Roma 1:8 - Taaz Weru Witu u Nunuwu'en Tombulu

⁸ Kataré-taré ni aku éng kumuama u makasé wia si Opo Empungku karia u ngaran ni Yesus Kristus pahpaan ni kamu péléng. Pahpaan péléng sé tou, wisa uman ni séra é mahsirita tumoro um pa'émanen niou.

Roma 1:8 Iomraidhean Croise

Matius 24:14

U Nuwu' Lé'os tumoro ung Kakolanoan ni Opo Empung kenu én ipakawoka' wia péléng sé tou wia ung kaayahan wo péléng sé tou toro tumalinga wo mata'u. Kumawusa niitu, taré ikaayola witu ung kaakazan ung kaayahan.”

Lukas 2:1

Zéi'kan uré si Yohanes i nimatoumé, si Kaisar Agustus nimerénta im péléng sé tou witi kakolanoanna, a ngaran néra én ipantik wo toro kata'uan ung kalakez né tou.

Kisah Rasul-rasul 11:28

Si esaané im wia ni séra é makangaran Agabus. I sé tou nimaréwok, si Agabus si kinawasa ni Roh rumendaié ang kumuama, “Un oras ung kaahreman zéi'kan kakuaan é méyé wia ang kaayahan.” Ung kaahreman itii é nimamuali i si Klaudius si Kaisar.

Kisah Rasul-rasul 28:22

Taan ni kai ém paaz in tumalinga kura ung ginenangmu tumoro um pa'émanen um pahkiitennu. Pahpaan ni kai én timalingamola i sé tou wisa uman ni séra é mahsaru um pa'émanen um pahkiitennu itii.”

Roma 10:18

Taan ni aku é meligau: Apa sé tou Yahudi én uli-ulit zéi'kampé' timalinga u Nuwu' Lé'os tumoro si Yesus itii? Ni séra én timalingamo niitu. Pahpaan witu um Pinantik Lenas é méipantik in téntii, “Si nimahalimé an ipapata'u é nimapata'umoma wia péléng ung kaayahan, wo u méikua nérama én tinalingamoma makaz witi pondolna ung kaayahan.”

Roma 16:19

Péléng sé tou én timalingamo i ni kamu é mahkii-kiit um paaz ni Opo Empung. Niitumo, ni aku é mahpaa-paaz in timalingamé tumoro ni kamu. Kapaazku ni kamu én tulap wana am wangun wo weresi im wana a léwo'an.

Roma 6:17

Ni aku é mapaayo u makasé wia si Opo Empung! Pahpaan im puuna ni kamu én ata a singkéla', taan in tarékan ni kamu én uli-ulit mahkiit an tutuzu' méiwéhémo wia ni kamu.

1 Korintus 1:4

Ni aku sekezé é mapaayo u makasé wia si Opo Empungku, pahpaan ni Sia én timambér ung kamang-Na wia ni kamu wo ni kamu é nimaesa karia ni Kristus Yesus.

2 Korintus 2:14

Taan ni aku éng kumuama u makasé wia si Opo Empung, pahpaan ni Sia si nimaéndo tonaas si sekezé én timatér ni kai karia ung kawasa ni Kristus, makaz ni kai toro muntung. Ni kai é méiatu ni Opo Empung wo séra mata'u si Kristus, tanu u mahwou tariis ing kawouanna né tou lakez wisa uman un angéan nai.

Efesus 1:15

Niitumo, in tinalingakumola ni kamu ma'éman wia si Yesus Mahpiara wo u raraatéan niou wia péléng sé tou linenas ni Opo Empung,

Efesus 1:16

ni aku én zéi'kan mazéi' i mapaayo u makasé wia si Opo Empung pahpaan ni kamu. Sekez ni aku i mengaléi, ni kamu én ipahpengaléiku.

Efesus 3:21

U looz wo u sigi' né jamaat ém wia uman si Opo Empung mengiité si Kristus Yesus makaz im pahpuyunan wo makaz ing kauré-uré! Amin.

