Roma 1:3 - Taaz Weru Witu u Nunuwu'en Tombulu

³ U Nuwu' Lé'os itii én tumoro si Oki' ni Opo Empung, si niméyé wia ung kaayahan in tou uman, méitoumé im wia si suzu ni kolano Daud.

Roma 1:3 Iomraidhean Croise

Matius 1:1

Ung kenumo um pinantikan a ngaran né nimaopo ni Yesus Kristus, si suzu ni Daud wo ni Abraham.

Matius 1:16

Si Yakub makaoki'mé si Yusuf si nimaéndola mahayo ni Maria. Si Maria timoumé si Yesus, si pahkuan kangkasii ing Kristus.

Matius 1:6

Si Isai makaoki'mé si kolano Daud. Si Daud makaoki'mé si Salomo im wia si Batsyeba si mahayo ni Uria.

Matius 12:23

Sé tou lakez witu é mengusi-ngusingsing ang kuan néra, “Ni Sia ém woo suzu ni Daud.”

Matius 15:22

A méyé si wéwéné tou Kanaan si witi tana' itii, mah- aléi wia si Yesus karia i mahkéréta, “O Tuang, Suzu ni Daud, iraraaté ndootuumé ni aku! Si kooki'ku é sinelazan ni sétang wo totozo in zézéha.”

Matius 26:63

Taan si Yesus é memene-menes uman. A si Walian Wangko' itii kumua kasiima wia ni Sia, “Karia u ngaran ni Opo Empung si menou-nou, ikuamé wia ni kai, apa ni Ko é Mesias, si Oki' ni Opo Empung, kaapa zéi'kan?”

Matius 27:43

Un tou-Na méiéré'-Na wia si Opo Empung wo mahkua i ni Sia én Oki' ni Opo Empung. In tarékan, ilekentamokan sa si Opo Empung sumawang ni Sia.”

Matius 3:17

An talingané u Nuwu' witi kasendukan ung kimuamé, “Si kenumo si Oki'-Ku si ikararaaté-Ku. Ni Siamo si mahwangun un até-Ku mahpaa-paaz.”

Matius 9:27

I si Yesus timula'umomé un tampa itii, wéwéhan sé zua tou letok mahkiité ni Sia karia i mahkérété, “É suzu ni Daud! Iraraaté ndootuumé ni kai.”

Lukas 1:35

A sia wingkotela ni malaekat itii, “Ni ko én éyéan ni Roh Lenas, wo ni ko éng kawasan ni Opo Empung si Totoz Rakék. Pahpaano niitu, i si Koki' itii matoumé é mapahkuan né tou i Lenas, si Oki' ni Opo Empung.

Lukas 1:69

Ni kita ém winéhan-Namomé si wéwéhan ung kawasa i miloté ni kita im witu un ukuman wana a singkéla'. Ni Sia é suzu ni Daud ata-Na.

Yohanes 1:14

U Nuwu' ni Opo Empung itii é nimaéndomo tou wo menou-nou im wia ni kita wo ni kita é nimileko ung kawangko'an-Na. Ung kawangko'an-Na itii éng kinailekan-Na pahpaan ni Sia én Oki' esa uman ni Opo Empung. Wo ni Sia én tumuzu'mé i si Opo Empung én ulit wo ni Sia mahtambéré ung kamang wia ni kita.

Yohanes 1:34

Ni aku é nimileko ni Sia wo kumuama u niilekku, ‘Ni Siamo si Oki' ni Opo Empung.’ ”

Yohanes 1:49

Ang kuan ni Natanael wia si Yesus, “Méster, si Méster én Oki' ni Opo Empung. Si Méster éng Kolano né tou Israel.”

Yohanes 10:30

Ni Aku wo si Ama'-Ku én esa.”

Yohanes 10:36

kaa ni kamu mahkua ni Aku mahséro' wia si Opo Empung pahpaan mahkua ni Aku én Oki' ni Opo Empung? Ni Aku ém pinéléng ni Ama' wo nimatumé ni Aku i méyé wia ung kaayahan.

