Roma 11:10 - Taaz Weru Witu u Nunuwu'en Tombulu

¹⁰ Wo mengalé-ngaléi uman am weren néra é maletokla makaz ni séra zéi'kan makailek, wo mengalé-ngaléi uman ni séra é mawohkola makaz ing kauré-uré.”

Roma 11:10 Iomraidhean Croise

Roma 1:21

Zozo' ni séra é mata'u si Opo Empung, ni séra én zéi'kan mahlooz wo mahsigi' ni Sia in Opo Empung wo zéi'kan kumua u makasé wia ni Sia. Taan ang ginenang néra é nimawiling uman taré i megena-genang uman an zéi'kan siapa torona, taka-takazan ni séra é nimalemou wo ung genang néra é nimarimbengbeng.

Roma 11:8

Tanu u méipantik witu um Pinantik Lenas, “Si Opo Empung é mangun ni séra tanu nimatekel, winéhan weren taan zéi'kan makailek wo winéhan lunteng taan zéi'kan makatalinga, makaz in tarékan.”

Efesus 4:18

Ung genang néra é nimarimbengbengo, zéi'kan kata'uan néra kura menou-nou mengiit um paaz ni Opo Empung pahpaan ni séra én zéi'kan mata'u si Opo Empung wo pahpaan ung kaketéhan un até néra.

2 Petrus 2:17

Sé méster towo itii én zéi'kan siapa torona, tanu ung kembu'an nimaperamo, tanu u semu nimazéi'ma pahpaan i méiwalima u reges repet. Ni séra é niimekano ni Opo Empung un ukuman in iuntep witu ung karimbengbengan un totoz rimbengbeng.

2 Petrus 2:4

Pahpaan sé malaekat mahsingkéla' én zéi'kan niampungan ni Opo Empung. Ni séra é méilombo'-Nama witi naraka am buin witu un tuleng makaz witu un endo ni séra in totozen im wana am pahwangunen néra.

Yudas 1:13

Tanu u sempa' makaindé'en witi tasik, u mahsewumé, ni séra kangkasii é mapailek am pahmualin néra ang kaizangnokané. Ni séra én tanumokan sé tototi'en mahéra-éra sé méimeko ni Opo Empung ung karimbengbengan witi lalem ung kaayahan makaz ing kauré-uré.

Yudas 1:6

Sé malaekat kangkasii sé simala' i nimaké ung kawasa méiwéhé wia ni séra an tumula'umé um pahwéha-wéhan néra é niapus-Na karia un aapus un zéi'kan mahwuka-wukala makaz ing kauré-uré, witu ung karimbengbengan witi lalem ung kaayahan makaz witu un endo wangko', in totozen ulit kaapa zéi'kan am pinahwangun néramé.