Roma 1:9 - Taaz Weru Witu u Nunuwu'en Tombulu

⁹ Si Opo Empung si pahpaayangangku karia ung genang lé'os i mahwoka' u Nuwu' Lé'os tumoro si Oki'-Na, kata'uan-Na wana am pengaléiengku i ni kamu sé witi Roma sekezé ém pegena-genangengku.

Roma 1:9 Iomraidhean Croise

Markus 1:1

Ung kenumo ung kataré-taré witu u Nuwu' Lé'os tumoro si Yesus Kristus, si Oki' ni Opo Empung.

Lukas 18:1

A si Yesus kumua un aandéan in tumuzu' sé pahtuzu'en-Na, wo ni séra léwo'zéi' sekezé é mengaléi wo tia' maseso'.

Kisah Rasul-rasul 12:5

Téntu u nimamuali wia si Petrus i méiuntep witi bui. Taan zozo'mokan in téntu, sé jamaat én zéi'kan kumana' i mahmengaléi si Petrus wia si Opo Empung.

Kisah Rasul-rasul 19:21

Kumawusa u nimamuali itii, si Roh nimangun si Paulus timotozla i mangé witi Yerusalem kimiita u Makedonia wo u Akhaya. Kuana, “Sa nimangémomé witi Yerusalem, ni aku kangkasii é léwo'zei' i mangé witi Roma.”

Kisah Rasul-rasul 24:14

Taan ni aku é makaulit wia si tuang i ni aku é mahsigi' wo mahpaayang wia si Opo Empung né nimaopo nai in tou Israel. Ni aku kasii é mahkiit an tutuzu' ni Yesus Mahpiara um pahkuan néra i simala'. Ni aku é ma'éman wana péléng a méipantik witu un ukum Torat wo am pinantik witu ung kitap né nabi.

Kisah Rasul-rasul 27:23

Pahpaan ing kawengi, si Opo Empung si pahongko-ongkotangku in tou anu-Na é nimatu si malaekat-Na mérimendai witu u rétéku.

Kisah Rasul-rasul 3:26

Niitumo, si Opo Empung ing kataré-taré én timoumé sumaup si Ata-Na an iatu-Nama i mangé wia ni kamu, wo ni Sia kumamang ni kamu karia i nimangun ni kamu timula'ula péléng a singkéla' niou, a mawuri sumaup wia si Opo Empung.”

Roma 9:1

Un ikuakuma én ulit pahpaan ni aku én anumo ni Kristus, ni aku én zéi'kan mahtowo. Karia ung genang lé'osku um pahahkiten ni Roh Lenas, ni aku éng kumuama u nuwu'ku itii én ulit.

2 Korintus 1:23

Si Opo Empung si mata'u ang ginenangku, kata'uan-Na i ni aku én zéi'kan nimangé wia ni kamu witi Korintus, pahpaan kasooku ni aku i mangé é mangun un até niou rumara.

2 Korintus 11:31

Si Opo Empung, si Ama' ni Yesus, si Mahpiarata, kata'uan-Na ni aku én zéi'kan mahtowo. Pahloozela Sia makaz ing kauré-uré.

Galatia 1:20

Witu u sinaru ni Opo Empung ni aku én uli-ulit kumuama: Péléng a méipantikuma wia ni kamu kenu én ulit wo ni aku én zéi'kan mahtowo.

Efesus 6:18

Wangunenola niana péléng karia i mengaléi wia si Opo Empung i sumawang ni kamu. Mengaléila karia ung kawasa ni Roh Lenas sekez in endo, tuméga-tégam wo tia' mahkana' i mengaléi. Tuméga-tégam i mengaléi wo tia'mo mazéi' i mahpengaléi sé tou linenas ni Opo Empung.

Filipi 1:3

Sekez aku ikagenanga ni kamu, ni aku éng kumua u makasé wia si Opo Empungku.

Filipi 1:4

Wo sekez ni aku i mengaléi tumoro ni kamu péléng, ni aku én totoz mahpaa-paaz.

Filipi 2:22

Taan ni kamu nimileko un ulitna si Timotius. Pahpaan ni sia é nimapaileko i ni sia én toro pa'émanen wo uli-ulit mahpaayang i mahsawang ni aku i mahwoka' u Nuwu' Lé'os tumoro si Yesus, tanumokan si koki' mahsawang si ama'na.

Filipi 3:3

Ni kitamo sé tou sinunat sé mahongkot wo mahsigi' si Opo Empung mengiité si Roh-Na. Ni kita é mahpaa-paaz pahpaan totoz pa'émanenta um winanguna ni Kristus Yesus wia ni kita, i ni Sia nimaté i mangun ni kita maéndo ulit witu u sinaru ni Opo Empung, zéi'kan niméré' uman wana am winangun né tou witu un awak néra im pahsunaten.

1 Tesalonika 1:2

Ni kai sekezé é mahkua u makasé wia si Opo Empung pahpaan ni kamu péléng wo ni kamu sekezé én ipahpengaléi nai.

1 Tesalonika 3:10

Endo wengi ni kai é ma'ulit i mengaléi wo kai toro mahilekan sumaup karia niou wo toro tumuzu' wia ni kamu i lumekep an zéi'kampé' lekep witu um pa'émanen niou.

1 Tesalonika 5:17

Tia' mazéi' i mahmengaléi.

1 Timutius 2:7

Pahpaano niitu, ni aku tinotoz ni Opo Empung i maéndo aatu-Na i mahwoka' u Nuwu' Lé'os wo mahtuzu' wia sé tou zéi'kan Yahudi tumoro um pa'émanen wia si Yesus wo ung kaulitan. Peléng a méikuaku kenu én ulit! Ni aku én zéi'kan mahtowo.

2 Timutius 1:3

Ni aku éng kumua makasé wia si Opo Empung si pahpaayangangku karia ung genang weresi, tanu um pinahwanguné né nimaopoku. Sekez ni aku mengaléi in endo kaapa im wengi, ni ko ém pegena-genangengku.

Filemon 1:4

Ni aku mapaayo u makasé wia si Opo Empungku pahpaan, sekez ni aku i mengaléi, ni aku ikagenanga wia ni ko.