Yohanes 20:28

A si Tomas mingkotla wia ni Sia, “O Tuang wo Opo Empungku!”

Yohanes 20:31

Taan péléng niia é méipantik wo kamu ma'éman i si Yesus é Mesias, Oki' ni Opo Empung. Wo pahpaan ma'éman wia ni Sia, ni kamu é makailek ung katou-touan makaz ing kauré-uré karia-Na.

Yohanes 5:25

Uli-ulit ikua-Kuma wia ni kamu: Un orasna é méyé wo niiamo un orasna i sé tou nimatémo én tumalinga u nuwu' ni Oki' ni Opo Empung wo sé timalingama niitu é matou.

Yohanes 7:42

Im witu um Pinantik Lenas é méipantik i si Mesias é suzu ni Daud wo witi wanua Betlehem, um wanua ni Daud wo méyé.”

Kisah Rasul-rasul 2:30

Taan ni sia é nabi wo kata'uanna si Opo Empung én timaaz wia ni sia karia in timiwa' i si esaané wia sé suzuna é maéndo Kolano.

Kisah Rasul-rasul 3:13

Si Opo Empung si pa'émanen ni Abraham, ni Ishak wo ni Yakub wo kasii si pa'émanen né nimaopota, ni Sia é simigi' wo limoozola si Ata-Na, si Yesus si méikasoo nioula wo méiayo nioula wia si gubernur Pilatus, zozo' si Pilatus in esa timotozola i milot ni Sia.

Kisah Rasul-rasul 8:36

I ni séra karegas mahlampang karia ung keréta, a séra ikaayola witu un tampa wéwéhan un zano. Kuan ni tonaas itii wia si Filipus, “Amoké ilekena, um witu ém wéwéhan un zano! Toromo aku i saranin in tarékan?” [

Kisah Rasul-rasul 9:20

In toro niitu kangkasii ni sia mahuntepa wana am walé peraragésan né tou Yahudi wo mahkua wia sé tou i si Yesus én Oki' ni Opo Empung.

Roma 1:9

Si Opo Empung si pahpaayangangku karia ung genang lé'os i mahwoka' u Nuwu' Lé'os tumoro si Oki'-Na, kata'uan-Na wana am pengaléiengku i ni kamu sé witi Roma sekezé ém pegena-genangengku.

Roma 4:1

Niitumo, apa u maikuata tumoro a nimamuali wia si Abraham, si ama' né nimaopota?

Roma 9:3

Ni séra éng katuariku kawanua. Ni aku ém paaz toron un epa' wo pata'san karia ni Kristus in tumulung ni séra.

Roma 9:5

Ni séra é suzu né nimaopota. Si Mesias in tou é nimatoumé wia sé nimaopota wo ni Sia é mahkawasa wana péléng am péléng. Ni Siamo si Opo Empung si léwo'zéi' im pahloozen makaz ing kauré-uré. Amin!

1 Korintus 1:9

Si Opo Empung én zéi'kan maliuz wana a méitaaz-Na. Ni Sia én timawah ni kamu makaz ni kamu nimaesa karia ni Oki'-Na, si Yesus Kristus Mahpiarata.

1 Korintus 10:18

Téntu kangkasii sé tou Israel im puuna. Ni séra i niméhé a raragés, ni séra é nimakailek um wéténgna im wana a méiragés wia si Opo Empung witu un tampa pahragésan. Pahpaan ni séra ing kiman wana a méiragés itii ni séra é nimaesa karia ni Opo Empung.

Galatia 4:4

Taan sa méikaayomola witu un orasna, si Opo Empung matumé si Oki'-Na si méitoumé ni raraha wo si Koki' itii é menou-nou mahkiit un ukum Torat.

1 Tesalonika 1:10

Ni séra kasii sé simirita tumoro kura kamu i ma'ento' si Yesus, si Oki' ni Opo Empung si witi kasendukan wo méyé, si méitoumé sumaup ni Opo Empung im wia sé nimaté, si milot ni kita sé ma'éman wia ni Sia im witu un upi' ni Opo Empung u méyé in tumondong.

