Roma 1:7 - Taaz Weru Witu u Nunuwu'en Tombulu

⁷ Wia ni kamu péléng sé mahento' witi Roma, ni kamu sé ikararaaté ni Opo Empung, tinawah i nimaéndo tou lenas. Mengalé-ngaléi uman ung kamang tatambér-Na wo ung kaluasan witu un até, um wia si Opo Empung, si Ama'ta, wo wia si Yesus Kristus Mahpiara é menaté-natér ni kamu.

Roma 1:7 Iomraidhean Croise

Matius 5:16

Téntumo kangkasii ni kamu, un ayah wia ni kamu é léwo'zéi' i mahsena'ma wia sé tou, wo u lé'os pahwangunen niou toro ka- ilekan néra wo séra mahsigi' wo mahlooz si Ama' niou si witi kasendukan.”

Yohanes 20:17

Ang kuan ni Yesus wia ni sia, “Tia' mahtion wia ni Aku, pahpaan ni Aku én zéi'kampé' nimenéka i mangé wia si Ama'. Taan mangémo wia sé katuari-Ku wo ikuala wia ni séra i ni Aku in tarékan é mangémo wia si Ama'-Ku wo Ama' niou, wia si Opo Empung-Ku wo Opo Empung niou.”

Kisah Rasul-rasul 15:23

Ni séra ém winéhanna um pinantik in téntii, “Sigi' wangko' nai in aatu ni Yesus wo né penatua wo né katuari niou, ipapaayo wia ni kamu katuari-katuari esa pa'émanen sé tou zéi'kan Yahudi sé witi Antiokhia, Siria wo Kilikia.

Kisah Rasul-rasul 9:13

A mingkotla si Ananias, “Azo Mahpiara. Tinalingakumola wia sé tou lakez an tumoro si tou itii. Totozo lakez sé tou-Mu witi Yerusalem sé zinézéhana.

Roma 1:6

Ni kamu in tou Roma é méikakaria wia sé tahsasana wanua itii, tinawahmo i maéndo anu ni Yesus Kristus.

Roma 5:1

Pahpaan um pa'émanenta, ni kita é niéndo ulit ni Opo Empung. Niitumo ni kita menou-nou witu u mahlé'o-lé'osan karia ni Opo Empung, mengiité si Mahpiarata, si Yesus Kristus.

Roma 5:5

Wo um pahéré'an én zéi'kan merara un até, pahpaan si Opo Empung timambéré si Roh Lenas wo kita toro mé'an u raraatéan ni Opo Empung.

Roma 8:28

Kata'uanta i si Opo Empung é mimek péléng am péléng wo péléng niitu é mahalimé ung kalé'osan wia sé rumaraaté ni Sia, sé tinawah mengiit ung ginenang-Na.

Roma 8:39

kaapa sé mahkawasa witi langit kaapa sé wia ung kaayahan, kaapa apa uman niitu, zéi'kan siapa sé makawawa tuma'sa ni kita im witu u raraatéan ni Opo Empung, tanu u méipapailek-Na wia si Kristus Yesus, si Mahpiarata.

Roma 9:25

tanu u Nuwu'-Na witu um Pinantik Lenas ni nabi Hosea, “Sé zéi'kan tou-Ku éng kuang-Ku in ‘tou-Ku’ wo sé zéi'kan kararaaté-Ku, éng kuang-Ku ing ‘kararaaté-Ku’.

1 Korintus 1:24

Taan im wia sé tou tinawah ni Opo Empung, séra in tou Yahudi kaapa séra in zéi'kan tou Yahudi, si Kristus si tumuzu'mé ung kawasa wo ung katulapan ni Opo Empung.

1 Korintus 16:23

Mengalé-ngaléi uman, ung kamang tatambér ni Yesus Mahpiara é menaté-natér ni kamu.

Galatia 6:18

Katuari-katuari! Mengalé-ngaléi uman ung kamang tatambér ni Yesus Kristus Mahpiarata é menaté-natér si roh niou. Amin.

Efesus 1:2

Ung kamang tatambér wo ung kaluasan witu un até, um wia si Opo Empung Ama'ta wo um wia si Yesus Kristus Mahpiara é menaté-natér ni kamu.

Efesus 6:23

Mengalé-ngaléi uman si Opo Empung si Ama' wo si Yesus Kristus Mahpiara é menaté-natéré ni kamu péléng wo ni kamu mahlé'o-lé'osan wo mahraa-raatéan wo zéi'kan mazéi' i ma'éman wia si Kristus.

Filipi 1:2

Mengalé-ngaléi uman ung kamang tatambér wo ung kaluasan witu un até, um wia si Opo Empung, si Ama'ta wo wia si Yesus Kristus Mahpiara é menaté-natér ni kamu.

