roma 11:12

Pahpaan ang kasumalaan né tou Yahudi nimangunola sé tou wia ung kaayahan nimakailek ung kamang, wo a singkéla' néra nimangunola sé tahsasana wanua walina nimakailek ung kamang, woopé' kasii sa sé tou Yahudi nimawurian sumaup karia ni Opo Empung, tantumo é lumouspé'mé ung kamang iwéhé-Na.

Roma 11:14

Ni aku é mahéré'la sa am pahpaayangengku kenu én toro mangun sé kawanuaku in tuméutéu sé tahsasana wanua walina in ipilot witu un ukuman wana a singkéla', wo karia in téntu sé woopira im wia ni séra én toro sawangangku in ipiloté witu un ukuman wana a singkéla'.

Roma 11:31

Téntu kangkasii sé tou Yahudi, in tarékan ni séra én zéi'kan mahtali-talinga wia ni Sia, wo pahpaan u raraatéan-Na ung kinailekan niouo in tou zéi'kan Yahudi, ni séra kangkasii é makailek u raraatéan-Na.