Roma 1:32 - Taaz Weru Witu u Nunuwu'en Tombulu

³² Zozo' ing kata'uan néra an tinotoz witu un ukum ni Opo Empung, im péléng sé mahwangun niana é makailek un ukuman patéan, taan ni séra én zéi'kan kumana' i mahwangun niana, lumousé niitu sé tou sé mahwangun niana kangkasii é niénéan nérala.

Roma 1:32 Iomraidhean Croise

Lukas 11:48

Karia ni kamu i nimanguna a lelewengan né nabi, pahkuan niou sé nimaopo niou i nimunu' sé nabi itii én ulit.

Kisah Rasul-rasul 22:20

Téntu kangkasii i si Stefanus si mahkua a niilekna wo tinalingana tumoro ni Ko im winunu'. Ni aku ém witu wo um winangun néra itii é niénéangku. Wo ni aku kangkasii si timéiz wana ang karai néra i ni séra nimunu' ni sia.’

Roma 1:18

Si Opo Empung é mapailek un upi'-Na im witi kasendukan pahpaan péléng a singkéla' wo a léwo'an né tou, a rimaung sé tou walina i mata'u an tutuzu' ulit tumoro ni Sia.

Roma 1:21

Zozo' ni séra é mata'u si Opo Empung, ni séra én zéi'kan mahlooz wo mahsigi' ni Sia in Opo Empung wo zéi'kan kumua u makasé wia ni Sia. Taan ang ginenang néra é nimawiling uman taré i megena-genang uman an zéi'kan siapa torona, taka-takazan ni séra é nimalemou wo ung genang néra é nimarimbengbeng.

Roma 6:21

In toro niitu, apa u méikaawesé wia ni kamu? Um pahwangunen niou itii é nimangun uman taréma ni kamu i maizang, péléng niitu é mahwali ni kamu witu um patéan makaz ing kauré-uré.

Roma 6:23

Pahpaan um wawaér i mahsingkéla' ém patéan, taan un tatambér ni Opo Empung éng katou-touan makaz ing kauré-uré pahpaan nimaesa karia ni Kristus Yesus, si Mahpiarata.

2 Tesalonika 2:12

Si Opo Empung nimangun niitu, wo péléng sé tou sé zéi'kan ma'éman an tutuzu' ulit tumoro si Yesus wo paaz a léwo'an én ukumen.