Roma 10:9 - Taaz Weru Witu u Nunuwu'en Tombulu

⁹ Pahpaan sa ko makaulit karia u sumahmu in esa i si Yesus é Mahpiara, wo ma'éman witu un atému i si Opo Empung én timou sumaup ni Sia im wia sé nimaté, ni ko én ipilot im witu un ukuman wana a singkéla'.

Roma 10:9 Iomraidhean Croise

Lukas 12:8

Ang kuan ni Yesus, “Séi uman si makaulitla wia sé tou i ni sia é ma'éman ni Aku, si Oki' ni Tou kangkasii é makaulit i ni sia én tou-Ku im witu u sinaru né malaekat ni Opo Empung.

Yohanes 9:22

Sé tu'ana kimuala téntu, pahpaan ni séra é maindé' wia sé tonaas né tou Yahudi. Pahpaan sé tonaas né tou Yahudi é nimaesaanola i sé tou mahkua si Yesus é Mesias, ni séra én zéi'mo mata'u muntep witi walé peraragésan né tou Yahudi.

Kisah Rasul-rasul 16:31

A séra mingkotla, “Ma'émanola wia si Yesus Kristus Mahpiara wo ni ko karia péléng sé mahento' witi walému, ipilot im witu un ukuman wana a singkéla'.”

Kisah Rasul-rasul 2:24

Taan ni Sia é méitoumé sumaup ni Opo Empung wo nimiloté ni Sia im witu un zéha um patéan, pahpaan ni Sia én zéi'kan mamuali i memitu-mitu ung kawasa um patéan.

Kisah Rasul-rasul 2:32

Si Yesus kenumo si méitoumomé sumaup ni Opo Empung. Wo tumoro niitu, ni kai péléng sé nimilek u nimamuali itii.

Kisah Rasul-rasul 8:36

I ni séra karegas mahlampang karia ung keréta, a séra ikaayola witu un tampa wéwéhan un zano. Kuan ni tonaas itii wia si Filipus, “Amoké ilekena, um witu ém wéwéhan un zano! Toromo aku i saranin in tarékan?” [

Roma 10:10

Pahpaan karia un até si tou é ma'éman wo éndon ulit, wo karia u sumah si tou é makaulit i si Yesus é Mahpiara, ni sia én ipilot im witu un ukuman wana a singkéla'.

Roma 14:11

Pahpaan witu um Pinantik Lenas é méipantik téntii: “ ‘Ni Aku én uli-ulit menou-nou’, kuan ni Opo Empung, ‘péléng sé tou é mongkot wo sumigi' witu u sinaru-Ku, wo péléng sé tou é makaulit ni Aku én Opo Empung.’ ”

Roma 14:9

Pahpaano niitu si Kristus nimaté wo méitou sumaup ni Opo Empung im wia sé nimaté wo ni Sia maéndo Mahpiara né tou nimaté wo né tou menou-nou.

Roma 4:24

taan niitu kangkasii é méipantik wia ni kita pahpaan ni kita kangkasii é niéndo ulit ni Opo Empung. Ni kita é niéndo-Na ulit pahpaan ni kita ma'éman ni Sia, si timoumé sumaup si Yesus Mahpiarata im wia sé nimaté.

Roma 8:34

Si Kristus Yesus si nimaté wo méitou sumaup im wia sé nimaté an irumez witu ung kakan ni Opo Empung, si Kristus itiimo si masumawang ni kita i mamengaléi wia si Opo Empung.

1 Korintus 12:3

Niitumo, ni kamu léwo'zéi' mata'ula i si tou kinawasa ni Roh ni Opo Empung én zéi'kan mamuali ing kumua in téntii, “Si Yesus én toron un epa'.” Wo si tou zéi'kan kinawasa ni Roh ni Opo Empung, si tou itii zéi'kan mamuali ing kumua, “Si Yesus itiimo si Mahpiara.”

Filipi 2:11

wo péléng sé tou é makaulit wo kumua, “Si Yesus Kristus é Mahpiara,” karia in téntu si Opo Empung si Ama' é maloozen wo masigi'en.

1 Petrus 1:21

Pahpaan am winanguna ni Kristus itiimo, taka-takazan ni kamu én toro ma'éman wia si Opo Empung. Si Opo Empung si timou si Kristus im wia sé nimaté wo nimangun ni Sia pahsigi'en wo pahloozen. Karia in téntu ni kamu én toro ma'éman wo mahéré' uman wia si Opo Empung.

1 Yohanes 4:15

Séi si makaulitla i si Yesus én Oki' ni Opo Empung, si Opo Empung é nimaesa kariana wo ni sia é nimaesa karia ni Opo Empung.

2 Yohanes 1:7

Pahpaan im wia ung kaayahan é lakez sé tou mahlululu uman wo soo makaulit i si Yesus Kristus é niméyémo wia ung kaayahan in tou uman. Sé tou itiimo sé melulu, wo kakoro' ni Kristus.