Efesus 5:20

Apa uman u nimamuali wia ni kamu sekezé é mapaayola u makasé wia si Opo Empung si Ama'ta witu u ngaran ni Yesus Kristus Mahpiarata.

Filipi 1:11

Ni aku kasii é mengaléi wo kamu toro memangu-mangun an ulit. Si Yesus Kristus uman si toro mangun ni kamu mangun niitu i mahsigi' wo mahlooz si Opo Empung.

Filipi 1:3

Sekez aku ikagenanga ni kamu, ni aku éng kumua u makasé wia si Opo Empungku.

Kolose 1:3

Ni kai sekezé éng kumua u makasé wia si Opo Empung, si Ama' ni Yesus Kristus, si Mahpiarata, sekez ni kai i mengaléi tumoro ni kamu,

1 Tesalonika 1:2

Ni kai sekezé é mahkua u makasé wia si Opo Empung pahpaan ni kamu péléng wo ni kamu sekezé én ipahpengaléi nai.

1 Tesalonika 2:13

Wéwéhan kasii u nimangun ni kai zéi'kan kumana' i mahkua u makasé wia si Opo Empung, pahpaan i ni kai mahwoka'mé u Nuwu' ni Opo Empung wia ni kamu, ni kamu é simungkul u Nuwu' itii zéi'kan tanu u nuwu' um wia si tou a méyé, taan u Nuwu' um wia si Opo Empung a méyé. U Nuwu' itii én uli-ulit wia si Opo Empung a méyé, ung karegas i mahpaayang wia ni kamu in tou ma'éman.

2 Tesalonika 1:3

Katuari-katuari, pahpaan ni kamu ni kai sekezé é léwo'zéi' ing kumua u makasé wia si Opo Empung. Ni kai é léwo'zéi' i mahwangun un téntu pahpaan ni kamu éng kalousnamo i ma'éman wia si Yesus wo ni kamu si esa wo sé walina éng kalousnamo i mahraa-raatéan,

2 Timutius 1:3

Ni aku éng kumua makasé wia si Opo Empung si pahpaayangangku karia ung genang weresi, tanu um pinahwanguné né nimaopoku. Sekez ni aku mengaléi in endo kaapa im wengi, ni ko ém pegena-genangengku.

Filemon 1:4

Ni aku mapaayo u makasé wia si Opo Empungku pahpaan, sekez ni aku i mengaléi, ni aku ikagenanga wia ni ko.

Ibrani 13:15

Mengiité si Yesus kita mahlooz si Opo Empung. Niitumo, méyémo kita kumua u makasé wia si Opo Empung wo u loloozta itii é maéndo tanu u raragésta wia si Opo Empung. Si Opo Empung én totoz paaz a raragés tanu niitu.

1 Petrus 2:5

Ni kamu é masuat wo um watu menou-nou u niéndo ni Opo Empung im wangunen Walé-Na Lenas. Karia in téntu ni kamu é nimaéndo walian linenas ni Opo Empung i mahali ung katou-touan in iragés wia si Opo Empung. Si Opo Empung ém paaz méndo a raragés niou pahpaan am winanguno ni Yesus Kristus wia ni kita.

1 Petrus 4:11

Sa wéwéhan tou tinambéran i mahkua u Nuwu' ni Opo Empung wia sé tou, ni sia é léwo'zéi' mahnuwu' mahkiit u Nuwu'-Na. Wo sa wéwéhan si tinambéran i sumawang sé kasuat tou, pahwangunennala niitu karia ung ketez méiwéhémé ni Opo Empung wia ni sia. Niitumo, wangunen nioula lumé'o-lé'os an tatambér itii wo sé tou lumooz wo sumigi' si Opo Empung. Karia in téntu si Opo Empung é loozen wo sigi'en wana péléng am péléng mengiité si Yesus Kristus. Ni Siamo si mahkawasa wo wangun i sigi'en wo loozen makaz ing kauré-uré. Amin.