Roma 1:30 - Taaz Weru Witu u Nunuwu'en Tombulu

³⁰ Ni séra kangkasii é mahwuwuul u ngaran né tou walina, mazi'zis si Opo Empung, tasalouen, wera', loozan, tulap i mahwangun a léwo'an, zéi'kan mahtali-talinga sé tu'a,

Roma 1:30 Iomraidhean Croise

Matius 15:4

Pahpaan si Opo Empung éng kimua, ‘Pahsigi'ela si ama'mu wo si ina'mu.’ Wo kasii, ‘Séi si mahtiwa' si ama'na kaapa si ina'na, ni sia é léwo'zéi' in ukumen i maté.’

Matius 16:21

Rengan in toro niitu, pahpakaulito ni Yesus wia sé pahtuzu'en-Na, i ni Sia é léwo'zéi' i mangé witi Yerusalem. Im wana ni Sia é mazéhan né pahtutu'an né tou Yahudi, né tonaas né walian wo né tou tulap un Torat. Ni Sia ém wunu'en, taan witu un endo katelu ni Sia én itou sumaup ni Opo Empung.

Lukas 21:16

Ni kamu én iayo né tu'amu, né totoz tuarimu, né katuarimu, né kalomu wo sé woopira im wia ni kamu ém wunu'en

Yohanes 7:7

Sé tou wia ung kaayahan én zéi'kan mamuali i mazi'zis ni kamu, taan ni Aku én ikazi'zis néra pahpaan ni Aku sekezé mahkua am pahwangunen néra é léwo'an.

Kisah Rasul-rasul 5:36

Amoké genangen nioula. Im puuna ém wéwéhan si makangaran Teudas. Ni sia é mahkua-kua in tou ipahpuu-puuna wo sé mahkii-kiit ni sia ém woo epatna atus tou. Taan ni sia ém winunu', an ikaserama sé mahkii-kiit ni sia makaz am pahwangunen néra é nimazéi'ma.

Roma 2:17

Taan, sa ni ko mahkua in tou Yahudi wo niméré' uman witu un ukum Torat wo nimaesa karia ni Opo Empung, nimangun ni ko mahlooz un toumu,

Roma 2:23

Ni ko é mahloo-looz un toumu i mata'u un ukum Torat, taan kaa ni ko in esa é mahséro' wia si Opo Empung karia in zéi'kan mahkiit un ukum Torat?

Roma 3:27

Sa téntu, apa un toro ipahloo-loozta? Zéi'kan siapa! Apa pahpaan am pahwangunenta? Zéi'kan! Ni kita én niéndo ulit zéi'kan pahpaan i nimanguno un ukum Torat taan pahpaan um pa'émanenta.

2 Korintus 10:15

Ni kai én zéi'kan mahlooz un tou nai im wana am pinaayang né tou walina, wana an tampa an zéi'kan tinotoz im pahpaayangan nai. Taan ni kai é mengalé-ngaléi in tumondong sa um pa'émanen niou éng kaenté'namo, ni kai én toro maayang wia ni kamu lumouspé'mé an tampa walina an tinotozo im pahpaayangan nai.

2 Korintus 12:20

Pahpaan ikaarétku, sa ni aku méyé wia ni kamu, um pahwangunen niou zéi'kan kapaazku wo um pahwangunengku zéi'kan kapaaz niou. Ikaindé'ku kasii ni kamu ém wéwéhan sé mahéndo-éndoan, mahtétéutéuan, mahuupi'an, mahgenang uman un touna, mahtawuruk, wayaan uman kanuwu'an, loozan wo mahkayo' sé tou.

2 Tesalonika 2:4

Ni sia é masumaru si Opo Empung wo mahlooz un touna rumakékpé'mé sé pahsigi-sigi'en kaapa sé pahongko-ongkotan né tou in Opo Empung néra. Lumousé niitu, ni sia é marumumez witi untep um Walé ni Opo Empung wo mapakua witu u saru-sarun né tou i ni sia én Opo Empung.

2 Timutius 3:2

Sé tou é mahgenang uman un touna in esa wo nimaéndo ata an zoit. Ni séra i mahnuwu' é mahrakék un tou néra wo loozan, mahkua a léwo'an tumoro si kasuat tou wo mahsasarumokan sé tu'a, soo kumua u makasé wo zéi'mo pandung witu um pa'émanen,

Titus 3:3

Pahpaan im puuna ni kita kangkasii é menou-nou witu ung kalemouan: zéi'kan mahtali-talinga, méikalulu, nimaéndo ata wana a lelo léwo' un awak wo a makapaazen meléwo' un tou, menou-nou mahwangun a léwo'an wo téutéu, ikazi'zis né tou wo mahzizi'zisan.

Yakobus 3:5

Téntu kangkasii u lila', zozo' niitu kori' uman im witu un touta, taan un toro lumooz un touta tumoro am wangko'. Téntu kasii un api, zozo' niitu kori' uman, taan toro luma'ung un talun tua'na.

Yakobus 4:16

Taan in tarékan ni kamu é mahloo-looz un tou niou witu ung kawera'an niou. Péléng ang kaloozan niou itii é simala'.

2 Petrus 2:18

Pahpaan ni séra é menuwu-nuwu' am wera' wo an zéi'kan siapa torona. U lelo léwo' un awak ém pahpakén néra i mahenou sé tou taré ikapiloté im witu ung katou-touan né tou méikalulu.

Yudas 1:16

Sé tou itii é sé mengengu-ngengut wo mema'o-ma'os tumoro am pengalin néra, menou-nou mahkiit a lelo léwo' un awak néra. A sumah néra é mahkua ang kaweraan néra wo meloo-looz sé tou i mahlalakez am pahkailekan néra.