1 Timutius 2:5

Pahpaan si Opo Empung én esa uman. Wo esa uman si nimangun sé tou mawurian sumaup karia ni Opo Empung, ni Siamo si Kristus Yesus si tou uman.

1 Timutius 3:16

Totoz ulit an tutuzu' ulit ni Opo Empung é mémoipapailek-Na witu um pa'émanenta karia ung kawangko'an-Na: “Ni Sia é nimapailek un tou-Na tanu in tou uman, kinua in ulit ni Roh ni Opo Empung wo nimapailek un tou-Na wia sé malaekat. Tumoro ni Sia é méiwoka' wia péléng sé tahsasana wanua. Ni Sia ém pa'émanen im wia ung kaayahan wo winénéta mangé witi kasendukan karia u sigi' wo looz.”

2 Timutius 2:8

Gena-genangen ang kenu: si Yesus Kristus, si méitoumé sumaup ni Opo Empung im wia sé nimaté, si suzu ni Daud, tumoro ni Siamo u Nuwu' Lé'os ipahwoka'ku.

1 Yohanes 1:3

A niilek wo an tinalinga naimo itii én iwoka' nai kasiima wia ni kamu, wo kamu toro maesa karia nai. Wo um pahesa-esaanta ém pahesa-esaan karia ni Ama' wo karia ni Oki'-Na, si Yesus Kristus.

1 Yohanes 3:23

Kenumo am perénta-Na: Ni kita é léwo'zéi' i ma'éman u ngaran ni Yesus Kristus, si Oki'-Na, wo ni kita léwo'zéi' i mahraa-raatéan mengiit um perénta méiwéhé ni Kristus wia ni kita.

1 Yohanes 3:8

Séi si memua-mualipé' a singkéla', ni sia ém wia si tonaas né sétang a méyé, pahpaan rengané im puuna si tonaas né sétang én zéi'kan kumana' i memua-muali a singkéla'. Pahpaano niia, si Kristus, si Oki' ni Opo Empung é mapailek un tou-Na, wo am pinaayang ni tonaas né sétang ém pakaléwo'en-Na.

1 Yohanes 4:15

Séi si makaulitla i si Yesus én Oki' ni Opo Empung, si Opo Empung é nimaesa kariana wo ni sia é nimaesa karia ni Opo Empung.

1 Yohanes 5:1

Si tou ma'éman i si Yesus éng Kristus, si tou itii én oki' ni Opo Empung. Si tou rumaraaté si ama', ni sia kangkasii é rumaraaté si oki' ni ama'.

1 Yohanes 5:20

Kata'uanta kasii i si Oki' ni Opo Empung é niméyémo wo niméhémo ung katulapan wia ni kita. Karia in téntu, ni kita mata'u Si Ulit wo maesa karia Si Ulit pahpaan nimaesa karia si Oki'-Na, si Yesus Kristus. Ni Siamo si Opo Empung, si ulit wo si mahwéhémé ung katou-touan makaz ing kauré-uré.

1 Yohanes 5:5

Séi si kumala a léwo' wia ung kaayahan kenu, sa zéi'kan ni sia si ma'éman i si Yesus én Oki' ni Opo Empung?

2 Yohanes 1:7

Pahpaan im wia ung kaayahan é lakez sé tou mahlululu uman wo soo makaulit i si Yesus Kristus é niméyémo wia ung kaayahan in tou uman. Sé tou itiimo sé melulu, wo kakoro' ni Kristus.

Wahyu 2:18

Ang kuan kasii ni Oki' ni Tou, “Ipantikmu kasiila wo iwéhéma wia si malaekat si wia sé jamaat witi Tiatira in téntii: Kenumo a Nuwu' ni Oki' ni Opo Empung, si makaweren u mahsena' tanumokan u layasna un api wo un a'é-Na é meto-petot tanumokan petotna un tambaga méiluleng witu un api.