Roma 1:15 - Taaz Weru Witu u Nunuwu'en Tombulu

¹⁵ Pahpaano niitu, ni aku é lumelo i mahwoka' u Nuwu' Lé'os tumoro si Yesus wia ni kamu sé mahento' witi Roma.

Roma 1:15 Iomraidhean Croise

Matius 9:38

Niitumo, mahaléiola wia si makauma wo awesan-Namé tou i mémupu'.”

Markus 14:8

Si wéwéné kenu é nimangunola un toro wangunenna. Un awak-Ku kenu ém winéhannamola lana, un tanumokan ni Aku é niimeknamola i mamoileweng.

Yohanes 4:34

Kuan ni Yesus wia ni séra, “Ung kakaneneng-Ku é mahwangun um paaz-Na si nimatumé ni Aku wo sumampet um paayangen-Na.

Kisah Rasul-rasul 21:13

Taan si Paulus nimingkot umané, “Kaa kamu mahamé', taka-takazan nimangun un atéku i rumara? Ni aku én zéi'kan uman paaz in apusen taan ni aku kangkasii ém paaz i maté witi Yerusalem pahpaan i mahwoka' u ngaran ni Yesus Mahpiara.”

Roma 10:15

Wo kura sé tou i mapata'u tumoro ni Sia sa zéi'kan siapa si iatu? Witu um Pinantik Lenas é méipantik in téntii, “O ndoon ka totoz makapaazen i niméyé sé mahalimé u Nuwu' Lé'os ni Opo Empung!”

Roma 12:18

Wia ni kamu, sa toro mahtututu'la i menou-nou mahlé'o-lé'osan karia péléng sé tou.

Roma 15:20

Un toro ipahloo-loozku i ni aku é nimahwoka'mé u Nuwu' Lé'os itii wana an tampa zéi'kampé' mata'u si Kristus. Ni aku é soo in tumerusokan am paayangengku witi tampa pinahwokaané né tou walina, tanumokan si tou rumendai um walé witu un to'tolan winangun né tou walina.

1 Korintus 9:17

Sa aku mahwoka' u Nuwu' Lé'os tumoro si Kristus pahpaan um paazku uman, ni aku é léwo'zéi' i makailek um wawaér. Taan ni aku i nimangun niitu zéi'kan pahpaan um paazku in esa. Si Opo Empung si niméléng ni aku an aku iatu-Na i mahwoka' u Nuwu' Lé'os itii.

2 Korintus 8:12

Pahpaan sa kamu paaz mahwéhé wo mahwéhé mengiit ung kawawaan niou, si Mahpiara ém paaz i sumungkul a méiwéhé niou. Ni Sia én zéi'kan kawisa mahaléi wia ni kamu i mahwéhé un zéi'kan siapa im wia ni kamu.