Roma 1:25 - Taaz Weru Witu u Nunuwu'en Tombulu

²⁵ Ung kaulitan ni Opo Empung é sinawelan néra karia an towo. Ni séra kasii é mahsigi' wo mahongkot wia sé winangun-Na, taan kinaliuzan néramola i ni Sia si nimangun péléng am péléng si léwo'zéi' pahloozen makaz ing kauré-uré. Amin.

Roma 1:25 Iomraidhean Croise

Matius 10:37

Séi uman si rumaraaté si ama' wo si ina'na lumousé u raraatéanna wia ni Aku, ni sia én zéi'kan wangun ing kumiit ni Aku. Wo séi uman si rumaraaté sé oki'na, tuama kaapa wéwéné lumousé u raraatéanna wia ni Aku, ni sia kangkasii én zéi'kan wangun ing kumiit ni Aku.

Matius 6:24

Zéi'kan siapa si tou toro maayang wia sé zua tuang. Pahpaan sa téntu si esa é maikazi'zisna wo si walina én iraraaténa. Kaapa ni sia é mahtali-talinga wia si esa wo zéi'kan mahtali-talinga si walina. Ni kamu én zéi'kan mamuali i mahpaayang wia si Opo Empung wo karegas niitu mahpaayang wia si Mamon.”

Yohanes 2:8

Tumondong niitu, si Yesus kumuala wia ni séra, “Tarékan sahapané wo pahalina wia si mahime-imek um pésta.” Am pahali nérama un zano itii wia ni sia.

Roma 1:18

Si Opo Empung é mapailek un upi'-Na im witi kasendukan pahpaan péléng a singkéla' wo a léwo'an né tou, a rimaung sé tou walina i mata'u an tutuzu' ulit tumoro ni Sia.

Roma 1:23

Ni séra é simawel ung kawangko'an ni Opo Empung si makaz ing kauré-uré karia né patong opo-opo sé masuat wo sé tou sé zéi'kan makaz ing kauré-uré, sé masuat wo sé tumétéwél, sé masuat wo sé binatang epat a'é kaapa sé masuat wo sé binatang mahlangkou.

Roma 9:5

Ni séra é suzu né nimaopota. Si Mesias in tou é nimatoumé wia sé nimaopota wo ni Sia é mahkawasa wana péléng am péléng. Ni Siamo si Opo Empung si léwo'zéi' im pahloozen makaz ing kauré-uré. Amin!

2 Korintus 11:31

Si Opo Empung, si Ama' ni Yesus, si Mahpiarata, kata'uan-Na ni aku én zéi'kan mahtowo. Pahloozela Sia makaz ing kauré-uré.

Efesus 3:21

U looz wo u sigi' né jamaat ém wia uman si Opo Empung mengiité si Kristus Yesus makaz im pahpuyunan wo makaz ing kauré-uré! Amin.

1 Tesalonika 1:9

Pahpaan ni sérakan sé simiritala kura kamu i simungkul ni kai wo kura kamu in timula'u sé opo-opo a menéro si Opo Empung si menou-nou wo ulit, i maayang wia ni Sia.

1 Timutius 1:11

mengiit u Nuwu' Lé'os ni Opo Empung si wangko' wo pahloozen, tanu u méitarawésamo wia ni aku im paayangengku.

1 Timutius 1:17

U looz wo u sigi' wangko' makaz ing kauré-uré wia si Opo Empung laléi, si Kolano makaz ing kauré-uré, si zéi'kan pahileken wo si esa uman! Amin.

2 Timutius 3:4

Ni séra ém paaz mahayo sé kakaria wia sé kakoro', potot pakahgena-genang, mahwangu-wangun mata'u, mahkiit uman u lelo léwo' un awak in esa wo zéi'kan mahkiit um paaz ni Opo Empung.

1 Yohanes 5:20

Kata'uanta kasii i si Oki' ni Opo Empung é niméyémo wo niméhémo ung katulapan wia ni kita. Karia in téntu, ni kita mata'u Si Ulit wo maesa karia Si Ulit pahpaan nimaesa karia si Oki'-Na, si Yesus Kristus. Ni Siamo si Opo Empung, si ulit wo si mahwéhémé ung katou-touan makaz ing kauré-uré.