Filipi 4:13

Péléng am péléng én toro pengalingku pahpaan si Yesus Kristus si mahwéhémé ung ketez wia ni aku.

Filipi 4:20

Mengalé-ngaléi uman si Opo Empung, si Ama'ta ém pahloozen wo pahsigi'en rengan in tarékan makaz ing kauré-uré! Amin.

Filipi 4:23

Mengalé-ngaléi uman ung kamang tatambér ni Yesus Kristus Mahpiara é menaté-natér ni kamu péléng.

Kolose 1:2

Um pinantik kenu én iwéhé wia ni kamu in tou linenas ni Opo Empung wo sé ma'éman si Kristus witi Kolose. Mengalé-ngaléi uman ung kamang tatambér wo ung kaluasan witu un até, um wia si Opo Empung, si Ama'ta é menaté-natér ni kamu.

Kolose 3:12

Pahpaan nimaéndomo tou pinéléng wo ikararaaté wo linenas ni Opo Empung, niitumo ni kamu é mapailekla u raraatéan, ung kalé'osan, u roros até, ung kaeluzan wo ung kaezenan.

Kolose 3:15

Wangunela ung kaluasan witu un até u méiwéhémé ni Kristus mahkawasa wia ni kamu, pahpaan ni kamu én tinawahmo ni Opo Empung i maéndo esa awak. Wo ni kamu é léwo'zéi' i mahkuala u makasé wia ni Sia.

1 Tesalonika 1:1

Um pinantik kenu ém wia ni aku Paulus wo wia sé kakariaku si Silas wo si Timotius a mangé. Um pinantik kenu én iwéhé wia ni kamu sé jamaat witi Tesalonika. Ni kamu é ma'éman wia si Opo Empung Ama'ta wo wia si Yesus Kristus Mahpiara. Mengalé-ngaléi uman ung kamang tatambér wo ung kaluasan witu un até, um wia si Opo Empung é menaté-natér ni kamu.

1 Tesalonika 1:3

Sekez kai i mengaléi wia si Opo Empung wo si Ama'ta, ni kamu ém pegena-genangen nai pahpaan am pahpaayangen niou i ma'éman wo kura kamu i mahsawang sé tou walina pahpaan rumaraaté ni séra wo kasii pahpaan ung kaezenan niou i mahéré' wo ma'éman uman wia si Yesus Kristus Mahpiarata, zozo' in zézéha.

1 Tesalonika 1:4

Katuari-katuari sé ikararaaté ni Opo Empung. Kata'uan nai, ni kamu ém pinéléng-Namo.

1 Tesalonika 4:7

Si Opo Empung én timawah ni kita i menou-nou karia ung kalenasan, zéi'kan i mahwangun ang kasamekan.

1 Tesalonika 5:28

Mengalé-ngaléi uman ung kamang tatambér ni Yesus Kristus, Mahpiarata é menaté-natér ni kamu.

2 Tesalonika 1:2

Mengalé-ngaléi uman ung kamang tatambér wo ung kaluasan witu un até, um wia si Opo Empung, Ama'ta wo um wia si Yesus Kristus Mahpiara é menaté-natér ni kamu.

2 Tesalonika 3:16

Si Opo Empung si mahwéhémé ung kaluasan witu un até é meméhé-méhémé ung kaluasan witu un até niou im wana am péléng. Mengalé-ngaléi uman ni Sia sekezé é menaté-natér ni kamu péléng.

2 Tesalonika 3:18

Ung kamang tatambér ni Yesus Kristus Mahpiarata, menaté-natér ni kamu péléng.

1 Timutius 1:2

Um pinantik kenu én iwéhé wia si Timotius, si tanumokan in oki'ku pahpaan ni kai esa pa'émanen. Mengalé-ngaléi uman ung kamang tatambér, u raraatéan wo ung kaluasan witu un até, um wia si Opo Empung Ama'ta wo si Kristus Yesus Mahpiarata é menaté-natér ni ko.

1 Timutius 6:2

Sa si tuang néra én tou ma'éman wia si Yesus, tia' wo sia zéi'kan tahlous pahsigi'en, pahpaan ni séra é mahtuari i ma'éman. Taantaré, sé ata é léwo'zéi' kalousna i mahpaayang wia si tuang néra, pahpaan si tuang pahpaayangan néra itii éng katuari i ma'éman wo ikararaaté néra. Péléng ang kenu én uli-ulit ituzu'la wo isésala wia sé jamaat.

2 Timutius 1:2

Um pinantik kenu én iwéhé wia si Timotius, si tanumokan oki'ku ikararaatéku. Mengalé-ngaléi uman ung kamang tatambér, u raraatéan wo ung kaluasan witu un até, um wia si Opo Empung si Ama' wo si Kristus Yesus Mahpiarata é menaté-natér ni ko.

