Roma 1:24 - Taaz Weru Witu u Nunuwu'en Tombulu

²⁴ Pahpaano niitu, ni séra é méiwaya ni Opo Empung ing kinawasa a lelo néra a samek wo niitu u nimangun ni séra kinaisamekan karia né kasuat nérakan.

Roma 1:24 Iomraidhean Croise

Matius 15:14

Iwayamola sé sana réwok tou Farisi itii. Ni séra é masuat wo si tou letok mengahkit si tou letok. Sa si tou letok mengahkit si tou letok, ni séra zua én ikatahu' witu um woso.”

Kisah Rasul-rasul 14:16

Im puuna é méiwaya ni Opo Empung péléng sé tahsasana wanua i mahkiit uman u lalan ni esa wo ni esa.

Kisah Rasul-rasul 7:42

A séra tamburiala ni Opo Empung wo méiwaya-Nala ni séra i mahragés wia sé tototi'en witi langit, tanu a méipantik wana ang kitap né nabi. Téntii u méipantik, ‘É tou Israel! I ni kamu nimahwiti-witimé kapelasan epatna pulu' ta'un, apa ni kamu é nimahkeri-kerizola sé tatamun wo nimahwéhé-wéhémola a raragés wia ni Aku?

Roma 6:12

Niitumo, tia' a singkéla' éng kimawasa witu un awak niou u maté, wo ni kamu én tia'mo mahtali-talinga u lelo léwo' un awak.

1 Korintus 6:13

Wéwéhan sé mahkua kasii, “Ung kakanen wéwéhan torona witu um poot wo um poot wéwéhan torona pahpaan ung kakanen.” Taan si Opo Empung é luméwo' ung kakanen wo um poot. Ni kamu én tia' mahwangun un tou niou i mahsamek, taan wangunela un tou niou i mahwangun uman ang kapaaz ni Opo Empung, pahpaan si Opo Empung si makaanu un toumu.

1 Korintus 6:18

Ma'katla im wana ang kasamekan! Pahpaan si tou mahsamek, ni sia é mahwangun a singkéla' u maluméwo' un touna. Taan sa mahwangun a singkéla' walina, niitu é nimamuali zéi'kan witu un untep un awakna.

Efesus 2:3

Im puuna ni kita péléng é masuat karia néra, ni kita menou-nou mahkiit u lelo léwo' un awakta, mahwangun um paaz un awakta wo ang genang léwo'ta. In toro niitu, ni kita kangkasii én tou sé léwo'zéi' i makailek un upi' makaindé'en ni Opo Empung tanu sé tou walina.

1 Tesalonika 4:4

Ni kamu in tuama é méndola si wéwéné esa i maéndo mahayomu in esa, wangunela ung katou-touan niou weresi im witu u sinaru ni Opo Empung wo wangunela ung katou-touan niou im pahsigi-sigi'en né tou.