2 Timutius 4:22

Si Yesus Mahpiara é menaté-natér ni ko. Mengalé-ngaléi uman ung kamang tatambér-Na é menaté-natér ni kamu!

Titus 1:4

Titus, ni ko én tanumokan oki'ku in esa pahpaan ni kita zua é ma'éman wia si Kristus Yesus. Mengalé-ngaléi uman ung kamang tatambér wo ung kaluasan witu un até, um wia si Opo Empung Ama'ta wo si Yesus Kristus, si Nimilot ni kita im witu un ukuman wana a singkéla' é menaté-natér ni kamu.

Filemon 1:25

Mengalé-ngaléi uman ung kamang tatambér ni Yesus Kristus Mahpiara é menaté-natér ni kamu!

Filemon 1:3

Mengalé-ngaléi uman ung kamang tatambér wo ung kaluasan witu un até, um wia si Opo Empung Ama'ta wo um wia si Yesus Kristus Mahpiara é menaté-natér ni kamu.

Yakobus 1:1

U sigi'ku Yakobus, si ata ni Opo Empung wo ni Yesus Kristus si Mahpiara. Um pinantik kenu iwéhé wia sé mapulu' wo zua suzu ni Israel sé ma'émano wia si Kristus sé wana a séséngkotan.

1 Petrus 1:15

Taan péléng ung katou-touan niou é léwo'zéi' i lenas masuat wo si Opo Empung si timawah ni kamu é lenas.

1 Yohanes 3:1

Ilekela, ung kawangko' u raraatéan méitambéré ni Ama' wia ni kita, taka-takazan ni kita pahkuan in oki' ni Opo Empung. Wo niitu én ulit i ni kita én oki' ni Opo Empung. Niitumo, sé tou mahkiit u lelo léwo' ung kaayahan én zéi'kan mata'u ni kita, pahpaan sé tou itii én zéi'kan mata'u ni Sia.

2 Yohanes 1:3

Ung kamang tatambér, u raraatéan wo ung kaluasan witu un até, um wia si Opo Empung si Ama' wo um wia si Yesus Kristus, si Oki' ni Ama' é menaté-natér ni kita witu ung kaulitan wo u raraatéan.

Wahyu 2:1

A si Oki' ni Tou kumuala wia ni aku, “Ipantikmula wo iwéhéma wia si malaekat si wia sé jamaat witi Efesus in téntii: ‘Kenumo u Nuwu' um wia ni Sia a méyé, si timion sé pitu tototi'en karia u lengen-Na kakan wo mahlampang wana am pinaselat am pitu pahto'tolan solo a mas am wangunen a méipenoo-nooz.

Wahyu 2:12

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Pergamus in téntii: ‘Kenumo a Nuwu' am wia ni Sia a méyé, si makaanu um pisou tewel zua masaru.

Wahyu 2:18

Ang kuan kasii ni Oki' ni Tou, “Ipantikmu kasiila wo iwéhéma wia si malaekat si wia sé jamaat witi Tiatira in téntii: Kenumo a Nuwu' ni Oki' ni Opo Empung, si makaweren u mahsena' tanumokan u layasna un api wo un a'é-Na é meto-petot tanumokan petotna un tambaga méiluleng witu un api.

Wahyu 2:29

Séi si wéwéhan lunteng é mahtalingama lé'os an ipahkuama ni Roh ni Opo Empung wia sé jamaat.”

Wahyu 2:8

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Smirna in téntii: ‘Kenumo a Nuwu' am wia Si Kataré-taré wo Si Kamurian a méyé, si nimatémoma taan méitoumé sumaup.

Wahyu 22:21

Ung kamang tatambér ni Yesus Mahpiara é menaté-natér ni kamu péléng! Amin.

Wahyu 3:14

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Laodikia in téntii: ‘Kenumo a Nuwu' am wia Si Amin, Si toro pa'émanen wo ulit i mahkua ang kata'uan-Na tumoro u Nuwu' ni Opo Empung, wo péléng am winangun ni Opo Empung ém wia ni Sia a méyé.

Wahyu 3:22

Séi si wéwéhan lunteng é mahtalingama lé'os an ipahkua ni Roh ni Opo Empung wia sé jamaat.’ ”

Wahyu 3:7

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Filadelfia in téntii: ‘Kenumo a Nuwu' wia Si Lenas, Si Ulit, si timion ung kusi' ni Daud a méyé. Sa Sia si nimukama um pepenet, zéi'kan siapa si toro menet niitu. Wo sa Sia si nimeneta um pepenet, zéi'kan siapa si toro muka niitu.